19 აგვისტოს საქართველოში ზაფხულის განმავლობაში ყველაზე მაღალი ტემპერატურაა მოსალოდნელი. გარემოს დაცვის სააგენტოს ინფორმაციით, ყველაზე მაღალი ტემპერატურა კახეთში დაფიქსირდება და საშუალოდ 41 გრადუსი იქნება. თბილისში ჰაერის ტემპერატურა 38-40 გრადუსს მიაღწევს. თბილისში დარჩენილი მოსახლეობა სიცხისგან თავის დასაცავად სხვადასხვა გზას მიმართავს. ძირითადად ესაა კონდიციონერი ან ქალაქში არსებულ პარკებში გასეირნება. სინოპტიკოსების ვარაუდით, 19-20 აგვისტოდან საქართველოში ხანმოკლე წვიმებია ნავარაუდევი, მათ შორის თბილისშიც. წვიმების გამო თბილისში ჰაერის საშუალო ტემპერატურა 34-36 გრადუსამდე დაეცემა.