კვირა, 05 ივლისი, 2015 თბილისის დრო 02:27

პოლიტიკა / საქართველო

ახალი წლის პირველი კვირა

საახალწლოდ მორთული ნაძვის ხე რუსთაველის გამზირზე.საახალწლოდ მორთული ნაძვის ხე რუსთაველის გამზირზე.
x
საახალწლოდ მორთული ნაძვის ხე რუსთაველის გამზირზე.
საახალწლოდ მორთული ნაძვის ხე რუსთაველის გამზირზე.

მულტიმედია

აუდიო
მიმოხილვას დავიწყებთ ახალი წლის ღამით, როცა ტელევიზორების წინ მოკალათებულ საქართველოს დამდეგი ახალი წელი, პატრიარქისა და პრეზიდენტის გარდა, პრემიერ-მინისტრმაც მიულოცა. ბიძინა ივანიშვილმა თავის მიმართვაში მოკლედ შეაჯამა გასული წელი და მომავლის გეგმებზე საუბრისას აღნიშნა, რომ მისი პოლიტიკური გუნდის მიზანი დემოკრატიული, სოციალურად სამართლიანი სახელმწიფოს აშენებაა.

ბიძინა ივანიშვილმა ასევე ილაპარაკა, წინა ხელისუფლების წარმომადგენლების პასუხისმგებლობიდან გათავისუფლების მიზნით, ამნისტიის მსგავსი მექანიზმის შექმნის აუცილებლობაზე. ტელევიზიებმა პრეზიდენტისა და პრემიერ-მინისტრის გამოსვლები განსხვავებული თანამიმდევრობით გაუშვეს. განსხვავებული იყო თავად ხელისუფლების წარმომადგენელთა პათოსიც. თუ ივანიშვილმა ხაზი გაუსვა წინსვლისა და წარმატებების პერსპექტივებს, სააკაშვილმა ქვეყნისთვის საზიანო გადაწყვეტილებების თავიდან აცილების აუცილებლობაზე ისაუბრა. პრეზიდენტმა სააკაშვილმა „ქართული ოცნების“ ლიდერს შესთავაზა ხუთპუნქტიანი გეგმა, რომლის პირველი პუნქტი მთავარ პოლიტიკურ მოთამაშეებს ”ერთმანეთის მიმართ აგრესიული და შეურაცხმყოფელი რიტორიკის” შეწყვეტისკენ მოუწოდებს. სააკაშვილის თქმით, ასევე უნდა შეწყდეს წინა ხელისუფლების წარმომადგენელთა უსაფუძვლო დევნა-დაჭერა.
დღეს ერთი პიროვნება უშლის ხელს საქართველოს კეთილდღეობას. იგი ჩაბღაუჭებულია პრეზიდენტის სავარძელს და, მიუხედავად მისი ვადის გასვლისა, არ გვანებებს თავს ...

მესამე პუნქტი გაერთიანებისკენ მოწოდებაა, რათა არ მოხდეს ”საქართველოს დასავლეთთან ურთიერთობის შერყევა” და არ შეფერხდეს ჩვენი ქვეყნის ინტეგრაცია ევროატლანტიკურ სტრუქტურებში; მეოთხე პუნქტის მიხედვით, უნდა შეწყდეს შეტევა თვითმმართველობებზე და ”შეწყდეს ძალადობისა და საზოგადოებრივი დაპირისპირების წახალისება“; ხოლო ბოლო, მეხუთე პუნქტი გამიზნულია იმისათვის, რომ ქართული ეკონომიკისადმი ნდობა დაუბრუნდეს როგორც საერთაშორისო, ისე ადგილობრივ ბიზნესსაზოგადოებას. ამავე პუნქტში ერთიანდება ”დიდი საერთაშორისო საინვესტიციო კონფერენციის” მოწვევის იდეა. გეგმის მიხედვით, ამ კონფერენციას ერთად უნდა გაუძღვნენ პრემიერი და პრეზიდენტი.

