15 იანვრიდან ძალაში შევიდა „ნარჩენების მართვის კანონში“ ცვლილებები. კანონი გარემოს დაბინძურებისთვის გაზრდილ საჯარიმო სანქციებს ითვალისწინებს. პირველ ეტაპზე კანონი დიდ ქალაქებში ამოქმედდება, რეგიონებში კი ადგილობრივ მუნიციპალიტეტებს მოქალაქეების დაჯარიმებამდე ინფრასტრუქტურის მოსაწესრიგებელი 6-თვიანი ვადა მიეცათ. კანონის აღსრულება, თავისი კომპეტენციის ფარგლებში, შსს-ს საპატრულო პოლიციის დეპარტამენტს, ადგილობრივი თვითმმართველობის ორგანოებსა და გარემოს დაცვის სამინისტროს შესაბამის სამსახურს ევალება. „ნარჩენების მართვის კანონში“ შესული ცვლილებების თაობაზე გარემოსა და ბუნებრივი რესურსების დაცვის მინისტრი ელგუჯა ხოკრიშვილი საუბრობს. ინტერვიუს ნინო ხარაძე უძღვება.
