პარასკევი, 12 თებერვალი, 2016 თბილისის დრო 16:10

ეკონომიკა

ბარათები გლეხებს

საქართველოს სოფლის მეურნეობის მინისტრი დავით კირვალიძესაქართველოს სოფლის მეურნეობის მინისტრი დავით კირვალიძე
x
საქართველოს სოფლის მეურნეობის მინისტრი დავით კირვალიძე
საქართველოს სოფლის მეურნეობის მინისტრი დავით კირვალიძე

მულტიმედია

აუდიო
სოფლის მეურნეობის განვითარების საგაზაფხულო პროგრამის ფარგლებში, დღეიდან, 11 თებერვლიდან, სოფლის მეურნეობის სამინისტრო  სასოფლო-სამეურნეო ბარათების დარიგებას იწყებს. სამინისტროს სოფლის მეურნეობის განვითარების ფონდი, მთლიანობაში, 640 000-ზე მეტ მიწის მესაკუთრეს დაეხმარება, მცირემიწიან ფერმერთა ხელშეწყობის პროექტის საერთო ღირებულება კი 180 მილიონ ლარს შეადგენს.

სოფლის მეურნეობის განვითარების საგაზაფხულო პროგრამის ფარგლებში, გლეხებს ორი ტიპის ბარათები დაურიგდებათ, განმარტავს სოფლის მეურნეობის მინისტრი დავით კირვალიძე:

”პირველი - ეს არის ბარათი, რომელსაც ტრაქტორი ახატია. ამ ბარათის მიმღები ყველა ადამიანი შეძლებს თავისთვის საჭირო მომსახურების მიღებას, - ვგულისხმობ მიწის მოხვნას და გაფხვიერებას. მეორე ბარათი ნედლეულისა და ინვენტარის შესაძენად არის გამიზნული და მის დარიგებას მარტიდან დავიწყებთ”.

სასოფლო-სამეურნეო ბარათების  მომხმარებლები  სამ ძირითად კატეგორიად იყოფიან.  0,25 ჰა-დან 1,25 ჰა-მდე ჩათვლით სახნავი ფართობის მქონე მიწათმესარგებლეები  მიიღებენ კომბინირებულ სასოფლო-სამეურნეო ბარათს, ერთ ჰექტარზე 510 ლარის გადაანგარიშებით. 1 ჰექტარზე გასაცემი კომბინირებული სასოფლო-სამეურნეო ბარათი შედგება ისეთი კომპონენტებისაგან, როგორიცაა ნიადაგის ხვნა და გაფხვიერება. ამ ბარათში სასოფლო-სამეურნეო დანიშნულების საქონლისა და ინვენტარის შესაძენად 300 ლარია გათვალისწინებული.  სოფლის მეურნეობის სამინისტროს გათვლებით, ბენეფიციართა ძირითადი ჯგუფი 0,25 -დან 1,25-მდე ჰექტარის მიწის მესაკუთრეებისგან შედგება. 0,25 ჰექტარზე მცირე ზომის მიწის მესაკუთრეები ნედლეულის შესაძენად 100 ლარის ღირებულების ნომინალურ სასოფლო-სამეურნეო ბარათს მიიღებენ. 1,25-დან 5 ჰა-მდე სახნავი ფართობის ან მხოლოდ მრავალწლიანი ნარგაობის მქონე ფერმერებს 640 ლარის ღირებულების ბარათები დაურიგდებათ. 
სოფლის მეურნეობას რომ მიეხმარებიან, ეს ნიშნავს, რომ ხალხი მშიერი არ იქნება, ფულიც დატრიალდება...

საქართველოს მთავრობის, კერძოდ კი, სოფლის მეურნეობის სამინისტროს გათვლებით, სოფლის მეურნეობაში ფულადი და ადამიანური რესურსების მობილიზებით  სოფელი აღორძინდება. ამის იმედი აქვს გლეხობასაც.

