პარასკევი, 12 თებერვალი, 2016 თბილისის დრო 05:12

საზოგადოება

შოთა გორგიაშვილს თავდაცვის სამინისტროში დაბრუნება უნდა

გორში სახალხო დარბაზის წევრები ყოფილ პოლიტიკურ პატიმრებს შეხვდნენ გორში სახალხო დარბაზის წევრები ყოფილ პოლიტიკურ პატიმრებს შეხვდნენ
x
გორში სახალხო დარბაზის წევრები ყოფილ პოლიტიკურ პატიმრებს შეხვდნენ
გორში სახალხო დარბაზის წევრები ყოფილ პოლიტიკურ პატიმრებს შეხვდნენ

მულტიმედია

აუდიო
გორში სახალხო დარბაზის წევრები იმ ყოფილ პოლიტიკურ პატიმრებს შეხვდნენ, რომლებიც მუხროვანის ამბოხის ბრალდებით იყვნენ დაკავებულნი. ცალკეული ჯავშანსატანკო ბატალიონის ყოფილი მეთაური შოთა გორგიაშვილი ბატალიონის სხვა წევრებთან ერთად სასჯელს 3 წლის და 8 თვის განმავლობაში იხდიდა. იგი აცხადებს, რომ 2008 წლის აგვისტოს ომისა და თავდაცვის სამინისტროში არსებული ვითარების შესახებ განსხვავებული აზრი ჰქონდა და მისი პოლიტიკური დევნის მიზეზიც ეს გახდა. 

ცალკეულ ჯავშანსატანკო ბატალიონს გორის ბატალიონსაც უწოდებდნენ, რადგან დისლოკაციის ადგილი გორში იყო და იქ ძირითადად გორელები მსახურობდნენ, აგვისტოს ომის შემდეგ კი მუხროვანში გადაიყვანეს. ბატალიონის ყოფილმა ჯარისკაცებმა  აგვისტოს ომი, მუხროვანში მომხდარი ინციდენტი და ციხეში გატარებული წლები გაიხსენეს. მათი თქმით, ომის დროს ბატალიონმა ბოლომდე იბრძოლა და თითქმის უდანაკარგოდ გამოვიდა ბრძოლის ველიდან. გორგიაშვილმა ომიდან გამოსული ბატალიონი ორ ნაწილად გაყო და პარტიზანული ომისთვის გადაეწყო, თუმცა ბრძანება არ მიუღია. რაც შეეხება მუხროვანის ეგრეთ წოდებულ ამბოხს, ბატალიონის წევრები მიიჩნევენ, რომ ხელისუფლებამ ეს 2009 წლის აპრილში დაწყებული საპროტესტო აქციებისა და მათი პროტესტის ჩასახშობად გამოიყენა; გარდა ამისა, სამაგალითო ბატალიონის დასჯით მთავრობამ ჯარზე ტოტალური კონტროლის განხორციელება დაიწყო. სამხედრო ექსპერტი ხვიჩა წულაია ამბობს, რომ დიდი ხნის განმავლობაში ამ ბატალიონის წარმომადგენლებს ომის მონაწილეების სატატუსსაც კი არ აძლევდა თავდაცვის სამინისტრო.

სამხედრო ექსპერტი არჩილ გვერდწითელი აცხადებს, რომ წინასწარ შემუშავებული სტრატეგია იმდენად გამოუსადეგარი იყო რომ ომი წინასწარ წასაგებად იყო განწირული.

სახალხო დარბაზის წევრები ამბობენ, რომ ამ შეხვედრით ბატალიონის წარმომადგენლებისადმი მორალური მხარდაჭერის გამოხატვა და მათი რესოციალიზაციის დაწყება სურდათ. დარბაზის თავმჯდომარე, მწერალი ვანო ჩხიკვაძე აცხადებს, რომ ამ ჯარისკაცებს უნდა მოეხსნათ დიდი წნეხი და  ტვირთი, რომელიც მათ მოღალატეებად გამოცხადებას თან ახლდა.

