ორშაბათი, 08 თებერვალი, 2016 თბილისის დრო 05:59

პოლიტიკა / საქართველო

გალის რაიონი არჩევნების მოლოდინში

x

მულტიმედია

აუდიო
აფხაზეთის დე ფაქტო რესპუბლიკაში 10 მარტს საპარლამენტო არჩევნები ჩატარდება. ოკუპირებული რეგიონის სახალხო კრების 35 დეპუტატს ერთმანდატიან ოლქებში მაჟორიტარული სისტემით ირჩევენ. ადგილობრივი ცენტრალური საარჩევნო კომისიის ინფორმაციით, სახალხო კრების წევრობაზე პრეტენზიას აცხადებს 148 ადამიანი, რომელთაგან 114 დამოუკიდებელი კანდიდატია, 11 მმართველი პარტიის - „ერთიანი აფხაზეთის“ - წევრია, ამდენივე - ოპოზიციური „სახალხო ერთობის ფორუმის“, 6  - კომუნისტური პარტიის და 6 - აფხაზეთის ეკონომიკური განვითარების პარტიის. აფხაზეთის დე ფაქტო რესპუბლიკის კანონმდებლობა არ ითვალისწინებს არჩევნებამდე 24 საათით ადრე ე.წ. „დუმილის დღის“ გამოცხადებას და საარჩევნო აგიტაცია მხოლოდ არჩევნების დღესაა აკრძალული.

საპარლამენტო არჩევნებში მონაწილე დეპუტატობის კანდიდატთა ნაწილს არ იცნობენ გალის რაიონში მცხოვრები ამომრჩევლები. მათი ინფორმაციით, მაგალითად, სოფელ ოტობაიაში ჩასული იყო მხოლოდ სამი კანდიდატი, რომლებიც კენჭს ჭუბურხინჯის ოლქში იყრიან. რადიო თავისუფლების ოტობაიელი რესპონდენტის თქმით, დეპუტატობის სამივე კანდიდატი ამომრჩევლებს დაჰპირდა, რომ მათი გამარჯვების შემთხვევაში აფხაზური პასპორტის მიღება გაიოლდება.      

სააგენტო „აფსნიპრესი“ ადგილობრივ საარჩევნო ადმინისტრაციაზე დაყრდნობით იუწყება, რომ 10 მარტის საპარლამენტო არჩევნებს მეთვალყურეობას გაუწევენ დამკვირვებლები რუსეთიდან, ნიკარაგუიდან, ვენესუელიდან, ტუვალუდან, ლატვიიდან, საფრანგეთიდან და იტალიიდან. ამავე ჩამონათვალში არიან სამხრეთ ოსეთის, მთიანი ყარაბაღისა და დნესტრისპირეთის დე ფაქტო რესპუბლიკების წარმომადგენლებიც.

რუსეთის დუმის სპიკერმა სერგეი ნარიშკინმა დღეს მოსკოვში ჟურნალისტებს განუცხადა, რომ რუსეთის მიერ აღიარებულ აფხაზეთში საპარლამენტო არჩევნებს პრაქტიკულად ყველა ფრაქციის წარმომადგენელი დააკვირდება. ნარიშკინმა იმედი გამოთქვა, რომ 10 მარტის არჩევნები გამჭვირვალედ და მშვიდად ჩატარდება და ხელს შეუწყობს სახელმწიფოდ აფხაზეთის შემდგომ ჩამოყალიბებასა და სტაბილურ განვითარებას.

ოკუპირებულ რეგიონში მიმდინარე პროცესების რეალურ მმართველად რუსეთს მიიჩნევს საქართველოს ხელისუფლება, რომელიც აფხაზეთში დაგეგმილ საპარლამენტო არჩევნებს არალეგიტიმურად და საერთაშორისო სამართლის ნორმების დარღვევად აფასებს.


ძვირფასო მეგობრებო, რადიო თავისუფლების ფორუმში მონაწილეობისთვის გთხოვთ, გამოიყენოთ თქვენი Facebook-ის ანგარიში. კომენტარები მოდერაციის შემდეგ ქვეყნდება და საიტზე მათ გამოჩენას გარკვეული დრო სჭირდება. გთხოვთ, გაითვალისწინოთ, რომ ღამის საათებში კომენტარები არ ქვეყნდება.

ეს ფორუმი დაიხურა
კომენტარები
     
ამ ფორუმში კომენტარი არ არის. დაწერეთ პირველი კომენტარი

სხვა მასალები

აუდიო პრეზიდენტი პარლამენტში, არეულობა „მაესტროში“ და გასული კვირის სხვა ამბები

გიორგი მარგველაშვილი პარლამენტში ყოველწლიური შემაჯამებელი მოხსენებით წარდგა - მას მინისტრებთან ერთად პრემიერმა გიორგი კვირიკაშვილმაც მოუსმინა.
გაგრძელება

აუდიო ბათუმის მერია და ბულვარის მომავალი

ბათუმის მერი გიორგი ერმაკოვი ბულვარის მერიის დაქვემდებარებაში გადასვლაზე უარს ამბობს. იგი მიზანშეწონილად მიიჩნევს, დასრულდეს ბულვარში მიმდინარე ინფრასტრუქტურული სამუშაოები და ამის შემდეგ მოხდეს ზღვისპირა პარკის მერიისათვის დაბრუნება.
გაგრძელება

აუდიო საქართველოში თითქმის ყველაფერი ძვირდება

ლარის დევალვაციის პროცესმა, რაც ძირითადად გაზრდილი სახელმწიფო ხარჯების შედეგია, სამომხმარებლო პროდუქციის გაძვირება გამოიწვია.
გაგრძელება

ვიდეო ანტონიო გაუდი - შეშლილი გენიოსი

კატალონიელი არქიტექტორი ანტონიო გაუდი წარმოგვიდგენს არქიტექტურას, როგორც წიაღს, სადაც შესაძლებელია განმარტოება და თავის გადარჩენა. ამიტომაც ამბობენ ხოლმე გაუდიზე, რომ მისი შენობები გამოქვაბულებია, ”გამოქვაბული, სადაც არსებობს ღმერთი”. თუმცა გაუდის შემოქმედებას სხვაგვარადაც აფასებენ.
გაგრძელება

თქვენი პუბლიკაციები

ძვირფასო მეგობრებო,

რადიო თავისუფლების რუბრიკაში „თავისუფალი სივრცე“ შეგიძლიათ საკუთარი ბლოგებისა და პუბლიცისტური სტატიების გამოქვეყნება.

ტექსტი არ უნდა აღემატებოდეს 700 სიტყვას.

რედაქცია იტოვებს უფლებას, საკუთარი შეხედულებისამებრ შეარჩიოს ტექსტები გამოსაქვეყნებლად. ავტორებს ვთხოვთ, გაითვალისწინონ რადიო თავისუფლების სარედაქციო პოლიტიკა, რომელსაც შეგიძლიათ გაეცნოთ განყოფილებაში „ფორუმის წესები“.

ტექსტები ქვეყნდება უცვლელად, რედაქტირების გარეშე.

მასალები მოგვაწოდეთ მისამართზე: tavisupleba@rferl.org
(subject-ში ჩაწერეთ „თავისუფალი სივრცე“)

ყველაზე პოპულარული