ორშაბათი, 20 ოქტომბერი, 2014 თბილისის დრო 15:20

პოლიტიკა

„ნაციონალური მოძრაობა“ პარტნიორებს მიტინგზე ეპატიჟება

ვანო მერაბიშვილივანო მერაბიშვილი
x
ვანო მერაბიშვილი
ვანო მერაბიშვილი

მულტიმედია

აუდიო
„ერთიანი ნაციონალური მოძრაობა“ 19 აპრილს რუსთაველის გამზირზე, პარლამენტის ყოფილი შენობის წინ, ყველა პატრიოტს მიტიგნზე იწვევს. ამის შესახებ „ნაციონალური მოძრაობის“ გენერალურმა მდივანმა ვანო მერაბიშვილმა საგანგებო ბრიფინგზე განაცხადა. მიტინგის მიზანია დღევანდელ მთავრობას დაანახვონ, რომ საქართველოს გზა მიდის ევროპისკენ და არა რუსეთისკენ. რატომ დააანონსა ორი თვით ადრე „ნაციონალურმა მოძრაობამ“ მიტინგის შესახებ ინფორმაცია და რატომ მიიჩნევენ ”ქართულ ოცნებაში”, რომ ეს არის კონფრონტაციის გაგრძელების მცდელობა? 

”საქართველო ისტორიულად ძალიან ხშირად დგებოდა გზაჯვარედინზე,  ჩვენს უახლეს ისტორიაში რამდენიმეჯერ დამდგარა  საქართველო განსაცდელის წინაშე  და საქართველოს ხშირად უწევდა არჩევანის გაკეთება”,-  ამ სიტყვებით დაიწყო „ნაციონალური მოძრაობის“ გენერალურმა მდივანმა ვანო მერაბიშვილმა  საგანგებო ბრიფინგი, რომელზეც 19 აპრილს დაგეგმილი მიტინგი დააანონსა:

”დღევანდელი ხელისუფლების ბუნდოვანი და არამკაფიო  პოზიცია საქართველოს მომავალზე, საქართველოს ორიენტაციაზე, ჩვენ გვაძლევს საფუძველს, რომ კიდევ ერთხელ ქართველი ხალხი შევიკრიბოთ და მთავრობას ვუთხრათ, რომ ჩვენი მომავალი არის ევროპული გზა და ჩვენი მომავალი არ არის უკან, რუსეთთან დაბრუნება”.
ფაქტობრივად, მათი მხრიდან ეს არის გადასვლა ღია კონფრონტაციაზე: პირდაპირი მუქარა პარლამენტის დათხოვნით, პირდაპირი მუქარა და დამთხვევა - თარიღი, 19 აპრილი, უკავშირდება სწორედ საკონსტიტუციო ვადებს...

„ნაციონალური მოძრაობის“ მიერ დაგეგმილი მიტინგის საწინააღმდეგო არაფერი აქვს და უსაფრთხოების გარანტიებსაც  იძლევა ”ქართული ოცნება”, თუმცა საპარლამენტო უმრავლესობის წევრები ფიქრობენ, რომ „ნაციონალური მოძრაობის“ მიერ მსგავსი მიტინგის დაგეგმვა  კონფრონტაციის გაგრძელების მცდელობაა. უმრავლესობის წევრებისთვის გაუგებარია, სად ხედავს „ნაციონალური მოძრაობა“ დასავლური კურსის თაობაზე მთავრობის ორჭოფობას. ამასთან, უმრავლესობის წევრი კობა დავითაშვილი ამბობს,რომ „ნაციონალური მოძრაობა“ საკონსტიტუციო საკითხებზე მოლაპარაკების ჩაშლის შემდეგ ღია კონფრონტაციის რეჟიმზე გადავიდა, მათ მიზნებში ის ქვეყანაში კრიზისის გამოწვევასაც ხედავს:

”ფაქტობრივად, მათი მხრიდან ეს არის გადასვლა ღია კონფრონტაციაზე: პირდაპირი მუქარა პარლამენტის დათხოვნით, პირდაპირი მუქარა და დამთხვევა - თარიღი, 19 აპრილი, უკავშირდება სწორედ საკონსტიტუციო ვადებს...  ამათ მიერ შეთანხმებაზე ხელის არმოწერა, ამათი რიტორიკა, მათი ყველა ქმედება, მიმართული ამ ქვეყანაში სახელმწიფო გადატრიალების მოწყობისაკენ... ძალიან ადეკვატურ და ძალიან ამომწურავ პასუხს მიიღებს  ქართველი ერისგან ‘ნაციონალური მოძრაობა’”.

