ოთხშაბათი, 16 აპრილი, 2014 თბილისის დრო 18:03

ბლოგები / სალომე ასათიანი

ვებრძვით თუ „ვებრძვით“ ქსენოფობიას?

x
ტექსტის ზომა - +
პირადად მე ძალიანაც გამიხარდებოდა საქართველო ისეთი ქვეყანა რომ იყოს, სადაც სახელმწიფო ყოველთვის გაემიჯნებოდა და მყისიერად დაგმობდა ადამიანის - ან ადამიანების გარკვეული ჯგუფის - ღირსების დამაკნინებელ განცხადებებს თუ ქმედებებს. ისევე, როგორც ამ განცხადებების და ქმედებების ავტორებს - მათი სოციალური სტატუსის, გავლენის თუ ავტორიტეტის მიუხედავად.

ამაზე კიდევ უკეთესი ის იქნებოდა, საქართველო ისეთი ქვეყანა რომ იყოს, სადაც კულტურულ-ინტელექტუალურ-სასულიერო ელიტა თავისუფალ აზროვნებას დაამკვიდრებდა; სიახლის მიმართ ღია იქნებოდა; სტერეოტიპებს შეებრძოლებოდა. სადაც ამ ელიტის საკმაოდ დიდი ნაწილი არ იმსჯელებდა სიძულვილით გაჟღენთილი, პარანოიაშერეული კლიშეებით. სადაც დიდი ავტორიტეტის მქონე რეჟისორი დინჯი ინტონაციით არ იტყოდა, ზანგი რატომ უნდა მიყვარდეს, ის ხომ კულტურით ჩემზე უკან დგასო; მრევლით გარშემორტყმულ მღვდლებს არ გაუკვირდებოდათ, "დედაჩემი და სომეხის დედა" [sic] თანაბარი როგორ უნდა იყოსო; ძველი თაობის პოეტები არ მოგვიწოდებდნენ, "გადახედეთ ნებისმიერ სფეროს, გამოუჩხრიკეთ ნებისმიერს ბიოგრაფია და აღმოჩნდება, რომ ან დედა ეყოლება სომეხი, ან ვიღაცა"; შედარებით ახალგაზრდა პოეტი კი არ შეშფოთდებოდა, მე, როგორც “მოქალაქეს” და “ქალთა მოტრფიალეს”, დიდი საშიშროება მექმნება ჰომოსექსუალთა მიერ საიდუმლოდ მართულ-დაფინანსებული "ორგანიზაციის თუ კასტის"   სახითო.

მაგრამ რას ვიზამთ. რეალობა სხვაგვარია. ასეთი განცხადებები უხვად კეთდება, მათ ფართო აუდიტორიაც ჰყავს და ბევრი მომწონებელიც. სულ რამდენიმე წლის წინ იყო, ერთი დეპუტატი ტელევიზიით რომ აცხადებდა, გულის სიღრმეში სიამოვნებით ვეთანხმები ჰიტლერს, როცა მან ჰომოსექსუალები ზღვაში გაგზავნა და ჩაძირაო. მეორე დეპუტატი კი პარლამენტის სხდომაზე ომახიანად მოითხოვდა, მთავრობის ყველა წევრმა ახლავე წარმოადგინოს მონაცემები “მშობლების ეთნიკური წარმომავლობის და რელიგიური მრწამსის" შესახებო.

პოლიტოლოგებს, სოციოლოგებს, კულტუროლოგებს და სხვა ჭკვიან ხალხს თუ დავუჯერებთ, ამ ყველაფერს თავისი მიზეზები აქვს. ასეთი ტიპის ფობიები, ნაციონალიზმის ვიწრო და შოვინისტურ გაგებასთან ერთად, დიდწილად საბჭოთა გამოცდილების შედეგია. მაშინ, საბჭოთა იმპერიულ კონტექსტში, ეთნიკური ნაციონალიზმი - წარმომავლობის, სისხლის, გენის, მტრის ხატის, რჩეულობის, მსხვერპლობის და გადარჩენის შესახებ თავისი აუცილებელი ნარატივებით - ატარებდა დომინანტური, საბჭოთა იდეოლოგიის ალტერნატივის, ერთგვარი წინააღმდეგობის ფუნქციას. მაგრამ დღეს - დამოუკიდებლობის მოპოვებიდან ოცი წლის შემდეგ - ეს ცნებები ძირითადად შოვინისტური და დისკრიმინაციული სენტიმენტების ნაზავად იქცა - უმცირესობაში “საფრთხის” დანახვის, ეთნიკურად “სუფთა” ქართველის ძიების და ქართველების რჩეულობა-გამორჩეულობაზე ქადაგების ნაზავად.

პრობლემას დიდწილად ისიც ართულებს, რომ ამ იდეოლოგიას ბევრი “იდეოლოგიად” არც აღიქვამს და ის ბუნებრივ, თავისთავად ცხად ჭეშმარიტებად მიაჩნია. ამის კარგი მაგალითი თავად რობერტ სტურუაა. პირველ განცხადებას, პრეზიდენტი “სომეხია” და ქართველები ამიტომ არ უყვარსო, სამსახურიდან გათავისუფლების შემდეგ მან გაკვირვებული ახსნა-განმარტება მოაყოლა - ნაციონალიზმი და ქსენოფობია არაფერ შუაშია, არასწორად გამიგეს, მე მხოლოდ იმის თქმა მინდოდა, რომ, მაგალითად, ტერიტორიული საკითხების გადაწყვეტისას პრეზიდენტს სომხური „სისხლი“ აიძულებს სომეხი ერის მხარეს დადგეს - უნდა ეს, თუ არაო. გამოდის, რომ “შერეული სისხლის” მქონე მოქალაქე თავისი ქვეყნის ერთგული ვერ იქნება - ძალიანაც რომ მოუნდეს, “სხვა სისხლი” არ მისცემს ამის საშუალებას.

ეს, რასაკვირველია, ქსენოფობიაა. და საქართველოს იმ მოქალაქეების პირდაპირი შეურაცხყოფა, თავს ვინც ეთნიკურ უმცირესობას აკუთვნებს. შესაბამისად, ის, რომ სახელმწიფო ამ განცხადებებს გაემიჯნა - საბიუჯეტო დაფინანსებაზე მყოფი თეატრის ხელმძღვანელის თანამდებობიდან ამ განცხადებების ავტორის გათავისუფლების გზით - წესით, ცალსახად დადებითი ნაბიჯი უნდა იყოს.