”სოფლის მეურნეობას რომ მიეხმარებიან, ეს ნიშნავს, რომ ხალხი მშიერი არ იქნება, ფულიც დატრიალდება“;
„ჩვენ საერთოდ არავინ არაფერს გვაგებინებს. ვიცით, რომ ვაუჩერები რიგდება, მაგრამ რა თანხით ან როდის, არ ვიცით“;
„მე მგონი, სამასლარიანი ვაუჩერია, თუ არ ვცდები”, - უთხრეს ჩვენს კორესპონდენტს ლაგოდეხელმა გლეხებმა.

მთელი საქართველოს მასშტაბით კი, მიწათმესაკუთრეთა აღწერა „კარდაკარის“ პრინციპით განხორციელდა და შეიქმნა სპეციალური საინფორმაციო ბაზა, რომელშიც, როგორც უკვე ითქვა, 640 000-ზე მეტი მესაკუთრე დაფიქსირდა. რამდენად შეუწყობს ხელს სასოფლო-სამეურნეო ბარათები სოფლის მეურნეობის განვითარებას და რამდენად ოპტიმალურია გლეხისთვის ამ ფორმით  დახმარება? - ამ საკითხის კომენტირებისას ეკონომისტმა ვაჟა ბერიძემ გვითხრა, რომ ვაუჩერები  საერთოდ სოფლის მეურნეობის სტიმულირების მაინცდამაინც საუკეთესო ფორმა არ არის, მაგრამ მოცემულ შემთხვევაში საქმე გვაქვს სოფლის მეურნეობის სუფსიდირების გარკვეულ სახეობასთან:

წელს თუ დააკვირდებით, პრობლემა იყო ის, რომ ყველა ჩიოდა, სად წავიღოთ ეს ჩვენი მოწეული მოსავალი, არ ვიცითო. ზოგან მანდარინი დალპა, ზოგან კარტოფილი ფუჭდება, ზოგან ყურძენი და ზოგან ვაშლი...

”მე ვფიქრობ, მხოლოდ სოფლის მომავლის განსაზღვრის შემდეგ, დაწვრილერთეულებული საგლეხო ფუძისა და ნაკვეთების გაერთიანების სამართლიანი გზის მოძებნის შემდეგ გახდება შესაძლებელი ეფექტიანი ზომების მიღება, ამ ეტაპზე კი  მყისიერად სერიოზულად უნდა დავეხმაროთ სოფლად მცხოვრებ ადამიანებს და ამის შემდეგ ვიფიქროთ სოფლის განვითარების კონცეფციაზე”.

ვაჟა ბერიძისგან განსხვავებით, სასოფლო-სამეურნეო ბარათების პროექტის ეფექტიანობისა ეეჭვება „ახალი ეკონომიკური სკოლა-საქართველოს“ პრეზიდენტს, პაატა შეშელიძეს:

”წელს თუ დააკვირდებით, პრობლემა იყო ის, რომ ყველა ჩიოდა, სად წავიღოთ  ეს ჩვენი მოწეული მოსავალი, არ ვიცითო. ზოგან მანდარინი დალპა, ზოგან კარტოფილი ფუჭდება, ზოგან ყურძენი და ზოგან ვაშლი. ანუ ბაზრების პრობლემაა და ინტელექტის პრობლემაა, რომელიც ამ მოწეულ საქონელს დაამუშავებს, დაახარისხებს და გაიტანს ახალ ბაზრებზე. აი, იქაა რესურსი გამოსაყენებელი. ამიტომ მე ძალიან სკეპტიკური ვარ ასეთი ტიპის პროექტების მიმართ”.

სასოფლო-სამეურნეო ბარათების დარიგებას სოფლის მეურნეობის სამინისტრო  ქვემო ქართლიდან იწყებს.


ძვირფასო მეგობრებო, რადიო თავისუფლების ფორუმში მონაწილეობისთვის გთხოვთ, გამოიყენოთ თქვენი Facebook-ის ანგარიში. კომენტარები მოდერაციის შემდეგ ქვეყნდება და საიტზე მათ გამოჩენას გარკვეული დრო სჭირდება. გთხოვთ, გაითვალისწინოთ, რომ ღამის საათებში კომენტარები არ ქვეყნდება.