კობა დავითაშვილის აზრს აგრძელებს პოლიტოლოგი რამაზ საყვარელიძე, რომელსაც ასევე მიაჩნია, რომ „ნაციონალური მოძრაობა“ მსგავსი ნაბიჯებით  ნიადაგს ამზადებს მთავრობის დასათხოვნად, მით უფრო, რომ აპრილი სწორედ ის თვეა, როდესაც  მოქმედი კონსტიტუციის ვადები იწურება:
”ეს ყველაფერი, ალბათ, კეთდება იმისათვის, რომ სააკაშვილს მთავრობის დასათხოვნად საფუძველი მიეცეს. ყველა ეს ნაბიჯი მოამწიფებს შთაბეჭდილებას იმისა, რომ პრეზიდენტს  დათხოვნის მოტივი ჰქონდეს, რომ, აი, ხალხი უკმაყოფილოა”.
ბუნებრივია, ეს არის პოლიტიკური სვლა, რათა „ნაციონალურმა მოძრაობამ“ გააერთიანოს ხალხი პროდასავლური იდეის ქვეშ - თავისი მომხრეები და არამომხრეებიც, ასევე...

რამაზ საყვარელიძე მიტინგის ჩასატარებლად პარლამენტის ყოფილი შენობის მიმდებარე ტერიტორიის შერჩევასაც სიმბოლურს უწოდებს და ამბობს, რომ ეს, ტრადიციულად, პოლიტიკური განცხადებების პედესტალი იყო წლების განმავლობაში.

ვერც კონფრონტაციად და ვერც რაიმე სახის კრიზისების მაპროვოცირებელ ქმედებად აღიქვამს აპრილში ევროპული ორიენტაციის მხარდამჭერი მიტინგის გამართვას ”ჯიპას” პროფესორი თორნიკე შარაშენიძე. ის ამბობს,  რომ მსგავსი ლოზუნგით მიტინგის ჩატარება ”ქართულ ოცნებასაც” შეუძლია, რითაც დადასტურდებოდა კიდეც, რომ დასავლურ კურსზე „ნაციონალურ მოძრაობას“  მონოპოლია არა აქვს.  თუმცა თორნიკე შარაშენიძე იმასაც შენიშნავს, რომ  „ნაციონალური მოძრაობა“ საკუთარი თავის რეაბილიტაციასაც ცდილობს:

”ბუნებრივია, ეს არის პოლიტიკური სვლა, რათა „ნაციონალურმა მოძრაობამ“ გააერთიანოს ხალხი პროდასავლური იდეის ქვეშ - თავისი მომხრეები და არამომხრეებიც, ასევე. მაგრამ თუ ეს პოლიტიკაა, ამას „ქართულმა ოცნებამ“ უნდა უპასუხოს. თუ „ქართულ ოცნებას“ არ უნდა, რომ „ნაციონალური მოძრაობა“ ისევ გაძლიერდეს პროდასავლური იდეის წყალობით, მაშინ თავადაც ჩაატაროს მიტინგი ამ იდეით და დაამტკიცოს, რომ პროდასავლური ორიენტაცია არ არის „ნაციონალური მოძრაობის“ ექსკლუზივი”.
ცოტა გაუგებარია, რა საჭიროა 21 თებერვალს ანონსი საგანგებო ბრიფინგზე იმის შესახებ, რომ 19 აპრილს აქვთ დაგეგმილი ღონისძიება...

„ნაციონალური მოძრაობის“ მხრიდან მსგავსი შინაარსის მიტინგის დაგეგმვა არ უკვირს, თუმცა 2 თვით ადრე მისი დაანონსება კითხვებს უჩენს „სააარჩევნო და პოლიტტექნოლოგიების კვლევის ცენტრის“ ხელმძღვანელს კახა კახიშვილს. მისი სიტყვებით, „ნაციონალური მოძრაობის“ მხრიდან მსგავსი ლოზუნგით მიტინგის გამართვა მეტი არაფერია, თუ არა პროდასავლური ორიენტაციის პარტიის იმიჯის დამკვიდრების მცდელობა. პროევროპული ორიენტაცია აქამდე „ნაციონალური მოძრაობის“ საგარეო მოხმარების თემა იყო, ამბობს კახიშვილი და შენიშნავს, რომ ახლაც „ნაციონალური მოძრაობა“ უჩვენებს ევროპას, რომ საქართველო და მათი სახით ევროპული შუქურა საფრთხეშია.

„’ნაციონალური მოძრაობა’ პროდასავლური და პრონატოს ორინტაციის მხარდამჭერის ინიციატივის აღებას ცდილობს. ამავე დროს, ცოტა გაუგებარია, რა საჭიროა 21 თებერვალს ანონსი საგანგებო ბრიფინგზე იმის შესახებ, რომ 19 აპრილს აქვთ დაგეგმილი ღონისძიება. ეს მეტი არაფერი არ არის, თუ არა ის, რომ მეტი სალპარაკო თემა არ აქვთ”,- ამბობს კახა კახიშვილი.