დადებითი ალბათ არის კიდეც. ოღონდ რამდენად “ცალსახად” - ამაში დარწმუნებული არ ვარ. რამდენიმე მიზეზის გამო. პირველ რიგში, ჩემი ვარაუდით, უკიდურესად მცირე უნდა იყოს იმ ადამიანების რაოდენობა, ვინც რობერტ სტურუას განთავისუფლებას პოლიტიკურ ანგარიშსწორებად არ მიიჩნევს - ვისაც გულწრფელად სწამს, რომ ის მართლა  “ქსენოფობიის” გამო გაუშვეს და ამაში გადამწყვეტი როლი მისმა მწვავე ოპოზიციონერობამ არ შეასრულა. ხოლო ჩვენს რეალობაში - სადაც პოლიტიკოსების, ეკლესიის, საზოგადოების და მედიის დიდი ნაწილის თვალში ქსენოფობია გაბუნებრივებულია და “ქსენოფობიად” კი არა, პატრიოტულ საღ აზრად აღიქმება -  უმცირესობების უფლებების პოლიტიკური ანგარიშსწორების იარაღად გამოყენებამ შესაძლოა უკუშედეგი, “ქსენოფობიასთან ბრძოლის” გაუფასურება, მისი დისკრედიტაცია  მოიტანოს.  მაქსიმუმი, რაც „სტურუას საქმეს“ შეიძლება მოჰყვეს, თვითცენზურის გაზრდა იქნება - რაც, თავისთავად, მნიშვნელოვანია, რადგან შემცირდება იმ განცხადებების რაოდენობა, რომლებიც ამ დახავსებულ კლიშეებს კიდევ უფრო განამტკიცებს. მაგრამ საეჭვოა ამან ქსენოფობიის, ან უმცირესობების უფლებების შესახებ სერიოზული მსჯელობის დაწყებას - მით უფრო ქსენოფობიის მასშტაბის შემცირებას - მისცეს ბიძგი. ისევე, როგორც ამ თემაზე გაკეთებულმა მშრალმა და დიდაქტიკური შეფერილობის მქონე განცხადებებმა - რომ “ტირაჟირებულ ქსენოფობიას დემოკრატიულ ქვეყანაში მწვანე შუქი არ უნდა აენთოს”, როგორც კულტურის მინისტრმა გვითხრა რობერტ სტურუას საქმესთან მიმართებით.

ზოგადად, ამ საკითხების მიმართ სწორხაზოვნება და ზედაპირულობა, ჩემი აზრით, სერიოზულ პრობლემას ქმნის. ერთი მხრივ ფაქტია, რომ ამ ხელისუფლებამ - და პირადად მიხეილ სააკაშვილმა - საქართველოს პოლიტიკურ სივრცეში უმცირესობებთან და მრავალფეროვნებასთან მიმართებით მართლა შეიტანა პოზიტიური სიახლე. პრეზიდენტის განცხადებები, რომ საქართველო იქ მცხოვრებ ყველა ეთნოსს თანაბრად ეკუთვნის; უმცირესობების მიმართ გადადგმული ნაბიჯები - რელიგიური  ორგანიზაციების შესახებ ახლახან მიღებული კანონის ჩათვლით - ნამდვილად დადებითი ჟესტებია.

თუმცა, დიდწილად მხოლოდ ჟესტები და განცხადებები. საქმით - ვთქვათ, პოლიტიკურ ასპარეზზე უმცირესობების რეპრეზენტაციის, ეროვნულ კულტურულ მემკვიდრეობაში უმცირესობების მიერ შეტანილი წვლილის ხაზგასმის, თუნდაც ამ საკითხებზე ღია დისკუსიის დაწყების თვალსაზრისით - ბევრი არაფერი გაკეთებულა. ზოგიერთი ამას ზოგადი ატმოსფეროთი ხსნის - საზოგადოებაში, რომელშიც უმცირესობების საკითხი არაპოპულარულია, ქსენოფობია კი გავრცელებული, პოლიტიკოსი - და მითუმეტეს ხელისუფალი - ლოგიკურად მოერიდება უფრო გაბედული ნაბიჯების გადადგმას, მხარდაჭერის დაკარგვის შიშით. მით უფრო, რომ ოპოზიციური პოლიტიკური ძალების დიდი უმრავლესობა სწორედ ეთნონაციონალისტურ პოპულიზმს და ქსენოფობიური განწყობების გაღვივებას მიმართავს ხოლმე ხელისუფლებასთან დაპირისპირების, თუ მისი გაკრიტიკების მიზნით.

თუმცა, პრობლემა შეიძლება უფრო ღრმაც იყოს. ჩემი აზრით, ხელისუფლებას ეს საკითხი დიდწილად სწორედ ასე - სწორხაზოვანი ლოზუნგების დონეზე ესმის. “ტრენინგზე ნასწავლი ტოლერანტობის“ დონეზე. ასეთი ეჭვისთვის მყარ საფუძველს სააკაშვილის მიერვე გაკეთებული განცხადებები ქმნის. ძნელი წარმოსადგენია, ადამიანს კარგად ესმოდეს ქსენოფობიის პრობლემა, ან რასიზმის ისტორია, და თან ისეთ ვულგარულ კლიშეებს იყენებდეს, როგორიცაა რუსეთის შესახებ არაერთხელ ნათქვამი სიტყვა - „მონღოლოიდი“. 2010 წლის ივნისში სააკაშვილი რუსეთს „ბრუტალურ, ცბიერ, მონღოლოიდური ტიპის პოლიტიკურ ძალას“ უწოდებდა. გასულ ორშაბათს კი ის „მონღოლოიდური იდეოლოგიის  გადმონაშთად“ მოიხსენია.

ეს ცნება - „მონღოლოიდი“  - რასების შესახებ მეცხრამეტე   საუკუნის დისკურსს ეკუთვნის, ადამიანების „დახარისხების“ დისკურსს. ის მთელი აღმოსავლეთ და სამხრეთაღმოსავლეთ აზიის ხალხების აღსანიშნავად გამოიყენებოდა - დღეს კი მას დამამცირებელ, ტლანქ და რასისტულ განზოგადებად მიიჩნევენ. გასაგებია, რომ ამ ფრაზების წარმოთქმისას სააკაშვილი ისტორიული ფაქტებით არის შთაგონებული - რომ 1230 წლიდან მეთხუთმეტე საუკუნის შუა პერიოდამდე მონღოლთა მიერ  დაპყრობილად ყოფნამ რუსეთზე დიდი გავლენა იქონია და ის ევროპულ სივრცეს მოწყვიტა. მაგრამ ის ჯიუტად ტერმინ „მონღოლოიდს“ ხმარობს.

თან ეს ხომ პირველად არ ხდება. ყველას გვახსოვს სააკაშვილის “პაპუასები ხომ არა ვართ” და“ზანგები ხომ არა ვართ”. კი ბატონო, ბევრი ამბობს - და გარკვეულწილად მეც ვეთანხმები - რომ ესენი იდიომატური ფრაზებია, რომლებსაც ის დაუფიქრებლად ამბობს ხოლმე, ამა თუ იმ სფეროში საქართველოს „ჩამორჩენილობის“  გასაპროტესტებლად. მაგრამ მგონი ასეთი იდიომატური გამოთქმები საკმაოდ გახშირდა საიმისოდ, რომ მათ ჯიუტად ვუძახოთ „წამოცდენები“. 

