1 ნოემბერს თურქეთში მნიშვნელოვანი ვადამდელი საპარლამენტო არჩევნები მიმდინარეობს იმ ფონზე, როდესაც მეტწილად მუსლიმანური სახელმწიფოს უსაფრთხოებას, ეკონომიკას და პოლიტიკას სერიოზულ საფრთხეს უქადის პოლიტიკური, რელიგიური და ეთნიკური გათიშულობა. ვადამდელი არჩევნების ჩატარება გადაწყდა 7 ივლისს, მას შემდეგ, რაც ქვეყნის პრეზიდენტ რეჯეპ ტაიპ ერდოანის „სამართლიანობისა და განვითარების პარტიამ“ დაკარგა უმრავლესობა პარლამენტში და ვერ შეძლო ახალი პრემიერ-მინისტრის არჩევა. სოციოლოგიური გამოკითხვები ცხადყოფენ, რომ ისლამური ფესვების „სამართლიანობისა და განვითარების პარტია“ იმდენივე ხმას დააგროვებს, რამდენიც წინა არჩევნებისას მიიღო. მეორე ადგილზე გასვლას კვლავ ოპოზიციურ „სახალხო რესპუბლიკურ პარტიას“ უწინასწარმეტყველებენ.
სხვა მასალები
ყველაზე პოპულარული
1
დაწერეთ კომენტარი