სამშაბათი, 03 მაისი, 2016 თბილისის დრო 05:07

პოლიტიკა

„არა ოკუპაციას“ – ხმაურიანი აქცია ენგურის ხიდთან

მულტიმედია

აუდიო
აქციას „არა ოკუპაციას“ ინციდენტი მოჰყვა აფხაზეთ-სამეგრელოს ადმინისტრაციული საზღვრის სიახლოვეს. წუხელ პირველ ბლოკ-საგუშაგოსთან მყოფმა პოლიციელებმა მანიფესტანტებს - სამეგრელო-ზემო სვანეთის გუბერნატორ თენგიზ გუნავას, სამხარეო ადმინისტრაციის თანამშრომლებსა და სამეგრელოს ახალგაზრდული საინიციატივო ჯგუფის წევრებს - ენგურის ცენტრალურ ხიდამდე ავტომანქანებით გადაადგილების საშუალება არ მისცეს.

ფაქტს შელაპარაკება მოჰყვა თენგიზ გუნავასა და საგუშაგოს პოლიციელს შორის. გუბერნატორმა განმარტება მოითხოვა, რატომ დააბრკოლეს აქციის მონაწილეები, რაზეც პოლიციელმა განუცხადა, რომ „ის წესრიგს იცავს და ამდენი მანქანის შესვლა საზღვრის სიახლოვეს სასურველი არ არის“.
გუნავამ ჟურნალისტებს განუცხადა, რომ არ ახსოვს მსგავსი მშვიდობიანი მსვლელობის დროს აქციის მონაწილეებისთვის გზა გადაეკეტოთ.
სამეგრელოს ყველაზე კარდაგ ახსოვს რა არის რუსული ჩექმა. ამიტომაც ყველა ერთად უარს ვეუბნებით ოკუპაციას და ყველა, ვინც ეჭვქვეშ დააყენებს საქართველოს საგარეო პოლიტიკის კურსს...

„საქართველო უნდა იყოს თავისუფალი და ერთიანი. ჩვენ ამისთვის ვიბრძოლებთ, მიუხედავად წინააღმდეგობისა, რაც ახლა გასწია რამდენიმე სამართალდამცავმა. მე არ ვიცი, საიდან მოიტანეს ეს ბრძანება. მე ძალიან დიდი ხნის განმავლობაში ვმუშაობდი და არასოდეს ყოფილა მსგავსი რამ, აქციების პერიოდში გზა გადაეკეტოთ. ეს სირცხვილია“, – განაცხადა თენგიზ გუნავამ.

საინიციატივო ჯგუფის წევრმა და აქციის ორგანიზატორმა ანა წითლიძემ განაცხადა, რომ დღეს ქალაქის ცენტრსა და ადმინისტრაციულ საზღვართან შეკრებით უერთდებიან თბილისში ოკუპაციის წინააღმდეგ გამართულ აქციას. მანვე პირველ საგუშაგოსთან მომხდარი ინციდენტის საპასუხოდ აღნიშნა, რომ ენგურის ხიდთან დაგეგმილი შეკრების შესახებ პოლიციელები ჯერ კიდევ გუშინ გააფრთხილეს.

„სამეგრელოს ყველაზე კარდაგ ახსოვს რა არის რუსული ჩექმა. ამიტომაც ყველა ერთად უარს ვეუბნებით ოკუპაციას და ყველა, ვინც ეჭვქვეშ დააყენებს საქართველოს საგარეო პოლიტიკის კურსს, ფეხს წაიმტვრევს ქართველი ერის წინაშე“, – გვითხრა ანა წითლიძემ.

შელაპარაკების შემდეგ აქციის მონაწილეებმა მსვლელობა ენგურის ხიდამდე ქვეითად განაგრძეს. მათ მშვიდობისა და ერთიანობის ნიშნად ცაში ფრანები გაუშვეს და ოკუპირებული რეგიონის სიახლოვეს საქართველოს დროშა დაკიდეს. ადმინისტრაციულ საზღვართან შეკრებამდე აქცია ზუგდიდში, 9 აპრილის მემორიალთან დაიწყო, სადაც „არა ოკუპაციას“ ანთებული სანთლებით გამოსახეს.
ეს ფორუმი დაიხურა
კომენტარები
     
ამ ფორუმში კომენტარი არ არის. დაწერეთ პირველი კომენტარი

სხვა მასალები

ვიდეო თეატრი, როგორც ფუნქცია

ევროპის ცოვილიზაციის დასაწყისში, მაგალითად ათენის დემოკრატიის პირობებში, თეატრი არა მხოლოდ ესთეტიკური ტკბობის საგანი იყო, არამედ სამოქალაქო  განათლების ერთ-ერთი მნიშვნელოვანი კომპონენტი.
გაგრძელება

აუდიო 1 მაისი - ჩუმად ჩავლილი მშრომელთა საერთაშორისო დღე

პირველ მაისს, მშრომელთა საერთაშორისო დღეს, საქართველოში არ გამართულა მშრომელთა ტრადიციული მსვლელობა-აქციები.
გაგრძელება

აუდიო ომში დაღუპულთა ხსოვნისთვის

აგვისტოს ომში დაღუპული ჯარისკაცების ხსოვნას მიაგეს პატივი თავდაცვის სამინისტროს წარმომადგენლებმა და ჯარისკაცთა ოჯახის წევრებმა, რომლებიც მუხათგვერდის ძმათა სასაფლაოზე შეიკრიბნენ.
გაგრძელება

აუდიო 476: სადაც ნიკო მიცვალებულების მოსაგონარ სიმღერებს უშვებს

დღევანდელი დღისთვის შესაფერისი პლეილისტი გამოვიდა.
გაგრძელება

თქვენი პუბლიკაციები

ძვირფასო მეგობრებო,

რადიო თავისუფლების რუბრიკაში „თავისუფალი სივრცე“ შეგიძლიათ საკუთარი ბლოგებისა და პუბლიცისტური სტატიების გამოქვეყნება.

ტექსტი არ უნდა აღემატებოდეს 700 სიტყვას.

რედაქცია იტოვებს უფლებას, საკუთარი შეხედულებისამებრ შეარჩიოს ტექსტები გამოსაქვეყნებლად. ავტორებს ვთხოვთ, გაითვალისწინონ რადიო თავისუფლების სარედაქციო პოლიტიკა, რომელსაც შეგიძლიათ გაეცნოთ განყოფილებაში „ფორუმის წესები“.

ტექსტები ქვეყნდება უცვლელად, რედაქტირების გარეშე.

მასალები მოგვაწოდეთ მისამართზე: tavisupleba@rferl.org
(subject-ში ჩაწერეთ „თავისუფალი სივრცე“)