სააკაშვილი, როგორც სჩანს, გარკვეული ცივილიზაციური კლიშეებით და დიქოტომიებით აზროვნებს - “განვითარებულები” და “ველურები”, ან “ცივილიზებულები” და “ბარბაროსები” - და ადამიანების, თუ ადამიანთა ჯგუფების დახარისხებასაც ამ ჭრილში ახდენს. ეს შეიძლება მართლაც განსხვავდებოდეს ქსენოფობიის იმ ტიპისგან, რომელიც რობერტ სტურუამ გამოავლინა - სააკაშვილი არ იტყვის, რომ, მაგალითად, ადამიანს ქცევას და აზროვნებას ეთნიკური წარმომავლობა და “სისხლი” კარნახობს; და არც რომელიმე უმცირესობას წარმოაჩენს ერისათვის „საფრთხედ“. მაგრამ ცივილიზაციური იერარქიები, რომლებიც პირდაპირაა გადაჯაჭვული რასისტულ კონცეფციებთან, მისთვის, როგორც ჩანს, უცხო არ არის. სხვაგვარად რომ იყოს, ის არ იტყოდა, რომ, მაგალითად, „საბაჟოს ხელმძღვანელობის ხარისხი ანთროპოლოგიურად გამოსწორდა“. ეს ფრაზა გადაფარა იმავე გამოსვლაში ნათქვამმა “ზანგები ხომ არა ვართ“-მა და დღეს, მგონი, აღარავის ახსოვს. არადა ეს ტერმინოლოგია - „ადამიანების ანთროპოლოგიური ხარისხი“ – ძალიან უსიამოვნო ასოციაციებს აღძრავს. თავის დროზე სწორედ ამ ანთროპოლოგიური „ხარისხის“ დაკანონების სურვილმა დაუდო საფუძველი სამეცნიერო რასიზმს - ადამიანთა „ტიპების“ ტაქსონომიებს და თავის ქალების მოყვანილობების შედარებებს.

თუმცა ის, რომ ამ ცივილიზაციური კლიშეებისგან ვერ თავისუფლდება, არ ნიშნავს, რომ ხელისუფლება ურყევი რასისტია და გულწრფელად არ ცდილობს გარკვეული პოზიტიური სიახლეების დამკვიდრებას საქართველოს უმცირესობებთან მიმართებით. უბრალოდ, საკითხის ზედაპირული გაგების გამო, ის ამ საქმესაც კლიშეებით ეკიდება - ლოზუნგების და დიდაქტიკური განცხადებების დონეზე. რომ „დემოკრატიულ საზოგადოებაში“  - ანუ „ცივილიზებულ“ და „განვითარებულ“ ქვეყნებში - ქსენოფობია მიუღებელია. არადა დღევანდელ საქართველოში ეთნონაციონალიზმის სიძლიერე და ქსენოფობიური განწყობები ხალხის „ჩამორჩენილობით“ და მასების „სიბნელით“ კი არა, კონკრეტული ფაქტორებით აიხსნება - მათ შორის საბჭოთა გამოცდილებით, ისევე როგორც ავტორიტეტის და გავლენის მქონე კულტურული და სასულიერო ელიტის ბევრი წარმომადგენლის  პოპულიზმით. იმით, რომ რუსთაველის თეატრში შეკრებილი ელიტარული პუბლიკა პროტესტის გარეშე, სიცილ-ხორხოცით ხვდება რეჟისორის ქილიკს „კულტურით უკან მდგომი ზანგების“ შესახებ.

ამასთან დაპირისპირებას კი თანმიმდევრული, პრინციპული და სიღრმისეული მიდგომა სჭირდება. იმის ახსნა, რომ ქსენოფობიური განცხადებების კეთება სინამდვილეში ეროვნულობის სახელით ჩადენილი ანტი-ეროვნული აქტია, რადგან ბევრი ჯგუფის გაუცხოვებას და საზოგადოებაში განხეთქილებებს იწვევს;  რომ უმცირესობების უფლებები უწინარესად იმიტომ კი არ უნდა დავიცვათ, რომ „ცივილიზებულები“ და „ლიბერალები“ გამოვჩნდეთ - არამედ იმიტომ, რომ ეს ჩვენივე ინტერესებში შედის, თუკი გვინდა, რომ ჰარმონიულ და ინტეგრირებულ გარემოში ვცხოვრობდეთ; რომ უმცირესობებს დიდი და წარუშლელი წვლილი აქვთ შეტანილი კულტურულ მემკვიდრეობაში, რომელსაც ეროვნულს ვუწოდებთ. მაგრამ ამ საკითხებზე - და, პრინციპში, არც სხვა მნიშვნელოვან თემებზე - ღია და სიღრმისეული დისკუსია არ მიმდინარეობს. ხელისუფლება და პრო-სახელისუფლო მედია პოლიტიკური და პოპკულტურული შოუებით, ოპტიმისტური ლოზუნგებით და დიდაქტიკური კლიშეებით არიან დაკავებული.

ისე, ახლა ამას კი ვწერ, მაგრამ თან ვფიქრობ, რომ დღეს, შესაძლოა, საქმეს ვეღარც „დისკუსიამ“ უშველოს. უკვე ძალიან ბევრი დაუსჯელი უსამართლობაა მომხდარი საიმისოდ, რომ ამჟამინდელ პოლიტიკურ კონტექსტში ადამიანის უფლებებისთვის და ღირსებისთვის ბრძოლამ დამაჯერებლობა არ დაკარგოს და მშრალ ლოზუნგებად, ან, სტურუას შემთხვევაში, პოლიტიკური ანგარიშსწორების იარაღად არ აღიქმებოდეს. ყოველგვარი დისკუსიის გარეშე, აშკარაზე აშკარაა, რომ ადამიანების ღირსების შელახვის ბრალდებით სტურუას განთავისუფლება და, მაგალითად, ქვეყნის მთელი მოსახლეობის აბუჩად ამგდები "მოდელირებული ქრონიკის" ავტორების დაუსჯელად დატოვება პარადოქსულ, ფარისევლურ და უსიამოვნო სურათს  ქმნის. ხოლო არგუმენტი, რომ რუსთაველის თეატრი "სახელმწიფო დაფინანსებაზეა", იმედი კი "კერძო ტელეკომპანიას" წარმოადენს, არ მომწეროთ, მაინც არ გავიზიარებ.

Tags: ქსენოფობია, რობერტ სტურუა



ყურადღება!
რადიო თავისუფლების ქართული რედაქციის ვებსაიტზე ფორუმებით სარგებლობისთვის აუცილებელია რეგისტრაციის გავლა.

რეგისტრაციის გასავლელად დააჭირეთ ვებსაიტის ზედა მარჯვენა კუთხეში მოთავსებულ ბმულს „რეგისტრაცია“. (რეგისტრაციის გავლის შემდეგ ელექტრონული ფოსტით მიიღებთ ავტომატურ შეტყობინებას. ყურადღება მიაქციეთ, შეტყობინება თქვენი ელექტრონული ფოსტის spam-ში ხომ არ აღმოჩნდა.) კომენტარის დასაწერად არ დაგავიწყდეთ საიტზე შესვლა.
ეს ფორუმი დაიხურა
კომენტარების რიგი
კომენტარები: გვერდი გვერდების რაოდენობა 2
ავტორი: კოკო
09.09.2011 16:45
ავტორი: კატამოტი საიდან გვწერთ: თბილისი
04.09.2011 16:22

რას ნიშნავს „უნდა“? „უნდა წახვიდე“? საკუთარმა სინდისმა უნდა გიკარნახოს, იმ ქვეყნის კანონმა უნდა გაიძულოს, სადაც ცხოვრობ, თუ რამე სხვა კრიტერიუმები არსებობს? სადაც მინდა იქ ვიცხოვრებ და ვერავინ მიკარნახებს, უნდა მიყვარდეს თუ არა მასპინძელი ქვეყანა. მას არ უნდა ვუმტრო და არ დავარღვიო მისი კანონები (ისევე, როგორც ნებისმიერი სხვა ეთნოსის წარმომადგენელმა), მაგრამ იმ ქვეყანაში დავრჩები თუ არა, ჩემი გადასაწყვეტია.