ეს ფორუმი დაიხურა
კომენტარების რიგი
კომენტარები
     
ავტორი: Jimi საიდან გვწერთ: Praha
12.02.2013 18:50
საკმაოდ არაფრის მთქმელი პროგრამაა. საქართველოს ჭირდება გრძელვადიანი პროექტი სოფლის მეურნეობაში. რაც არ ჩანს

ავტორი: ანონიმი საიდან გვწერთ: tbilisi
12.02.2013 01:55
ვერ ხედავთ გნსხვავებას თუ არ გინდათ რო დაინახოთ?

ავტორი: ანონიმი
11.02.2013 19:47
მეოცნებენო აბა დაფქვით რა განსხვავებაა ამ ბარათებსა და ღვთივკურთხეული მისი აღმატებულება მიხეილ სააკაშვილის 20 ლიტრიანი სალიარკის შეღავათებს შორის? იგივეს აკეთებთ და მერე ნაციონალებს აბრალებთ ყურბანობას

სხვა მასალები

ასტროფიზიკოსებმა პირველად დააფიქსირეს გრავიტაციული ტალღები

აშშ-ში მეცნიერები აცხადებენ, რომ დააფიქსირეს ორი შავი ხვრელის შეჯახებით გამოწვეული გრავიტაციული ტალღები, რომელთა არსებობაც ჯერ კიდევ საუკუნის წინ იწინასწარმეტყველა ალბერტ აინშტაინმა.
გაგრძელება

სირიის მხარდამჭერთა ჯგუფი ზავის ერთ კვირაში ამოქმედებაზე შეთანხმდა

შეთანხმება ასეულათასობით ადამიანისთვის ჰუმანიტარული დახმარების გაწევას გახდის შესაძლებელს სირიის ქალაქებსა და სოფლებში, რომლებიც ბლოკირებულია სირიის მთავრობის ჯარის და მეამბოხეთა მიერ.
გაგრძელება

423: სადაც ნიკო მარტოობის კვირას ამთავრებს და გადატვირთვისთვის ემზადება

რატომ იყო ნიკო მარტო მთელი კვირა? რა სიმღერებს გაუშვებს ის დღეს? დეტექტივია პირდაპირ!
გაგრძელება

აუდიო ქანდაკებაც და ფერწერაც შეიძლება თამაში იყოს

ზურაბ (ბერო) ბეროზაშვილმა ისწავლა ბერლინის და პოტსდამის უნივერსიტეტებში, მანამდე თბილისის სამხატვრო აკადემია დაამთავრა. მოგვიანებით ბერლინის ხელოვნების აკადემიის სრული კურსი გაიარა, არის მაგისტრი.
გაგრძელება

თქვენი პუბლიკაციები

ძვირფასო მეგობრებო,

რადიო თავისუფლების რუბრიკაში „თავისუფალი სივრცე“ შეგიძლიათ საკუთარი ბლოგებისა და პუბლიცისტური სტატიების გამოქვეყნება.

ტექსტი არ უნდა აღემატებოდეს 700 სიტყვას.

რედაქცია იტოვებს უფლებას, საკუთარი შეხედულებისამებრ შეარჩიოს ტექსტები გამოსაქვეყნებლად. ავტორებს ვთხოვთ, გაითვალისწინონ რადიო თავისუფლების სარედაქციო პოლიტიკა, რომელსაც შეგიძლიათ გაეცნოთ განყოფილებაში „ფორუმის წესები“.

ტექსტები ქვეყნდება უცვლელად, რედაქტირების გარეშე.

მასალები მოგვაწოდეთ მისამართზე: tavisupleba@rferl.org
(subject-ში ჩაწერეთ „თავისუფალი სივრცე“)

ყველაზე პოპულარული