ჯერ სულ ცოტა დრო გავიდა ახალი წლის დაწყებიდან, მაგრამ ვიდეოთამაშების მოყვარულები უკვე მოლოდინების შესახებ ლაპარაკობენ. 2015 წელს რამდენიმე დიდი თამაში უნდა გამოვიდეს. რა თქმა უნდა, იქნება ბევრი სიახლეც. ჯერ ცნობილი არ არის, გამართლდება თუ არა წინასწარი განწყობები, როგორი იქნება ბეტმენის ტრილოგიის დასასრული ან ამჯერად რას შემოგვთავაზებენ ლიდერი სტუდიები. 2015 წლის ვიდეოთამაშების ინდუსტრიაში მთავარი მოლოდინების შესახებ დათო ჩიხლაძე ესაუბრება გოგა გორგოძეს, ვენატუსის ერთ-ერთ დამფუძნებელსა და მიმომხილველს.