ავტორი: Dali საიდან გვწერთ: Akedan
06.09.2011 02:09
ვინმემ იკნტბ ამიხსნას, რატომ არის საჭირო ეროვნულ გამოცდებში ჩაჭრილი ეროვნული უმცირესობის წარმომადგენელ აბიტურიენტთათვის მოსამზადებელი კურსები ქართულ ენაში??? როგორ ამთავრებენ საქართველოში სკოლას სახელმწიფო ენის ცოდნის გარეშე? ესეც ქსენოფობიაა - მოვთხოვოთ საქართველოს მოქალაქეებს ქართულის ცოდნა?! რატომ არ გაწუხებთ ეს საკითხი იმაზე მეტად, ვიდრე ერთი კაცის, თუნდაც გენიოსი რეჟისორის ე. წ. ქსენოფობიური გამონათქვამები?

ავტორი: კატამოტი საიდან გვწერთ: თბილისი
04.09.2011 16:22
არაა, ძალიან გონიერი და კარგი ქალბატონი ხართ! ნეტავ არ იყოთ გათხოვილი!:)))))))
კომენტარისთვის კი ვიტყოდი, რომ ჩვენი კულტურის განვითარებაში უცხოტომელებს ისეთივე წვლილი აქვთ, როგორც ყველა სხვა ქვეყანაში. მთავარია, თუ იგი თავს ”ქართველად”, ანუ ჩვენი ერის შვილად განიცდის, არა ვკრათ ხელი მის მამულიშვილურ მისწრაფებას. არ ვარ კოსმოპოლიტიზმის მომხრე, ამიტომ, მგონია, თუ არ გიყვარს ის მხარე, სადაც ბინადრობ, მის წილად არ მოიხილავ თავს და იქაური ქუდის დახურვაც კი გეძნელება, უბრალოდ უნდა წახვიდე და იქ დასახლდე სადაც თავს შინაურად იგრძნობ.
მაგალითისთვის გავიხსენებ ქალბატონებს - ეკა პრივალოვას, ბეთანიისა და ტიმოთესუბნის ეკლესიების მოხატულობის მკვლევარსა და რესტავრატორს, ან მხატვარ-ეთნოგრაფ ნინო ბრაილოვსკაიას, იგია ავტორი ასაწყობი თოჯინების პირველი ეროვნული პროექტისა "მე პატარა ქართველი ვარ" . ქალბატონი ნინო ბრაზობდა ხოლმე: პასპორტში რუსი მიწერია, გვარი პოლონური მაქვს და ვერავის გავაგებინე ვაგებინებ, ქართველი რომ ვარო.

ავტორი: ანონიმი
01.09.2011 17:32
სწორედ რომ გონებრივი ონანიზმია რემბოდ თავის წარმოდგენა და ვითომ
ჰოლივუდიდან წერა და ისიც შეცდომებით!

ავტორი: rembo
01.09.2011 08:27
ANONIM-ს

ჰო და თუ იცით ონანი ვინ იყო და რითი იყო ცნობილი, ნუ დაემსგავსებით მას თქვენი კომენტარებით.

ავტორი: ანონიმი
31.08.2011 23:30
ონანი ბიბლიის პერსონაჟია, რა შუაშია შენიშვნასთან ვერ მივხვდი.
ონანიმი კი მოგონილი სიტყვაა. თქვენი ნამდვილი სახელი ვინმემ არასწორად რომ წეროს, ხომ შეუსწორებთ?
დარჩით მაშინ rembo, შენიშვნებს ვერ იტანთ, როგორც მივხვდი.

ავტორი: ანონიმი
31.08.2011 22:10
არა უჭირს, ფეოდალი ილიას მკვლელობის შემდეგაც დარჩნენ საქართველოში მისი პატივისმცემლები და დარჩებიან ფეოდალური ეთიკის და ფილოსოფიის მლანძღველი თბილისელი ლალის შემდეგაც.

ავტორი: lali საიდან გვწერთ: tbilsidan
31.08.2011 20:56
ეს ვაჟა-ფშაველას ქვეყანაა..მისი პოემების გმირები მზად არიან გულში ჩაიხუტონ ნებისმიერი რწმენისა და წარმომავლობის ადამიანი,რადგან სიყვარულით მოქმედებენ..ჩვენ დაგვავიწყდა , შევარდნაძე ,ორჯონიკიძე. მახარაძე ,და სხვანი ქართველები იყვნენ,შუშანიკი -კი სომეხი, აბო-არაბი და მეც არ მომწონს,როცა ჩემი საყვარელი რეჟისორი ასე ლაპარაკობს,თითქოს სომხობა წყეტდეს ადამიანის სიავ-კარგეს..მაგრამ არც ის მომწონს ,რომ ამის გამო ხსნიან.. ეს პოსტსაბჭოთა ქვეყანაა , თან საქართველო ჯერ კიდევ ფეოდალური აზროვნების ქვეყანაა და ჩვენ ყველამ ერთად უნდა ვისწავლოთ ადამიანის სიყვარული...თან ,მართლა ამის გამო ხომ არ მოხსნეს? არ უნდა მოგვცონებოდა მისი მოსაზრება!!! მაგრამ ,მოხსნა?

ავტორი: rembo
31.08.2011 19:29
არ გცოდნია ვინ იყო ონანი !?

ავტორი: ანონიმი
31.08.2011 13:35
rembo კი არა- Rambo, Onanimi-ესეთი სიტყვა არ არსებობს,
რატომ ჯიუტობთ?

ავტორი: rembo
31.08.2011 08:08
ანონიმს----ანონიმი კი არა ONANIMI, ყველას ჯიჯგნა კი არა----საკუთარი აზრი!

ავტორი: გურანდუხტი
31.08.2011 01:19
ავტორი: GERMANE
29.08.2011 15:59

მადლობა თანადგომისთვის. რაისნერის ნაშრომისთვისაც. ვეცდები მოვიპოვო. თუმცა ილიაზე და მის ეპოქაზე ბევრი მაქვს წაკითხული, მათ შორის უცხოელების ნაშრომებიც. კიდევ ერთხელ მადლობა.

ავტორი: ანონიმი
30.08.2011 22:28
ავტორი: ანონიმი30.08.2011 16:19
მეტიჩარა ხარ რა!

ავტორი: გიგი საიდან გვწერთ: თბილისი
30.08.2011 21:50
სალომე, ძალიან კარგი იყო!

ავტორი: პოლიტკორექტული საიდან გვწერთ: მუხურიდან
30.08.2011 18:43
"...საქართველო ისეთი ქვეყანა რომ იყოს..." ჩემო კარგო, ეს თავისთავად არ იქნება, საჭიროა მკაცრი რეაგირება ქსენოფობიურ გამონათქვამებზე განსაკუთრებით როცა ამას აკეთებს საზოგადო სფეროში მოღვაწე პირი.
ამ კონკრეტულ შემთხვევაში კი უკვე ამაზრზენიც გახდა როგორ იმართლებს ეს კაცი თავს და ერთი წამითაც არ დაუშვია ალბათობა იმისა რომ ვინმეს შეურაცხოფა მიაყენა და ამის გამო სინანული გამოთქვას.
პოზიტიური აქედან კი ჩემი აზრით ის არის რომ პრეცედენტი გვაქვს რა შეიძლება მოყვეს ქსენობობიურ და არაპოლიტკორექტულობას და ამ ფაქტს იმედი მაქვს ბევრი ანგარიშს გაუწებს მომავალში.

