პარასკევი, 19 დეკემბერი, 2014 თბილისის დრო 10:26

რუბრიკები / რეგიონული მაცნე

კარავში შესახლებულები პრეზიდენტისგან რეაგირებას ითხოვენ

ზუგდიდში, პრეზიდენტის რეზიდენციის წინ გაშლილი კარავიზუგდიდში, პრეზიდენტის რეზიდენციის წინ გაშლილი კარავი
x
ზუგდიდში, პრეზიდენტის რეზიდენციის წინ გაშლილი კარავი
ზუგდიდში, პრეზიდენტის რეზიდენციის წინ გაშლილი კარავი

მულტიმედია

აუდიო
ზუგდიდში, პრეზიდენტის რეზიდენციის წინ, მიხეილ სააკაშვილის გადადგომისა და დევნილებისთვის საცხოვრებლად რეზიდენციის გადაცემის მოთხოვნით გაშლილ კარავში წუხანდელი ღამე ზუგდიდის ყოფილი პოლიტექნიკური კოლეჯის შენობაში მცხოვრები დევნილების ნაწილმა გაათენა. მათთან ერთად იმყოფებოდა საზოგადოებრივი მოძრაობა „დაიცავი საქართველოს“ წევრი კახა მიქაია.

კახა მიქაიას განცხადებით, მან საზოგადოებრივი მოძრაობის დანარჩენ წევრებთან ერთად კარავში ელემენტარული საცხოვრებელი პირობები შექმნა - მიიტანა ღუმელი, შეშა და სხვა საჭირო ნივთები.

მისივე თქმით, „დაიცავი საქართველო“ და ორგანიზაცია „ქალები მშვიდობისთვის“ არიან იმ საპროტესტო აქციის ორგანიზატორები, რომლის მონაწილენიც პრეზიდენტის გადადგომას ითხოვენ. რაც შეეხება მეორე მოთხოვნას, დევნილები რეზიდენციაში შეასახლონ, ის, მიქაიას თქმით, ეკუთვნის დევნილებს და მოძრაობამ „დაიცავი საქართველო“ მათ, უბრალოდ, დახმარება გაუწია. კახა მიქაიამ პრეზიდენტს 2010 წელს გაკეთებული განცხადებაც შეახსენა:
ზუგდიდში, პრეზიდენტის რეზიდენციის წინ გაშლილი კარავიზუგდიდში, პრეზიდენტის რეზიდენციის წინ გაშლილი კარავი
x
ზუგდიდში, პრეზიდენტის რეზიდენციის წინ გაშლილი კარავი
ზუგდიდში, პრეზიდენტის რეზიდენციის წინ გაშლილი კარავი

„2010 წელს პრეზიდენტმა განაცხადა, რომ მზად არის რეზიდენცია დაუთმოს დევნილებს და სოციალურად დაუცველებს. მართალია, ის ახლა პრეზიდენტი არ არის, მაგრამ მოვითხოვთ შეასრულოს დაპირება. მეორე მოთხოვნაა, რომ, თუ სააკაშვილს არ სურს დაძაბოს სიტუაცია დასავლეთ საქართველოში, გონებას მოუხმოს, გამოიჩინოს კეთილი ნება, დაიხუროს ქუდი და წავიდეს სახლში“.

პრეზიდენტის რეზიდენციის გვერდით მდებარე ზუგდიდის ყოფილი პოლიტექნიკური კოლეჯის შენობაში მცხოვრებმა დევნილებმა რადიო თავისუფლებას უთხრეს, რომ წუხელ კარავში მცირეწლოვანი ბავშვებიც იმყოფებოდნენ, რადგან იქ უკეთესი პირობებია, ვიდრე კოლეჯის შენობაში. მათივე განმარტებით, კარავში შესახლებულთა რაოდენობა თანდათან გაიზრდება.

კარავში ერთ-ერთი პირველი შესახლდა აფხაზეთიდან დევნილი 86 წლის ჩიქო შენგელია.

„მიშას სახლში უნდა შევიდე. აი, ეს არის ჩემი მოთხოვნა. არც წყალი გვაქვს და არც შუქი. რითი უნდა ვიცხოვროთ? ამიტომ შეგვიშვან. იქ ყველაფერი აქვს მიშას. კოლეჯის შენობაში მცხოვრები ოჯახები ყველა დავეტევით რეზიდენციაში. შეგვიშვით მიშას სახლში. ის არ დარჩება უსახლ-კაროდ, ნუ გეშინიათ. ბევრი ექნება ამისთანა“, -  თქვა ჩიქო შენგელიამ.
ზუგდიდში, პრეზიდენტის რეზიდენციის წინ გაშლილი კარავიზუგდიდში, პრეზიდენტის რეზიდენციის წინ გაშლილი კარავი
x
ზუგდიდში, პრეზიდენტის რეზიდენციის წინ გაშლილი კარავი
ზუგდიდში, პრეზიდენტის რეზიდენციის წინ გაშლილი კარავი

საქართველოს პრეზიდენტის ზუგდიდის რეზიდენციის წინ გაშლილი კარავი 25 კაცზეა გათვლილი. კარვის გაშლის პროცესს „დაიცავი საქართველოს“ წევრები ხელმძღვანელობდნენ.

