გამოქვეყნდა 18.06.2012
18 ივნისს შესრულდა ექვსი თვე ჩეხოსლოვაკიისა და ჩეხეთის ყოფილი პრეზიდენტის, ვაცლავ ჰაველის გარდაცვალებიდან. ამ თარიღს ეძღვნება პრაღაში გახსნილი გამოფენა, რომელზეც წარმოდგენილია მწერლისა და დისიდენტის ფოტოსურათები, გადაღებული 1988-2011 წლებში. სურათების ავტორები არიან ჩეხეთის საინფორმაციო სააგენტოს, ČTK-ს ფოტოგრაფები. აქამდე გამოუქვეყნებელი მრავალი სურათი აჩვენებს ჰაველის პრეზიდენტობის განსაკუთრებით საინტერესო და ინტიმურ მომენტებს. ჩვენს ფოტოგალერეაში წარმოგიდგენთ რამდენიმე სურათს გამოფენიდან, რომელიც 6 ივლისამდე გაგრძელდება.