ავტორი: კაცთმოყვარე საიდან გვწერთ: ამერიკიდან
30.08.2011 17:06
ყველაფერი ძალიან ელემენტარულადაა: ცხადია, სტურუას გამონათქვამები ქსენოფობიური იყო. ცხადია, ის პოლიტიკური ანგარიშწორების მიზნით მოხსნეს და ქსენოფობია მხოლოდ საბაბად გამოიყენეს. ახლა ზოგიერთები ,,ეშმაკობენ" და ცდილობენ პოლიტიკური ანგარიშსწორების მიზნით თეატრის ხელმძღვანელის მოხსნით გამოწვეული პროტესტი გააიგივონ ქსენოფობიის დაცვასთან.
ამას ვინ ჭამს?!
იმის იქით გზა ქონიათ სტურუას და რურუას. ყველანაირი უსამართლობა და სიბინძურე პირადად მიხეილ სააკაშვილისგან მოდის და სანამ საქართველო ამ ტირანისგან თავს არ გაითავისუფლებს, გამძაფრდება ქსენოფობიაც, რასიზმიც და ზოგადად კაცთმოძულეობაც.
ჩემი თუ არ გჯერათ, გადახედეთ საჯაროდ გაკეთებული ქსენოფობიური განცხადებების სიხშირეს 2000 წლიდან დღემდე და დარწმუნდებით, რომ სააკაშვილის რეჟიმი, ლოზუნგების მიუხედავად, სინამდვილეში ხელს უწყობს და ასაზრდოებს ქსენოფობიას და სიძულვილს.

ავტორი: ანონიმი
30.08.2011 16:19
Rembo კი არა Rambo, Holiwood კი არა-Hollywood

ავტორი: ქეთი საიდან გვწერთ: თბილისი
30.08.2011 12:35
სალომე, ანიდან ჰოემდე გეთანხმებით. გმადლობთ ამ წერილისთვის.

ავტორი: ანონიმი
29.08.2011 23:17
ავტორი: GERMANE 29.08.2011 15:59
გერმანე, თუ ძმა ხარ, შეეშვი ამ თემატიკას! ლიტერატურასაც აუცილებლად შეეშვი! მაღარიჩი ჩემზეა!

ავტორი: ანონიმი
29.08.2011 23:15
ოლივერ რაისნერის... ავტორი: GERMANE
29.08.2011 15:59

უუ, მოიყვანა რა ავტორიტეტი!

ავტორი: rembo საიდან გვწერთ: holiwoodidan
29.08.2011 21:48
მისი გაქცევა საქარტველოდან ჩვენი ქვეყნის იმიჯს ზიანს აყენებს, მაგრამ სტურუას ეს, სამწუხაროდ,ჰკიდია.....

ავტორი: rembo საიდან გვწერთ: holiwoodidan
29.08.2011 21:41
სტურუას აქ რესურსი გამოელია (არ დავაზუსტებ რა სახის), და დიდი ხანია ინგლისში თუ არა ,მოსკოვში გადაბარგება უნდა,მაგრამ ისე, რომ წასვლის ინიციატორი თვითონ არ იყოს,ჯობია ,,დევნილი'' იყოს.
ბოლშევიკურ-მეგრული შტუჩკებია!

ავტორი: karaoke საიდან გვწერთ: Georgia
29.08.2011 21:07
ავტორი: ანონიმი
29.08.2011 19:16
ხომ ვერ მეტყვით რას ნიშნავს ნახევრად,მესამედით,მეოთხედით;,მეასედით და მეათასედით სომეხი?

------------------------
სომეხი აქ ეროვნული გენის ტარებას არ გულისხმობს მხოლოდ .
უფრო სწორედ გენს რო გულისხმობდეს და სხვაარაფერს პრობლემა არ იქნებოდა .
მემგონია რო ბიძა რომელიც გენით ქართველია და ვთავათ რუსეთში
რას მოღვაწეობს დაფარულია,ის უფრო დიდი პრობლემა შეიძლება იყოს .
ყველა შემთხვევაში რაღაცდამატებითი მექანიზმი უნდა არსებულიყო რომეს რისკები შეეფასებიათ როცა მას მწვანე შუქი აუნთეს პრეზიდენტობის გზაზე.
ეს საარჩევნო ლომპანიის ნაწილიც უნდა ყოფილიყო მისი კონკურენტების და მანამდეც უკვე არჩევნებში დაყენებამდეც.

მოკლედ გენს აქ მნიშვნელობა არექნებოდა თუ გამოვრიცხავდით რომ სახელმწიფოებრივი იდენტობა აღზრდის პროცესში ოჯახის დედმამიდს და ნათესავების ,ასევე ამ ოჯახის სტუმრების იდენტობაზეა დამოკიდებული და ფესვი საბოლოოდ მაინც გენზე დამოკიდებულია .
მოკლედ ამ ყველაფერს აქვსმნიშვნელობა და არაგენებს ,თუმცა ალბათობა იმის როსხვა გენს სხვაიდენტობა აქვს მეტია ვიდრე ქართულ ნატურალურ გენს (რამდენიმეთაობა ქართველს )
ყველას ვინც ამას ამბობს დღეს ეჭვი აქვს რომსწორედ ქართველი გენის შიში აქვს სააკაშვილს . ქართველების არჩეულს განა ეს შიში უნდა ქონდეს? ან გააყალბა არჩევნები და მან იცის ეს და მიტო აქვს ან სხვა რა უნდა იფიქრო?

ავტორი: სანჩო საიდან გვწერთ: აქედან
29.08.2011 20:21
ავტორი: ანონიმი
29.08.2011 19:16
ხომ ვერ მეტყვით რას ნიშნავს ნახევრად,მესამედით,მეოთხედით;,მეასედით და მეათასედით სომეხი?
ვისაც ბებიის ბაბუის მეზობლის უკანონო შვილი სომეხი ჰყავდა ის მერამდენედად სომეხია? ვიდრე ეს არ გაორკვევა ქსენოფობიასთან ბრძოლა ცოტა ძნელია.
===============================================================
„სომეხი„ თუ ნასომხარი,
ოხერი თუ ნაოხრალი,
ალი ხარ თუ ალი–ბაბა,
„აბბა„ გიყვარს,
„რერო„ – არა,
არამისი კარგი იყო,
არაყს სვამ და
ღვინოს – არა,
ნინოს ევა გირჩევნია,
და ლეილას – გრეტა გარბო,
მარგო ხშირად გელანდება,
მაროსათვის არა გცხელა,
თამრიკოსაც ვეღარ უსმენ,
ოსმან–აღა გევასება...

– ხედავ, როგორ გაიყიდე?!
ქართველობას ვით იბრალებ?!
ქართველები იყვნენ ადრე! –
ერთი სოსო რად ღირს მარტო!.. –
„კავის რუსეთს ჩააბარა
ატომური ბომბები და
მსოფლიო ხომ დააშინა!„ –
რუსებს გული გაუხარა,
საქართველო „ასახელა„!..
მისით მოაქვს თავი ქართველს!..

ასე იყო ოდითგანვე,
ასე მოდის, ასე მოგვდევს:
„კახელების აღმა ხნული
ქართველებმა დაღმა ფარცხეს„!..

