პარიზში 13 ნოემბრის ტერორისტული აქტების შემდეგ, ხშირად ისმის შეკითხვები: რატომ მოხდა ის, რაც მოხდა? რამდენად მწვავეა მსგავსი თავდასხმების გამეორების საფრთხე? ამ და სხვა შეკითხვებით მივმართეთ საფრანგეთში მოღვაწე ჟურნალისტს, ჩვენი რადიოს ბლოგერს, ლაშა ოთხმეზურს, სამხედრო ისტორიის - ევროპის მასშტაბით - უდიდესი ჟურნალის, „Guerres et Histoire“ (ომები და ისტორია) თანამშრომელს. მოხდა ისე, რომ საფრანგეთში სწორედ 16 ნოემბერს გამოქვეყნდა „მეორე მსოფლიო ომის ენციკლოპედია“, რომლის თანაავტორიც არის ლაშა ოთხმეზური. მას, ბუნებრივია, მივულოცეთ ახალი ნაშრომის გამოსვლა და ჯერ ვკითხეთ, როგორ გაიხსენებს 13 ნოემბერს, რას ნიშნავდა მისთვის მომენტი, როცა ტერაქტებზე შეიტყო.
დაწერეთ კომენტარი