29 ივნისს რადიო თავისუფლების "დილის საუბრების" სტუმარი იყო მაია ქურციკიძე, გაეროს ბავშვთა ფონდის (UNICEF) კომუნიკაციის პროგრამის ხელმძღვანელი. მან ილაპარაკა ბავშვების სოციალურ უთანასწორობაზე. გაეროს ბავშვთა ფონდის ანგარიშის თანახმად, მსოფლიოში ბავშვების სოციალური უთანასწორობა კიდევ უფრო გაღრმავდება, თუ ხელისუფლებები ახლავე არ დაიჭერენ თადარიგს. საქართველოში 50 ათასი ბავშვი უკიდურეს სიღარიბეში ცხოვრობს ანუ დღეში 2 ლარს მოიხმარს. მაია ქურციკიძის თქმით, ხელისუფლებას მართებს მეტი აქტიურობა, რათა დაინახოს სიღარიბეში მცხოვრები ოჯახები და ბავშვები, და მათი საჭიროებები. ამასთან, მაია ქურციკიძე ამბობს, რომ ხშირია ოჯახების უცაბედი გაღარიბების შემთხვევები და ამგვარი ხიფათებისგან დაცვასაც მეტი ყურადღება უნდა ექცეოდეს.