ავტორი: ანონიმი
29.08.2011 19:16
ხომ ვერ მეტყვით რას ნიშნავს ნახევრად,მესამედით,მეოთხედით;,მეასედით და მეათასედით სომეხი?
ვისაც ბებიის ბაბუის მეზობლის უკანონო შვილი სომეხი ჰყავდა ის მერამდენედად სომეხია? ვიდრე ეს არ გაორკვევა ქსენოფობიასთან ბრძოლა ცოტქ ძნელია.

ავტორი: karaoke საიდან გვწერთ: Georgia
29.08.2011 17:58
ავტორი: GERMANE
29.08.2011 15:21

ავტორი: karaoke საიდან გვწერთ: Georgia
27.08.2011 19:30"

კარაოკე, სენგან მართლა მიკვირს ასე ვიწრო აზრები.

რა ქართული ფესვის მტერი აგიტყდა, ვერ ვიგებ.
სადაა და რაა ეს "ქართული ფესვი"?
ფაზისშია, დიოსკურიაშია, ბათომშია თუ რუსთავში?

ახლა ყველგანაა გერმანე და ცოტა. ადრე ერთად იყო საქართველოში.
ჩვენ ვართ გერმანე ჩვენ და ახლა საზღვარგარეთაა ყველა წასული....
აქ ჩამოვედი და ზანგებს და გადამთიელებს ვხედავ...
პრახადნოი დვერია საქართველო ყველას ვისაც არეზარება აქ ჩამოდის გადი გამოდის, ტყეებს იმათ აძლებვენ და მთაბარს. ქართველსაც აქვს ფული მაგრამ იმათ არაძლევენ. იმათ მერე ქირას მოთხოვენ თუ დღესაც თხოვენ. მოკლედ ვერ მიხვდები რა, ხვალ შეიძლება მიხვდე
დღეს ვერა.

ავტორი: GERMANE
29.08.2011 15:59
გურანდუხტ, რა "ჯიშისაც" არ უნდა იყოტ, თქვენს გვერდით მიხილეთ.

ისე კი, ერთს მაინც "გაგკრავთ კბილს" - გირჩევთ ერთი გერმანელი ქართველოლოგის, ოლივერ რაისნერის სადოქტორო დისერტაცია-ნაშრომი წაიკიტხოთ საქართველოს ნაციონალურ-ეროვნულ მოძრაობაზე მე19 ს-ში. იქ ილია ჭავჭავაძის ჭეშმარიტი სახეა დახატული და არა ის, მე და თქვენ რომ ლენინისტურ სკოლებში გვასწავლეს.
ისე კი, სულ მიკვირდა - ეს საბჭოთა კგბ რატომ არ გვიშლის ისეთი პიროვნების "სწავლას" როგორც ილიაა? რატომ უნდათ, რომ ნაციონალური სულით გავიზარდოთ?
თურმე სადა ხარ, სადაა ძაღლის თავი დამარხული, გვიან გავიგე.

მე პირადად ნიკო ნიკოლაძის "კაცი" ვარ - ეს კაცი ქართველებმაც მოიძულეს და კომუნისტებმაც, რაღაცა კი გვითხრეს - იყოო, მაგრამ რას აკეთებდაო - ეს არა. ჰოდა, მე საქართველოს მომავლის იმედებს "ნიკო ნიკოლაძეებზე" და არა "ილია ჭავჭავაძეებზე" ვამყარებ.

მაგრამ მაინც, საერთო ენის გამონახვა არ იქნება ძნელი და ცოტათი "ილია ჭავჭავაძეობის" ატანაც არ გამიჭირდება.

ისე კი, ისიც საინტერესოა, თუ საიდან ფინანსდებოდა ყველა ის საქმე, რასაც ილია აკეთებდა ( და არა მარტო ის, თაყაიშვილი, ჯავახიშვილი და ა.შ.).
- უძრავი ქონების გამოსყიდვა "სომხური" კულაკებისაგან
- ყოველ სოფელში სკოლის გახსნა
- ნაციონალური სიამაყის განმამტკიცებელი წიგნების ბეჭდვა
- ქართული რეალისტური ხელოვნების უდიდესი დახმარება (აკაკი, ყაზბეგი, ვაჟა) და სამაგიეროდ ავანგარდისტების, მოდერნისტების და ა.შ. (მაშინ რომ მთელი ევროპა-რუსეთი "ინფიცირებული იყო") სრული უგულებელყოფა, მათთვის შაურის არგამეტებაც კი.

ეს ყველაფერი რაღაც პოლიტიკა იყო.

განათლებისა და განმანათლებლობლობის პოლიტიკას მერე რუსულ-საბჭოური იდეოლოგიაც მოაჯდა.
არც რეალისტური ხელოვნებისათვის დაუკლიათ პატრონობა კომუნისტებს - სხვები, მათ მსგავსად რომ მერე ჰიტლერმა ჰქნა - ყველა "გადაგვარებულ ხელოვნებად" გამოაცხადეს.
ნაციონალიზმის სულიც კარგად გააღვივეს კომუნისტებმა.

ასე რომ, რა გასაკვირია ამ დღეში რომ ვართ და ჩეჩენისათვის ქართველი რომ რუსის უკანალში მძრომელს და შამილის გამყიდველს რომ ნიშნავს (ეს არ იცის ბევრმა "ამაყმა" ქართველმა) და ჩვენთვის სომეხი რომ ტუფლის მწმენდავია და ქურთები რომ ცოცხით ხელში უფრო გვიყვარს?

ავტორი: GERMANE
29.08.2011 15:21
ავტორი: karaoke საიდან გვწერთ: Georgia
27.08.2011 19:30"

კარაოკე, სენგან მართლა მიკვირს ასე ვიწრო აზრები.

რა ქართული ფესვის მტერი აგიტყდა, ვერ ვიგებ.
სადაა და რაა ეს "ქართული ფესვი"?
ფაზისშია, დიოსკურიაშია, ბათომშია თუ რუსთავში?
საქართველო ყოველთვის მულტიკულტურულ-მულტიეთნიკური ასპარეზი იყო და ამან გაიტანა. ნახე ისტორია კარაოკე, არა ის, პრორუსული და ე.წ. დიდქართველური, ისტორიასთან რომ საერთო არაფერი აქვს.
ვინ იყო ქართული შავიზღვისპირეთის დამაარსებელ- დამამკვიდრებელი - ამას შენს საბერძნეთში ჩემზე უკეთ აგიხსნიან.
დაანებე თავი იმის ისტორიად გასაღებას, რაც სკოლაში გასწავლეს.

საქართველოში რუსული შოვინისტური ოქტომბრის რევოლუცია ქართული სოვინიზმით მოვიდა - ისევე როგორც რუსეთში ამ რევოლუციამ ყველაფერი გაარუსა, ასევე საქართველოშიც. პროვინციალიზმმა და შოვინიზმმა მოიყვანა ხელისუფლებაში ლენინი, სტალინი, ორჯონიკიძე, ბერია, მჟავანაძე და შევარდნაძეც - ზვიად გამსახურდია ამ მხრივ ანგელოზი იყო.

კარაოკე, საქართველოს მეფეები მულტიკულტურები იყვნენ - ყველანი. სომხური, ალანური, ბერძნული, ყივჩაღური სისხლი ყველა მათ შთამომავალს ჰქონდა. ისევე როგორც გერმანულ-ფრანგული სისხლი ჩქეფს (თუკი ასეთი არსებობს!) მთელს ბრიტანულ სამეფო კარში.