„სააკაშვილი დამთავრდა, სააკაშვილი ვადაგასულია“, - ამ სიტყვებით მიმართა კახა მიქაიამ გუშინ, 21 იანვარს, რეზიდენციის წინ შეკრებილ დაახლოებით 30-მდე მოქალაქეს.

კახა მიქაიას თქმით, მიხეილ სააკაშვილის გადადგომისა და დევნილებისთვის ალტერნატიული ფართის გადაცემის მოთხოვნით გაშლილი კარავი ზუგდიდში მანამ დარჩება, სანამ კონკრეტული რეაგირება არ მოჰყვება პრეზიდენტის მხრიდან.


ყურადღება!
რადიო თავისუფლების ქართული რედაქციის ვებსაიტზე ფორუმებით სარგებლობისთვის აუცილებელია რეგისტრაციის გავლა.

რეგისტრაციის გასავლელად დააჭირეთ ვებსაიტის ზედა მარჯვენა კუთხეში მოთავსებულ ბმულს „რეგისტრაცია“. (რეგისტრაციის გავლის შემდეგ ელექტრონული ფოსტით მიიღებთ ავტომატურ შეტყობინებას. ყურადღება მიაქციეთ, შეტყობინება თქვენი ელექტრონული ფოსტის spam-ში ხომ არ აღმოჩნდა.) კომენტარის დასაწერად არ დაგავიწყდეთ საიტზე შესვლა.
ეს ფორუმი დაიხურა
კომენტარების რიგი
კომენტარები
     
ავტორი: ანონიმი
26.01.2013 13:15
ახალი მთავრობის ძველი ხრიკები.
მისას ფული არა აქვს, ბიძინას კი ტრამპზე მეტი ფული აქვს. მისთვის არაფერი არაა ამ გაჭირვებულებს ბინები შეუძინოს.
ასე რომ მისამართი შეეშალათ გაჭირვებულ ადამიანს პოლიტიკა ფეხებზე ჰკიდია, ესენი კი პოლიტიკურად იქცევიან. თუ გაჭირვებული ხარ მდიდარს და ეხლა თანაც ქვეყნის მეთაურს მიადექი ,რაღა იმ კაცს ადგები კარზე ვინც თუ დაგითმო შესაფარებელი, მხოლოდ 7 თვით დაგითმობს?
გაანძრიეთ ეგ თივით გამოტენილი თავები.

ავტორი: ანონიმი
22.01.2013 18:44
ეს დევნილები თავის სახლებში დაბრუნებას თუ არ ითხოვენ სხვის სახლებში ნეტა რატომ უნდა შეასახლონ?

სხვა მასალები

აუდიო პუტინი აკრიტიკებს დასავლეთს, უკრაინის კონფლიქტში ადანაშაულებს კიევს

კრემლში, ყოველწლიურ პრესკონფერენციაზე, რუსეთის პრეზიდენტმა პირობა დადო, რომ რუსეთის ეკონომიკა აუცილებლად გაჯანსაღდება.
გაგრძელება

აუდიო სამრეწველო პროდუქციის მწარმოებელთა ფასების ინდექსი საქართველოში

ლარის კურსის ცვალებადობამ ბოლო თვის განმავლობაში გააჩინა კითხვები საქართველოში ფასწარმოქმნის პრინციპებსა და ინფლაციურ პროცესებთან დაკავშირებით.
გაგრძელება

ევროპარლამენტმა დაამტკიცა ასოცირების შეთანხმების სარატიფიკაციო დოკუმენტი

შეთანხმების რატიფიცირებას მხარი დაუჭირა 490-მა პარლამენტარმა, წინააღმდეგი იყო 76, თავი შეიკავა 57-მა. სულ ხმის მიცემაში 623 ევროპარლამენტარი მონაწილეობდა.
გაგრძელება

თქვენი პუბლიკაციები

ძვირფასო მეგობრებო,

რადიო თავისუფლების რუბრიკაში „თავისუფალი სივრცე“ შეგიძლიათ საკუთარი ბლოგებისა და პუბლიცისტური სტატიების გამოქვეყნება.

ტექსტი არ უნდა აღემატებოდეს 700 სიტყვას.

რედაქცია იტოვებს უფლებას, საკუთარი შეხედულებისამებრ შეარჩიოს ტექსტები გამოსაქვეყნებლად. ავტორებს ვთხოვთ, გაითვალისწინონ რადიო თავისუფლების სარედაქციო პოლიტიკა, რომელსაც შეგიძლიათ გაეცნოთ განყოფილებაში „ფორუმის წესები“.

ტექსტები ქვეყნდება უცვლელად, რედაქტირების გარეშე.

მასალები მოგვაწოდეთ მისამართზე: tavisupleba@rferl.org
(subject-ში ჩაწერეთ „თავისუფალი სივრცე“)

ყველაზე პოპულარული