ექსპერტების შეფასებით, „ნაციონალური მოძრაობა“ ევროპული ორიენტაციის მხარდაჭერის გზავნილს პოლიტიკური დატვირთვით უშვებს, რათა აქციაზე ამ იდეის გარშემო მრავალი ადამიანი გააერთიანოს, რასაც, საბოლოოდ, თავიანთი პოლიტიკის მხარდამჭერთა სიმრავლედ შეაფასებს.


ყურადღება!
რადიო თავისუფლების ქართული რედაქციის ვებსაიტზე ფორუმებით სარგებლობისთვის აუცილებელია რეგისტრაციის გავლა.

რეგისტრაციის გასავლელად დააჭირეთ ვებსაიტის ზედა მარჯვენა კუთხეში მოთავსებულ ბმულს „რეგისტრაცია“. (რეგისტრაციის გავლის შემდეგ ელექტრონული ფოსტით მიიღებთ ავტომატურ შეტყობინებას. ყურადღება მიაქციეთ, შეტყობინება თქვენი ელექტრონული ფოსტის spam-ში ხომ არ აღმოჩნდა.) კომენტარის დასაწერად არ დაგავიწყდეთ საიტზე შესვლა.
ეს ფორუმი დაიხურა
კომენტარების რიგი
კომენტარები
     
ავტორი: გოგია საიდან გვწერთ: გოგიეთიდან
22.02.2013 17:41
ავტორი: NATIA
22.02.2013 16:36
აუცილებლად ჩამოვალ !-აბა შენ იცი, ჩამოუსულელობით არ გავნერვიულო!

ავტორი: NATIA
22.02.2013 16:36
აუცილებლად ჩამოვალ !

ავტორი: დანტე საიდან გვწერთ: მეცხრე გარსიდან
22.02.2013 13:10
„ნაციონალური მოძრაობა“ პარტნიორებს მიტინგზე ეპატიჟება-პირველი მოწვევა კმაყოფილებით მიიღო ლუციფერმა, რომელმაც განაცხადა, რომ ნაცმოძრაობა მისი ღირსეული პარტნიორია და რომ ქართველი ხალხის მდგომარეობა ბოლო ცხრა წლის განმავლობაში ამის ნათელი მაგალითია...

ავტორი: vitorio საიდან გვწერთ: Tbilisi
22.02.2013 12:15
რა თქმა უნადა, ვინც საქართველოს ისტორიას მეტ-ნაკლებად იცნობს მათთვის ევროპისკენ სწრაფვა ერთადერთ სწორი გზაა.
სამწუხაროდ დღეს ხალხის აზროვნებას სოციალური სიდუხჭირე განაპირობებს.
მიმაჩნია, რომ თუ ჩვენი მომავალი თაობის კეთილდღეობა გვინდა ევროპულ იდეას უნდა დავუჭიროთ მხარი და ეს უნდა გამოიხატებოდეს აქტიურად და რეგულარულად, რა თქმა უნდა მშვიდობიანად. არ უნდა მიეცეს არც ერთ მთავრობას საშუალება ერთი, მმართველი ჯგუფის ინტერესებს გადააყოლოს საქართველოს მომავალი.

ავტორი: ანონიმი
22.02.2013 04:28
რათქმაუნდა მე ვემხრობი საქართველოს დსთ-ში დაბრუნებას, მე ვემხრობი საქართველოს რეგიონ-სახელმწიფოებად დაშლას, მე მინდა რომ ქართული ენა გადაშენდეს და ქართული ვაზი ამოიძირკვოს. მე სერგო ორჯონიკიძის და ფილიპე მახარაძის ხატებზე ვლოცულობ. მხოლოდ ნაციონალური მოძრაობა და მისი რაინდთა ლიგა არ მაძლევს მოსვენებას. მე ვაფშე ჟირინოვსკის ძმაკაცი ვარ

ავტორი: tata საიდან გვწერთ: germania
22.02.2013 01:57
ანონიმ
ხელსაც დაგიქნევდით და მოკითხვასაც შემოგითვლიდით,სახელი რომ ვიცოდე ..))
ისე უკეთესია თვითონ მობრძანდეთ,თუ თქვენც მომხრე ბრძანდებით საქართველომ ევრო-ატლანტიკური მიმართულებით გააგრძელოს სვლა და სნგ-ში ან მსგავს "თანამეგობრობაში" არ შევიდეს, საქართველო "თბილისის გუბერნიად" არ გადაიქცეს.

