კვირა, 29 მაისი, 2016 თბილისის დრო 00:03

პოლიტიკა

ოკუპაციის ღამე ახალგაზრდებმა ცხინვალის მისადგომებთან აქციით აღნიშნეს

ერგნეთში ოკუპაციის წინააღმდეგ აქცია გაიმართაi
X
25.02.2013
საზოგადოებრივი კავშირი „დროას“ წევრებმა ერგნეთში მშვიდობიანი საპროტესტო აქცია გამართეს. ე.წ. საზღვრიდან, რუსების საგუშაგოდან ოციოდე მეტრის დაშორებით, აქციის მონაწილეებმა მშვიდობის სიმბოლური ჯაჭვი შეკრეს, სანთლებით საქართველოს დროშა გამოსახეს და ოკუპირებული ტერიტორიისკენ მანათობელი ფრანები გაუშვეს. აქციის დევიზი იყო „დროა, დასრულდეს საქართველოს ოკუპაცია! დროა ერთობის! არა ოკუპაციას!“

მულტიმედია

აუდიო
წუხელ სოფელ ერგნეთში ახალგაზრდები ჩავიდნენ და საქართველოს ოკუპაცია რუსული საგუშაგოდან რამდენიმე მეტრში გააპროტესტეს. საზოგადოებრივი მოძრაობა „დროას“ წევრებმა მშვიდობიანი საპროტესტო აქცია ეგრეთ წოდებული გამყოფი ხაზის სიახლოვეს გამართეს. აქციის მონაწილეებმა წუთიერი დუმილით პატივი მიაგეს საქართველოს დამოუკიდებლობისა და ტერიტორიული მთლიანობისთვის დაღუპულ მებრძოლებს. თეონა ჭალიძე  ამბობს, რომ ამ აქციის გამართვა იმ სოფელში, რომელიც ოკუპირებულ ტერიტორიას ესაზღვრება,  მნიშვნელოვანი იყო. მისი აზრით, დროა რუსეთის ჯარმა შეწყვიტოს ოკუპაცია და სახლში დაბრუნდეს. 

ახალგაზრდებმა ერგნეთის საგუშაგოს მიმდებარე ტერიტორიაზე მშვიდობის  სიმბოლური ჯაჭვი შეკრეს, სანთლები აანთეს და ცაში მანათობლები გაუშვეს. აქციაზე სოფლის მოსახლეობაც გამოვიდა. ერგნეთელების  ერთი ნაწილი უკმაყოფილებას გამოთქვამდა იმის შიშით, რომ მანათობლებით რუსების გაღიზიანებას შესაძლოა სროლა მოჰყოლოდა. ამიტომ ახალგაზრდებს უკან დახევისკენ მოუწოდებდნენ. იქვე იმყოფებოდა ევროკავშირის სადამკვირვებლო მისია და პოლიციაც მობილიზებული იყო. აქცია რუსების საგუშაგოდან დაახლოებით 50 მეტრში გაიმართა.

აქციის მონაწილე გიორგი ბიჩინაშვილი ამბობს, რომ მათი ერგნეთში ჩასვლა ადგილობრივი მოსახლეობის თანადგომისკენაც იყო მიმართული, რადგან სოფლის მცხოვრებლები ყოველდღიურად ხედავენ რას ნიშნავს ოკუპაცია. 

1921 წლის 25 თებერვალს საბჭოთა რუსეთის მე-11 წითელი არმია თბილისში შეიჭრა,  საქართველოს დედაქალაქი დაიკავა და აქ საბჭოთა ხელისუფლება გამოაცხადა. ახალგაზრდები მიიჩნევენ, რომ საქართველოს ტეროტორიების ანექსია-ოკუპაციას რუსეთი დღესაც აგრძელებს და „დროა დასრულდეს ოკუპაცია.“
ეს ფორუმი დაიხურა
კომენტარები
     
ამ ფორუმში კომენტარი არ არის. დაწერეთ პირველი კომენტარი

სხვა მასალები

ირანის ახალმა პარლამენტმა ფიცი დადო

პარლამენტში შედიან ახალი რეფორმატორი კანონმდებლები, რომლებიც, როგორც მოსალოდნელია, მხარს დაუჭერენ პრეზიდენტ როჰანის მცდელობას, განახორციელოს ირანის ეკონომიკისა და საზოგადოების მოდერნიზება.
გაგრძელება

აუდიო რა პრობლემებია აჭარაში ადამიანის უფლებების თვალსაზრისით

პოლიციის მიერ დაკავებული პირების მიმართ არასათანადო მოპყრობისა და ძალის გადამეტების შესახებ შეტყობინებები გაზრდილია განსაკუთრებით აჭარის რეგიონში, – განაცხადა საქართველოს სახალხო დამცველმა უჩა ნანუაშვილმა 24 მაისს ბათუმში.
გაგრძელება

პეტრო პოროშენკომ ანდერს ფოგ რასმუსენი თავის შტატგარეშე მრჩევლად დანიშნა

რასმუსენმა განაცხადა, რომ ყოველ ღონეს იხმარს უკრაინაში უსაფრთხოების უზრუნველყოფის, რეფორმების გატარებისა და ევროკავშირთან დაახლოებისთვის.
გაგრძელება

კამერონი: რუსეთის საწინააღმდეგო სანქციები გაგრძელდება

„დიდი შვიდეულის“ სამიტში მონაწილე ქვეყნების ლიდერები შეთანხმდნენ, რომ მომდევნო თვიდან გაგრძელდება რუსეთის წინააღმდეგ დაწესებული ეკონომიკური სანქციები.
გაგრძელება

თქვენი პუბლიკაციები

ძვირფასო მეგობრებო,

რადიო თავისუფლების რუბრიკაში „თავისუფალი სივრცე“ შეგიძლიათ საკუთარი ბლოგებისა და პუბლიცისტური სტატიების გამოქვეყნება.

ტექსტი არ უნდა აღემატებოდეს 700 სიტყვას.

რედაქცია იტოვებს უფლებას, საკუთარი შეხედულებისამებრ შეარჩიოს ტექსტები გამოსაქვეყნებლად. ავტორებს ვთხოვთ, გაითვალისწინონ რადიო თავისუფლების სარედაქციო პოლიტიკა, რომელსაც შეგიძლიათ გაეცნოთ განყოფილებაში „ფორუმის წესები“.

ტექსტები ქვეყნდება უცვლელად, რედაქტირების გარეშე.

მასალები მოგვაწოდეთ მისამართზე: tavisupleba@rferl.org
(subject-ში ჩაწერეთ „თავისუფალი სივრცე“)