გასულ კვირაში ხუთი წელი შესრულდა უკანასკნელი საპრეზიდენტო არჩევნებიდან. 2008 წლის 5 იანვარს გამართულ რიგგარეშე საპრეზიდენტო არჩევნებში გამარჯვებულმა მიხეილ სააკაშვილმა ფიცი 20 იანვარს დადო. შესაბამისად, არასამთავრობო ორგანიზაციათა გაერთიანება „ერთსულოვნება ადამიანის უფლებებისათვის“ მიიჩნევს, რომ სწორედ 20 იანვარს უმთავრდება პრეზიდენტ სააკაშვილს უფლებამოსილების ვადა და, როგორც ორგანიზაციის თავმჯდომარე მიხეილ ანდღულაძე ამბობს, პრეზიდენტი უნდა გადადგეს:

„დღეს ერთი პიროვნება უშლის ხელს საქართველოს კეთილდღეობას. იგი ჩაბღაუჭებულია პრეზიდენტის სავარძელს და, მიუხედავად მისი ვადის გასვლისა, არ გვანებებს თავს. 4 იანვარს თბილისში ავლაბრის რეზიდენციასთან, რეგიონებში კი გამგეობების შენობებთან, დღის 13.00 საათზე ხალხი დააფიქსირებს უდიდეს ერთსულოვნებას სააკაშვილის გადადგომის მოთხოვნით და თუ ხალხის შეძახილი გაუგებელი დარჩება, 20 იანვარს მთელი საქართველო ჩამოვა თბილისში და ერთხელ და სამუდამოდ წერტილს დაუსვამს სააკაშვილის ბოგინს“.

საპროტესტო აქცია პრეზიდენტის სასახლესთანსაპროტესტო აქცია პრეზიდენტის სასახლესთან
x
საპროტესტო აქცია პრეზიდენტის სასახლესთან
საპროტესტო აქცია პრეზიდენტის სასახლესთან
20 იანვრამდე, გამაფრთხილებელი აქცია პრეზიდენტის სასახლესთან 4 იანვარს გაიმართა, თუმცა ამას ხელი არ შეუშლია მიხეილ სააკაშვილისათვის გამოეწვია ის ელჩები, რომელთა შესახებაც გადაწყვეტილება მთავრობასთან კონსულტაციის საფუძველზე იქნა მიღებული. საგარეო საქმეთა მინისტრის მაია ფანჯიკიძის თქმით, ლაპარაკია 9 ქვეყანაში აკრედიტებულ ელჩებზე:

„ეს არის მნიშვნელოვანი საელჩოები, რომლებიც მნიშვნელოვანია დაკომპლექტებული იყოს ისეთი ხალხით, რომელიც ახალი მთავრობის პოლიტიკას სწორად გაატარებს და რომელიც არ ემსახურებოდა „ნაციონალური მოძრაობის“  პარტიულ ინტერესებს, ანუ ის ადამიანები, რომლებიც თავის დროზე დანიშნული იყვნენ პარტიული ნიშნით, ხოლო ის კარიერული დიპლომატები, რომლებიც სამინისტროში მოღვაწეობენ მრავალი წლის განმავლობაში, ისინი ყველანი რჩებიან ადგილზე, თუკი მათ არ გასდით როტაციის ვადა“.

საპარლამენტო უმრავლესობისა და ათასობით პატიმრის მოლოდინის მიუხედავად, გასულ კვირაში კვლავ არ ამოქმედებულა ამნისტიის შესახებ კანონი, რომელზეც პრეზიდენტის მიერ დადებული ვეტო პარლამენტმა 91 ხმით დაძლია. საპარლამენტო უმრავლესობის ერთ-ერთი წევრის, თინათინ ხიდაშელის თქმით, თუ პრეზიდენტი კანონს არ დაამტკიცებს 11 იანვრამდე, ის ძალაში პარლამენტის თავმჯდომარის ხელმოწერით შევა.

ამნისტია,სულ, 17 ათასამდე მსჯავრდებულსა და პატიმარს შეეხება, თუმცა, კანონის ამგვარი მასშტაბურობის მიუხედავად, სასჯელაღსრულებისა და პრობაციის მინისტრმა სოზარ სუბარმა განაცხადა, რომ ყველა უწყება მზადაა კანონის მყისიერი აღსრულებისათვის.

გასული კვირის მიწურულს შესაბამისი პატივით დაკრძალეს ავღანეთში დაღუპული სერჟანტ გიორგი კიკაძის ცხედარი. თავდაცვის სამინისტროს ინფორმაციით, გიორგი კიკაძე 19 დეკემბერს ავღანეთში გაუჩინარდა. 10 დღის განმავლობაში მიმდინარეობდა ძიება-გადარჩენის ოპერაცია, რომელიც 29 დეკემბერს ქართველი სერჟანტის ცხედრის პოვნის შემდეგ დასრულდა. გიორგი კიკაძე საქართველოში 1-ელ იანვარს ჩამოასვენეს. დაკრძალვის შემდეგ საქართველოს თავდაცვის მინისტრმა ირაკლი ალასანიამ განაცხადა, რომ ყველაფერი გაკეთდება იმისთვის, რომ მომავალში დაცული იყოს ავღანეთში მყოფი ჩვენი შეიარაღებული ძალების კონტინგენტის უსაფრთხოება   და ასეთი ტრაგედია აღარ განმეორდეს.