ავტორი: ანონიმი
22.02.2013 00:47
რა აფხაზეთს დააბრუნებენ მას შემდეგ რაც სააკაშვილის ტუტუცმა საქციელმა სამაჩაბლო-აფხაზეთის აღიარებას უბიძგა რუსებში. აფხაზეთი და სამაჩაბლო წარსულია უკვე, შეეგუეთ ამას. ტატა დაგვენახე აქციაზე რო მიხვალ

ავტორი: tata საიდან გვწერთ: germania
21.02.2013 22:43
მივესალმები ამ აქციას, იმედია მოვახერხებ პირადად დასწრებას.
საგარეო კურსის ცვლილების სიმპტომები უკვე შეინიშნება.რუსეთთან უშუალო დიალოგი,ოკუპირებულ ტერიტორიებთან მიმართებაში დათმობები; კალანდაძის დაპატიმრება და ნატოს შეხვედრის ჩაშლა; პრემიერის,ჩემი აზრით, გამიზნული განცხადებები აფხზეთის გავლით,რუსეთთან დამაკავშირებელი რკინიგზის აღდგენაზე და სომხეთის სამაგალითო ქვეყნად გამოცხადება;რუსეთის ჯაშუშების გამოშვება.ბევრი პრო-რუსული პოლიტიკოსის ქვეყანაში და თანამდებობებზე დაბრუნება. კონსტიტუციაში ქვეყნის საგარეო ორიენტაციის დაფიქსირების შიში;უმრავლესობის შეთავაზებული ორაზროვანი 14 პუნქტიანი ხელშეკრულება სადაც საქართველოს ,როგორც სახელმწიფოს მნიშვნელობა ბუნდოვანი ხდება.
ბიძინა და მისი რაზმი აცხადებს,რომ კურს არ იცვლის,მაგრამ სიტყვებით ერთს ამბობენ,საქმით სხვას აკეთებენ.
ისიც არ ვიცით,(სანამ ხალხს წინა ხელისუფლების მომხრეთა დაჭერით და სამსახურებიდან გათავისუფლებით "ართობენ", და ამას სამართლიანობის აღდგენით ნათლავენ),რას ჩურჩულებენ რუსებთან ბიძინას მიერ მივლინებული ქვეშევრდომები .მოლაპარაკებიდან გამოსულები,რუსები საქართველოს ხან სნგ-ში გაწევრიანებითვის მზაობას აანონსებენ და ხან კიდევ რას. თანაც რუსების პოზიცია მტკიცე და უცვლელია,ისინი არ აპირებენ აფხაზეთის და სამაჩაბლოს მიმართულებით რაიმის დათმობას. მეტი რაღა უნდა თქვან?
ისინი თავის სათქმელს 200-ზე მეტი წელია ამბობენ, ფიზიკურად და სულიერად გვანადგურებენ.ამიტომ 19 აპრილი მარტო ნაციონალური მოძრაობის კი არა,ყველა იმ ადამიანის საპროტესტო დღე უნდა გახდეს ,ვისაც ბინძურ საბჭოეთში მიბრუნება და რუსების მონობა არ უნდა.

სხვა მასალები

აუდიო ლევან ცუცქირიძე ქალთა მიმართ ძალადობაზე

20 ოქტომბერს რადიო თავისუფლების დილის გადაცემის სტუმარი იყო პოლიტოლოგი, ბლოგერი ლევან ცუცქირიძე.
გაგრძელება

აუდიო “სტუდენტობა მნიშვნელოვან ძალას წარმოადგენს..."

საქართველოში დაახლოებით 117 ათასი სტუდენტია. ისინი პერიოდულად ჩანან საზოგადოებრივ ასპარეზზე სხვადასხვა სოციალური თუ პოლიტიკური კამპანიის დროს. რამდენი მათგანია ჩართული ამ აქტივობაში და, საერთოდ, არის თუ არა მისაღები სტუდენტების სამოქალაქო და პოლიტიკური აქტივობა, თუ სტუდენტის საქმე მხოლოდ სწავლა და მეცადინეობაა?
გაგრძელება

თქვენი პუბლიკაციები

ძვირფასო მეგობრებო,

რადიო თავისუფლების რუბრიკაში „თავისუფალი სივრცე“ შეგიძლიათ საკუთარი ბლოგებისა და პუბლიცისტური სტატიების გამოქვეყნება.

ტექსტი არ უნდა აღემატებოდეს 700 სიტყვას.

რედაქცია იტოვებს უფლებას, საკუთარი შეხედულებისამებრ შეარჩიოს ტექსტები გამოსაქვეყნებლად. ავტორებს ვთხოვთ, გაითვალისწინონ რადიო თავისუფლების სარედაქციო პოლიტიკა, რომელსაც შეგიძლიათ გაეცნოთ განყოფილებაში „ფორუმის წესები“.

ტექსტები ქვეყნდება უცვლელად, რედაქტირების გარეშე.

მასალები მოგვაწოდეთ მისამართზე: tavisupleba@rferl.org
(subject-ში ჩაწერეთ „თავისუფალი სივრცე“)

ყველაზე პოპულარული