რომელ - ფესვების დანაკარგზე საუბრობ საერთოდ რა.

ის რაც სააკაშვილმა დააკარგვინა ადამიანებს - ეს არის კრიტიკული აზროვნება, კლიშე-აზროვნება დაამკვიდრა ამ კაცმა - აქეთ ე.წ. ლიბერალები და იქეთ შოვინისტ-ნაციონალისტები: ყველა გაება ამ მახეში, რობერტ სტურაც და რეზო-ბატონიც. შენი გაბმა კი მაინც გამიკვირდა, რატომღაც.

ავტორი: rembo
29.08.2011 13:34
სხვათა შორის, მიშა თუმანიშვილის გაგდებაზე შენცა გაქვს ხელი მოწერილი....

ავტორი: გამვლელი
29.08.2011 13:10
სტურუას არ დაუწყია ადამიანების რასებად და ასე შემდეგ დახარისხება. კაცობრიობის დაყოფაში ბარბაროსებად და არაბარბაროსებად უკვე იყო მაგის ნიშანი/ ცინიკოსი დემოკრიტე კაია და ზარატუსტრა ცუდი ბარბაროსიაო ამის მთქმელი იყო კრეტინი. რობერტ სტურუა კლასიკური მედროვესავით როცა სჭირდება დემოკრიტეს და როცა სჭირდება ზოროასტრეს როლს თამაშობს. უდავოდ ნიჭიერი კაცია მაი. მაგრამ იქნებ ქსენოფობიასთან ბრძოლას ადამიანების ღირსებებზე ლაპარაკი, მათი ჩვენება და დაფასება ჯობდეს. თუ ვინმე ქართველს სომხურმა ან რუსულმა ენამაც ასვია მუსიკობანი ღმერთმა შეარგოს. მთავარია მუსიკობანი ესმოდეს. და ქართულადაც წეროს იმეტყველოს და იაზროვნოს.

ავტორი: rembo საიდან გვწერთ: holiwood
29.08.2011 13:03
ეეეჰ, რობერტო,რობერტო! არ გეკადრება მაი შენ....

ავტორი: irakli
29.08.2011 00:50
ავტორი: ანონიმი
29.08.2011 00:03

თქვენ თქვენი "უჰ, უჰ"-თი დისკუსია სწორ ფაილში გადმოაგდეთ, არა?:))) ოკ.

ავტორი: ანონიმი
29.08.2011 00:03
აუ, მუხლები კარგია, პარაგრაფებიც, მაგრამ მანდ რომ გადავარდება დისკუსია, - (თუ რაც არის) უ, უჰ, უჰ!

ავტორი: irakli
28.08.2011 22:28
ვერ მივხვდი რაში მდგომარეობს თქვენი მოსაზრების სპეციფიურობა ჩემს მოსაზრებასთან მიმართებაში. მეც იმას ვამბობ, რომ ადამიანის ძირითადი უფლებები და თავისუფლებები პერ სე თანაბარი რანგის არის იმ მომენტამდე, სანამ ისინი ერთმანეთთან კოლიზიაში არ მოვლენ. პატივისა და ღირსებიტ გარდა მე სხვა უფლებების დარღვევაზეც მივუთითე. სტურუას არავის პატივი და ღირსება არ შეულახავს. მან ეჭვქვეშ დააყენა ადამიანის პიროვნების თავისუფალი განვითარების უფლება, ანუ თქვა, რომ თუ ვინმე სომეხია, მას გარკვეული პროფესიის განხორციელებაში ან თანამდებობის დაკავებაში ხელი უნდა შევუშალოთო (ქართველებმა სომეხი არ უნდა ავირჩიოთო) და თავად სტურუამ უგულვებელყო ყველა ადამიანის თანასწორობა კანონის წინაშე, როდესაც დაიწყო მათი რასებისა და ეროვნებების მიხედვით დახარისხება ("ზანგები კულტურულად ჩემზე უკან დგანანო"). აქედან გამომდინარე მე ვთქვი, რომ სტურუას სიტყვის თავისუფლება არავითარ შემთხვევაში არ უნდა იყოს სხვა ერების, კონფესიების და ზოგადად "სხვანაირი" ადამიანების უფლებების დაცვაზე დიდი ღირებულება და ეს ცივილიზებული ერების სამართალში ასეც არის. კიდევ ერთხელ ვიმეორებ, ის, რომ სიტყვის თავისუფლება ყველაზე დიდი რანგის თავისუფლება არ არის და ის პატივსა და ღირსებაზე, კანონის წინაშე თანასწორობაზე და ადამიანის პიროვნების თავისუფლად განვითარების უფლებაზე უკან დგას, თავად მე-19 მუხლის მესამე პუნქტიდან იმპლიციტურად გამომდინარეობს. მოვახდენ მთელი მუხლის ციტირებას:

მუხლი 19
1. ყოველ ადამიანს აქვს სიტყვის, აზრის, სინდისის, აღმსარებლობისა და რწმენის თავისუფლება.
2. დაუშვებელია ადამიანის დევნა სიტყვის, აზრის, აღმსარებლობის ან რწმენის გამო, აგრეთვე მისი იძულება გამოთქვას თავისი შეხედულება მათ შესახებ.
3. დაუშვებელია ამ მუხლში ჩამოთვლილ თავისუფლებათა შეზღუდვა, თუ მათი გამოვლინება არ ლახავს სხვათა უფლებებს.

მიაქციეთ ყურადღება მესამე პუნქტს!!!

სტურუას გათავისუფლება ამ მოტივით სამართლებრივად, ეთიკურად და პოლიტიკურად გამართლებულია. თუ ის რამეს არ ეთანხმება, შეუძლია სამართლებრივად თავი დაიცვას და შესაბამისი ადმინისტრაციული აქტი გაასაჩივროს. რაც შეეხება იმას, რომ ხელისუფლება ორმაგი სტანდარტით ხელმძღვანელობს და სხვა ქსენოფობებს არ სჯის, ანუ მხოლოდ მის მიმართ კრტიკულად განწყობილებს ერჩის, ეს სტურუას არანაირად არ ამართლებს და ცალკე მსჯელობის თემაა.

ავტორი: ანანო საიდან გვწერთ: თბილისიდან
28.08.2011 21:07
კარგი სტატიაა, კომენტარებში ბევრმა ქსენოფობია არ იცის რა არის და ბევრმა ტერმინი"ეროვნული უმცირესობა", მაგრამ ჰგონიათ, რომ თუ ქართევლი ხარ 100% ეს უკვე იმხელა პრივილეგიაა რომ ყველაფრის უფლება აქვთ. სომესხ რომ სომეხი უწოდო ეს კი არ არის ცუდი, ცუდია ეგ სალანძღავი სიტყვა რომ გგონიათ.

