გამოქვეყნდა 04.07.2012
გაეროში საქართველოს დევნილთა შესახებ რეზოლუციის მხარდამჭერთა რიცხვი იზრდება. გაეროს გენერალურმა ასამბლეამ 3 ივლისს ხმათა უმრავლესობით დაამტკიცა საქართველოს მიერ ინიცირებული მეხუთე რეზოლუცია, რომელიც მხარს უჭერს იძულებით ადგილნაცვალ პირთა დაბრუნებას საქართველოს მთელ ტერიტორიაზე, მათ შორის აფხაზეთსა და სამხრეთ ოსეთში. ამ მოვლენასთან დაკავშირებით 4 ივლისს „კოალიციამ სამართლიანობისთვის“ თბილისში ჩაატარა დევნილების მხარდამჭერი აქცია.