ძვირფასო მეგობრებო, რადიო თავისუფლების ფორუმში მონაწილეობისთვის გთხოვთ, გამოიყენოთ თქვენი Facebook-ის ანგარიში. კომენტარები მოდერაციის შემდეგ ქვეყნდება და საიტზე მათ გამოჩენას გარკვეული დრო სჭირდება. გთხოვთ, გაითვალისწინოთ, რომ ღამის საათებში კომენტარები არ ქვეყნდება.

ეს ფორუმი დაიხურა
კომენტარების რიგი
კომენტარები
     
ავტორი: ანონიმი
07.01.2013 09:33
აქ მთავარი სიახლე ნაძვის ხეზე ჩამოკიდებული ხატები იყო,რაც არ გამოპარვიათ რადიო თავისუფლების მახვილ თვალს.. :)

ავტორი: ანონიმი
06.01.2013 16:28
ამ კონცერტს ჩაუშესკუ ჩაუშესკუს ღრიალიც თუ დაემატა მთლა ყველაფერი კიდევ ერთხელ ოკეი იქნება. ბევრი ოხერი ერთ პიროვნებას მოიშორებს და ისევ და ისევ ა.შ.

სხვა მასალები

აუდიო ჩეხეთის პრემიერ-მინისტრი სტუმრად ჩვენს რადიოსთან

ჩეხეთის რესპუბლიკის პრემიერ-მინისტრი ბოჰუსლავ სობოტკა ევროკავშირის ერთ-ერთ მთავარ ამოცანად მიიჩნევს მომდევნო 10-15 წელიწადში ევროპული პერსპექტივის მიცემას ქვეყნებისთვის, როგორიცაა საქართველო, უკრაინა და მოლდავეთი.
გაგრძელება

აუდიო თურქმენეთის პრეზიდენტის ვიზიტი და მილსადენების პოლიტიკა

​საქართველოში თურქმენეთის პრეზიდენტის გურბანგული ბერდიმუჰამედოვის ვიზიტის მთავარი თემა ორ ქვეყანას შორის სავაჭრო-ეკონომიკური ურთიერთობის გაღრმავება იყო.
გაგრძელება

აუდიო შენიშვნები დაზარალებულთა დახმარების დოკუმენტს

თბილისის საკრებულოს კომისიების გაფართოებულ სხომაზე განიხილეს 13-14 ივნისს სტიქიით დაზარალებულთა ქონების ანაზღაურებისა და კომპენსაციის დოკუმენტი, რომელიც ქალაქის მერიამ შეიმუშავა.
გაგრძელება

ვიდეო ფიროსმანი და სხვები

არაერთხელ გაგვიგია: "ნიკო ფიროსმანის ნიჭმა სარდაფიდან ამოანათა"... ამას როცა ამბობენ, ფიროსმანის გენიალურობას კი უსვამენ ხაზს, მაგრამ მაინც არ ივიწყებენ, რომ ფიროსმანი სარდაფების, სამიკიტნოების მხატვარი იყო.
გაგრძელება

თქვენი პუბლიკაციები

ძვირფასო მეგობრებო,

რადიო თავისუფლების რუბრიკაში „თავისუფალი სივრცე“ შეგიძლიათ საკუთარი ბლოგებისა და პუბლიცისტური სტატიების გამოქვეყნება.

ტექსტი არ უნდა აღემატებოდეს 700 სიტყვას.

რედაქცია იტოვებს უფლებას, საკუთარი შეხედულებისამებრ შეარჩიოს ტექსტები გამოსაქვეყნებლად. ავტორებს ვთხოვთ, გაითვალისწინონ რადიო თავისუფლების სარედაქციო პოლიტიკა, რომელსაც შეგიძლიათ გაეცნოთ განყოფილებაში „ფორუმის წესები“.

ტექსტები ქვეყნდება უცვლელად, რედაქტირების გარეშე.

მასალები მოგვაწოდეთ მისამართზე: tavisupleba@rferl.org
(subject-ში ჩაწერეთ „თავისუფალი სივრცე“)

ყველაზე პოპულარული