ხუთშაბათი, 11 თებერვალი, 2016 თბილისის დრო 06:20

ახალი ამბები

ნატოს მინისტერიალზე დაამტკიცეს აღმოსავლეთის ფლანგზე ალიანსის გაძლიერების გეგმა

10.02.2016

ნატოს თავდაცვის მინისტრებმა დაამტკიცეს გეგმა, რომელიც ითვალისწინებს აღმოსავლეთის ფლანგზე ალიანსის გაძლიერებას. ბრიუსელში, სადაც 10-11 თებერვალს იმართება მინისტერიალი, ნატოს გენერალურმა მდივანმა, იენს სტოლტენბერგმა განაცხადა, რომ აღმოსავლეთში ალიანსი წარმოდგენილი იქნება საკმარისი ძალებით საიმისოდ, რომ შეძლოს ყველა მოკავშირის დაცვა ნებისმიერი საფრთხისაგან. „ეს-ესაა შევთანხმდით მთელ წყება პრინციპებზე ნატოს თავდაცვისა და შეკავების შესაძლებლობების მოდერნიზაციის მიზნით. ამ გადაწყვეტილების ფარგლებში, ნატოს თავდაცვის მინისტრები შეთანხმდნენ ჩვენი ალიანსის აღმოსავლეთ ნაწილში პოზიციების გაძლიერებაზე. ეს მოხდება მრავალეროვნული ძალისხმევით. გარკვევით რომ ითქვას: ერთ-ერთ მოკავშირეზე თავდასხმა ნიშნავს თავდასხმას ყველა მოკავშირეზე და მასზე რეაგირებას მთელი ალიანსი მოახდენს“, განაცხადა სტოლტენბერგმა ნატოს მინისტერიალის პირველი დღის დასრულების შემდეგ. სტოლტენბერგის განმარტებით, აღმოსავლეთის ფლანგზე ალიანსის ძალების გაზრდის მიზეზია უსაფრთხოების უზრუნველყოფის ამოცანის გართულება რუსეთის აგრესიულად ქმედების შედეგად. ნატოს მინისტერიალთან დაკავშირებით, ბრიუსელში იმყოფება საქართველოს თავდაცვის მინისტრი, თინა ხიდაშელი. 11 თებერვალს  გაიმართება ნატო-საქართველოს კომისიის სხდომა, რომელზეც საუბარი იქნება კონკრეტულად საქართველოს თავდაცვისუნარიანობის საშუალებების გაძლიერებაზე.

10 თებერვალი 2016
10 თებერვალი 2016

კალენდარი

სხვა მასალები

აუდიო გოჩა საითიძე: 1921 წელს დემოკრატიული რესპუბლიკა საერთაშორისო იზოლაციაში აღმოჩნდა

1921 წლის თებერვალში, 95 წლის წინ, საქართველოს დემოკრატიული რესპუბლიკა ბოლო დღეებს ითვლიდა.
გაგრძელება

აუდიო ანა დოლიძე: სამხედრო ნაწილებში სხვა აღმსარებლობის ჯარისკაცებისათვის სალოცავ ოთახებს შევქმნით

გავრცელებული ინფორმაციით, საქართველოს თავდაცვის სამინისტრომ სამხედრო ნაწილების მეთაურებს დაავალა, შექმნან სალოცავი ოთახები, სადაც სამხედრო მოსამსახურეებს, მიუხედავად მათი რწმენისა და აღმსარებლობისა, საშუალება ექნებათ, უფრო მეტად კომფორტულ და ტოლერანტულ გარემოში იმსახურონ.
გაგრძელება

აუდიო მოსკოვში თავს დაესხნენ ოპოზიციონერ მიხაილ კასიანოვს

კრემლი გმობს თავდასხმას რუს ოპოზიციონერ პოლიტიკოსზე, მიხაილ კასიანოვზე, და, ამასთან, აცხადებს, რომ არ არსებობს საფუძველი ჩეჩნეთის ლიდერის გამონათქვამებთან ინციდენტის დასაკავშირებლად.
გაგრძელება

აუდიო საქართველო და შავი ზღვის რეგიონი ნატოს მინისტერიალის დღის წესრიგში

საქართველოს თავდაცვის მინისტრი თინათინ ხიდაშელი ბრიუსელში იმყოფება ოფიციალური ვიზიტით. ის თავდაცვის მინისტრების შეხვედრაში მონაწილეობს.
გაგრძელება

თქვენი პუბლიკაციები

ძვირფასო მეგობრებო,

რადიო თავისუფლების რუბრიკაში „თავისუფალი სივრცე“ შეგიძლიათ საკუთარი ბლოგებისა და პუბლიცისტური სტატიების გამოქვეყნება.

ტექსტი არ უნდა აღემატებოდეს 700 სიტყვას.

რედაქცია იტოვებს უფლებას, საკუთარი შეხედულებისამებრ შეარჩიოს ტექსტები გამოსაქვეყნებლად. ავტორებს ვთხოვთ, გაითვალისწინონ რადიო თავისუფლების სარედაქციო პოლიტიკა, რომელსაც შეგიძლიათ გაეცნოთ განყოფილებაში „ფორუმის წესები“.

ტექსტები ქვეყნდება უცვლელად, რედაქტირების გარეშე.

მასალები მოგვაწოდეთ მისამართზე: tavisupleba@rferl.org
(subject-ში ჩაწერეთ „თავისუფალი სივრცე“)

ყველაზე პოპულარული