შოთა გორგიაშვილი და მისი თანამებრძოლები არ გამორიცხავენ, რომ რეაბილიტაციის შემდეგ სამართლებრივი დავა დაიწყონ და მოითხოვონ იმ პირების დასჯა, ვინც ისინი მძიმე ბრალდებით ციხეში გაუშვა. გარდა ამისა, შოთა  გორგიაშვილს თავდაცვის სამინისტროში დაბრუნების სურვილიც აქვს.


ძვირფასო მეგობრებო, რადიო თავისუფლების ფორუმში მონაწილეობისთვის გთხოვთ, გამოიყენოთ თქვენი Facebook-ის ანგარიში. კომენტარები მოდერაციის შემდეგ ქვეყნდება და საიტზე მათ გამოჩენას გარკვეული დრო სჭირდება. გთხოვთ, გაითვალისწინოთ, რომ ღამის საათებში კომენტარები არ ქვეყნდება.

ეს ფორუმი დაიხურა
კომენტარები
     
ამ ფორუმში კომენტარი არ არის. დაწერეთ პირველი კომენტარი

სხვა მასალები

აუდიო ქანდაკებაც და ფერწერაც შეიძლება თამაში იყოს

ზურაბ (ბერო) ბეროზაშვილმა ისწავლა ბერლინის და პოტსდამის უნივერსიტეტებში, მანამდე თბილისის სამხატვრო აკადემია დაამთავრა. მოგვიანებით ბერლინის ხელოვნების აკადემიის სრული კურსი გაიარა, არის მაგისტრი.
გაგრძელება

ახალი (ძველი) უვიზო რეჟიმი ირანთან

მიმდინარე კვირას ცნობილი გახდა საქართველოს მთავრობის გადაწყვეტილება გააუქმოს ირანისთვის სავიზო რეჟიმი. მოქალაქეებისთვის უვიზო რეჟიმი 15 თებერვლიდან აღდგება, რაც იმას ნიშნავს, რომ ორდინარული პასპორტის მფლობელებს საქართველოს ტერიტორიაზე პირველი შესვლის დღიდან ვიზის გარეშე 45 დღემდე ყოფნის უფლებით სარგებლობა შეეძლებათ.
გაგრძელება

ვიდეო ნატომ რუსეთს მოუწოდა, „შეცვალოს აფხაზეთისა და სამხრეთ ოსეთის აღიარების გადაწყვეტილება“

ბრიუსელში გაიმართა ნატო-საქართველოს კომისიის სხდომა, რომელშიც მონაწილეობას ღებულობდნენ საქართველოს და ალიანსის წევრი სახელმწიფოების თავდაცვის მინისტრები.
გაგრძელება

აუდიო წითელუბნელების მოთხოვნები

გორის მუნიციპალიტეტის სოფელ წითელუბნის მცხოვრებლებმა საპროტესტო აქცია გამართეს და ასე სცადეს ხელისუფლების ყურადღების მიქცევა.
გაგრძელება

თქვენი პუბლიკაციები

ძვირფასო მეგობრებო,

რადიო თავისუფლების რუბრიკაში „თავისუფალი სივრცე“ შეგიძლიათ საკუთარი ბლოგებისა და პუბლიცისტური სტატიების გამოქვეყნება.

ტექსტი არ უნდა აღემატებოდეს 700 სიტყვას.

რედაქცია იტოვებს უფლებას, საკუთარი შეხედულებისამებრ შეარჩიოს ტექსტები გამოსაქვეყნებლად. ავტორებს ვთხოვთ, გაითვალისწინონ რადიო თავისუფლების სარედაქციო პოლიტიკა, რომელსაც შეგიძლიათ გაეცნოთ განყოფილებაში „ფორუმის წესები“.

ტექსტები ქვეყნდება უცვლელად, რედაქტირების გარეშე.

მასალები მოგვაწოდეთ მისამართზე: tavisupleba@rferl.org
(subject-ში ჩაწერეთ „თავისუფალი სივრცე“)

ყველაზე პოპულარული