შაბათი, 13 თებერვალი, 2016 თბილისის დრო 04:19

რუბრიკები / პარალელური რეალობა

დიადი დაბრუნებები

x

მულტიმედია

აუდიო


                                                     "მე დავბრუნდები..."

                                                      ჯემალ სეფიაშვილი



ახლაც ყურში ჩამესმის ამ გენიალური სიმღერის ტექსტი!

არ ვიცი, კერძოდ რა იწინასწარმეტყველეს მაიას ტომების ჯადოსნებმა, მაგრამ ჩვენმა დიდმა სახალხო ჰიმნოსანმა კომპოზიტორმა რომ ზუსტად განჭვრიტა არჩევნებისშემდგომი მომავალი, ფაქტია...

პარადოქსია: ის, რაც პრინციპში ვერ შეძლო ბეთჰოვენმა, სეფიაშვილს გამოუვიდა - იდეალი (თუ შეგონება), რომელიც მის მელანქოლიურ და პროვოკაციულ შედევრში გაჟღერდა, სულ მალე ხელშესახებ რეალობად იქცა: დაიწყო დიადი პერსონალური დაბრუნებების ეპოქა!

აგერ, ორმა თვემ განვლო არჩევნების შემდეგ და ახალი მთავრობა ჯერჯერობით მხოლოდ ორი საქმით გახლავთ დაკავებული: დაჭერებით და დაბრუნებებით...

ამან კი, როგორც უზადო ავტორიტეტი და ყოვლისმცოდნე მრჩეველ-ესქპერტ-ფინანსისტ-პოლიტიკოს-ბრძენ-გულთმისან-მორალისტ-ტელემჭევრმეტყველი გ. ხუხაშვილი ბრძანებს, შეყოლა იცის... თუკი დაბრუნებებისა და დაჭერების აზარტს აჰყევი, შესაძლოა, საარჩევნო წლებმაც ისევე სწრაფად გაირბინონ, როგორც ამ ორმა თვემ... საჩივრების დამწერს კი რა გამოლევს საქართველოში: ბერიას დროიდან წერენ. რაღაც დროს ტყუილ-მართალსაც ვეღარ გაარჩევ ერთმანეთისგან.

მერე კი, ღმერთმა ნუ ქნას, "ფიგაროსა" და "ნიუ-იორკ ტაიმსში" აღარც გვახსენებენ - მარტო "პრავდასა" და "იზვესტიაში" დაგვიწყებენ ქებას. ოღონდ ამასაც დიდი ხვეწნა-მუდარის შემდეგ.

და სადაც ქალბატონთ-ქალბატონი ლ. ელიაშვილი ითვლება თანამედროვეობის უდიდეს არასნობ ტელემენეჯერად, იქ მალე შოთა გორგოძეც მოუნდებათ შინაგან საქმეთა მინისტრად...

მაშინ, უკაცრავად, დაგვიბრუნეთ პავლე გილაშვილიც! ან რით იყო მიუღებელი ოთარ ჩერქეზია? და მძლეთა-მძლე რაზმაძე - გენ-პროკურორი... მუჭში ჰქონდათ მთელი საქ. სსრ! სადღა ნახავ ასეთებს! ჭითანავაც არ იყო ცუდი.

გამაგონეთ სოკოლოვოს ხმა "მეცხრე არხზე" - სხვანაირად ვერ დავიჯერებ, რამე კარგი თუ ხდება ჩემს ქვეყანაში!

და დადეთ კუნჭულიაც... ღირსეული ტალავერით თავზე. შეიძლებოდა მისი დავიწყება? აღადგინეთ დიქტორის ინსტიტუტი... ფურცლის გვერდზე გადადება და დათაფლული ხმით თქმა: "ახლა კი შესვენება ოც საათამდე".

თუმცა ისიც ხომ ცხადია, რომ დროს ვერ შეანელებ...
ხომ ხედავთ, რა სწრაფად გავიდა ეს შემოდგომა.


ძვირფასო მეგობრებო, რადიო თავისუფლების ფორუმში მონაწილეობისთვის გთხოვთ, გამოიყენოთ თქვენი Facebook-ის ანგარიში. კომენტარები მოდერაციის შემდეგ ქვეყნდება და საიტზე მათ გამოჩენას გარკვეული დრო სჭირდება. გთხოვთ, გაითვალისწინოთ, რომ ღამის საათებში კომენტარები არ ქვეყნდება.

სხვა მასალები

რადიოჟურნალი - 1124-ე გამოშვება

რამდენიმე დღეც და საქართველო აღადგენს უვიზო რეჟიმს ირანის მოქალაქეებისათვის. ამ სიახლესა და ირანის გარშემო ბოლოდროინდელ მოვლენებზე საუბარი ვთხოვე ილიას უნივერსიტეტის აღმოსავლეთმცოდნეობის ინსტიტუტის დირექტორს, გიორგი სანიკიძეს.
გაგრძელება

აუდიო რა იზიდავს ირანელებს საქართველოში

საქართველოში და საერთაშორისო მასშტაბით ბოლო დროის მნიშვნელოვანი ამბებიდან არაერთი იძლევა მიზეზს ირანზე სასაუბროდ.
გაგრძელება

აუდიო ვერცხლის ქუჩის ოქრომჭედელი

თბილისში, „იარმორკაზე“, ძველი სომხური ეკლესიის წინ, ერთი პატარა სახელოსნოა. კედელზე გამოკრული ცნობა იუწყება, რომ მე-19 საუკუნეში ვერცხლის ქუჩაზე ცხოვრობდა და მუშაობდა ხელოსანი ტიგრან ავეტისიანი.
გაგრძელება

აუდიო დაუმორჩილებელი უელბეკის "მორჩილება"

არაა ბოლომდე საინტერესო, მორჩილი რომ მორჩილებაზე წერს ან დაუმორჩილებელი -დაუმორჩილებლობაზე. რაც უნდა საინტერესოდ წერდეს, მაინც რაღაც წინასწარგანსაზღვრულობა ძევს ამაში, სწორხაზოვნება.
გაგრძელება

თქვენი პუბლიკაციები

ძვირფასო მეგობრებო,

რადიო თავისუფლების რუბრიკაში „თავისუფალი სივრცე“ შეგიძლიათ საკუთარი ბლოგებისა და პუბლიცისტური სტატიების გამოქვეყნება.

ტექსტი არ უნდა აღემატებოდეს 700 სიტყვას.

რედაქცია იტოვებს უფლებას, საკუთარი შეხედულებისამებრ შეარჩიოს ტექსტები გამოსაქვეყნებლად. ავტორებს ვთხოვთ, გაითვალისწინონ რადიო თავისუფლების სარედაქციო პოლიტიკა, რომელსაც შეგიძლიათ გაეცნოთ განყოფილებაში „ფორუმის წესები“.

ტექსტები ქვეყნდება უცვლელად, რედაქტირების გარეშე.

მასალები მოგვაწოდეთ მისამართზე: tavisupleba@rferl.org
(subject-ში ჩაწერეთ „თავისუფალი სივრცე“)

ყველაზე პოპულარული