ავტორი: ucnobi საიდან გვწერთ: wiena
28.08.2011 19:00
ავტორი: ირაკლი
28.08.2011 16:11

საქართველოს კონსტიტუციის მე-17 მუხლის თანახმად, ადამიანის პატივი ღირსება ხელშეუხებელია; დაუშვებელია ადამიანის წამება, მის მიმართ არაჰუმანური, სასტიკი ან პატივის და ღირსების შემლახავი მოპყრობისა თუ დასჯის მეთოდების გამოყენება.
პატივი და ღირსება ყველა ადამიანის განუსხვისებელი უფლებაა.დიდი ილია წერდა: ,, პატივი და ღირსება ადამიანის უძვირფასეს და ხელშეუხებელ კუთვნილებას წარმოადგენს და დაცულია ყველასა და თითოეულის ხელყოფისაგან.''
საქართველოს კონსტიტუციის მე-17 მუხლით გათვალისწინებულმა პრინციპმა თავისი ასახვა ჰპოვა საქართველოს კანონმდებლობაში; ადამიანის პატივის,ღირსების და საქმიანი რეპუტაციის დაცვა განმტკიცებულია სამოქალაქო კოდექსისი დებულებებში.
სამეცნიერო ლიტერატურაში დისკუსიას იწვევს საკითხი იმის შესახებ, დგას თუ არა სიტყვის, აზრის და მასობრივი ინფორმაციის საშუალება პატივის ღირსების და საქმიანი რეპუტაციის დაცვის უფლებაზე მაღლა, თუმცა ასეთი დისკუსიის საფუძველი არ არსებობს. საქარტველოს კონსტიტუცია თანაბრათ იცავს ორივე მათგანს.ყოვლად დაუშვებელია ამ ორი ფუძემდებლური უფლების დაპირისპირება ან უგულებელყოფა. სიტყვის, აზრის, და მასობრივი ინფორმაციის თავისუფლება დასაშვებია მხოლოდ იმ პირობით, რომ ისისნი არ უნდა იყვნენ გამოყენებული სხვისი უფლების დასარღვევათ. ამიტომ ითვალისწინებს კანონმდებლობა ამ ორი უფლების ბალანსს.
საქარტველოს კონსტიტუციის 42-ე მუხლის თანახმად, ყოველ ადამიანს აქვს უფლება, თავის უფლებათა და თვისუფლებათა დასაცავად მიმართოს სასამართლოს. განავრცობს რა ამ კონსტიტუციურ ნორმას, საქარტველოს სამოქალაქო კოდექსის მე-18 მუხლის ,,2'' პუნქტი ადგენს:,, პირს უფლება აქვს სასამართლოს მეშვეობით მოითხოვოს იმ ცნობების უარყოფა, რომელიც ლახავს მის პატივა, ღირსებას და პირადი ცხოვრების ხელშეიხებლობას ან საქმიან რეპუტაციას, თუ ამ ცნობის დამამტკიცებელი არ დაამტკიცებს, რომ ისინი სინამდვილეს შეესაბამება.. იგივე წესი გამოიყენება ფაქტობრივი მონაცემის არასრული გამოქვეყნებისთვის, თუ ამით ილახება პირის პატივი ღირსება და საქმიანი რეპუტაცია.''
თანამედროვე სამოქალაქო სასამართლოში პატივის, ღირსებისა საქმიანი რეპუტაციის დაცვის საშუალებას წარმოადგენს გავრცელებული ცნობების უარყოფა ან დაზარალებულისთვის მორალური ზიანის კონპენსაცია.
საქარტველოს სამოქალაქო კოდექსის მე18 მუხლის მე-3 თანახმად ,, თუ პირია პატივის, ღირსებისა და საქმიანი რეპუტაციის შემლახავი ცნობა გარცელებულია მასობრივი ინფორმაციის საშუალებებით, მაშინ მათი უარყოფაც უნდა მოხდეს ამავე საშუალებით.'' ამავე მუხლის მე-4 პუნქტის თანახმად, ,, მოქალაქეს, რომლის შესახებაც მასმედიაში გამოქვეყნდა მისი უფლების ან კანონიერი ინტერესების შემლახავი ცნობები, აქვს მასმედიის იმავე საშუალებებში საკუთარი პასუხუს გამოქვეყნების უფლება.''
საქართველოს კანონი,, სიტყვისა და გამოხატვის თავისუფლების შესახებ'' ადგენს განსხვავებას აზრსა და ფაქტს შორის. აზრი შეფასებითი მსჯელობაა, თვალსაზრისი ან კომენტარი, ნებისმიერი სახით შეხედულების გამოხატვა, რომელიც ასახავს რომელიმე პიროვნების,მოვლენის ან საგნის მიმართ დამოკიდებულებას და არ შეიცავს დადასტურებად ან უარყოფად ფაქტს.აზრი ყოველთვის სუბიექტურია და შეიძლება გამოყენებულ იქნეს, როგორც მტკიცება. იგი შეიძლება იყოს ,,სამართლიანი ან არასამართლიანი.'' ფაქტი კი რეალური სინამდვილის მოვლენაა, რომელიც შეიძლება დადასტურებულ ან უარყოფილ იქნეს.
საქართველოს კანონი ,, სიტყვისა და გამოხატვის თავისუფლების შესახებ'' პირს ანიჭებს კვალიფიციურ პრივილეგიას არსებითად მცდარი ფაქტის შემცველი განცხადებებისათვის, თუ :
იგი მიზნად ისახავდა საზოგადოების კანონიერი ინტერესების დაცვას და დაცული სიკეთე აღემატება მიყენებულ ზიანს და მისი განცხადება წარმოადგენდა სამართლიან და ზუსტს იმ მოვლენასთან დაგავშირებით, რომლისკენაც მიმართულია საზოგადოების ყურადღება.
საქარტველოს სამოქალაქო კოდექსი მე-18 მუხლის II ნაწლიში მითითებულია, რომ პატივის ღირსების და საქმიანი რეპუტაციის დაცვა ხორციელდება მიუხედავათ ხელყოფის ბრალისა, ხოლო თუ სარღვევა მოქმედებით არის გამოწვეული უფლებამოსილ პირს შეუძლია მოითხოვოს მორალური ზიანის ანაზღაურებაც, ქონებრივი ძიანის ანაძღაურებისგან დამოუკიდებლად.
P.S კანონის წინაშე ყველა თანაბარი უნდა იყოს, ხომ არ ჯობდა სტურუასთვის კანონიერად მოგვეთხოვა პასუხი ?

ავტორი: ირაკლი
28.08.2011 16:11
ავტორი: ucnobi საიდან გვწერთ: wiena
28.08.2011 12:45

თქვენი პოსტი თუ სწორად გავიგე, თქვენ მიგაჩნიათ, რომ გამოხატვის თავისუფლება ადამიანის სხვა უფლებებსა და თავისუფლებებთან მიმართებაში იურიდიული რანგით ყველაზე მაღლა დგას. ეს არასწორი შეხედულებაა. კონსტიტუციით და ადამიანის უფლებათა დეკლარაციებით განმტკიცებული ადამიანის ძირითადი უფლებები და თავისუფლებები, მათი კატალოგური და დეკლარაციული ხასიათიდან გამომდინარე, თავისუფლად შეიძლება მოვიდნენ ერთმანეთთან კოლიზიაში. როდესაც ორი თავისუფლება ერთმანეთთან კონფლიქტში მოდის, უპირატესობა უნდა მიენიჭოს იმას, რომელიც კანონითა და სამართალშემოქმედებით უფრო მაღალ რანგად არის აღიარებული. ის რომ სიტყვის და გამოხატვის თავისუფლება ყველა თავისუფლებაზე მაღლა არ დგას, ეს თვით საქართველოს კონსტიტუციის მე-19 მუხლის ტექსტის გრამატიკული ანალიზითაც ნათელია. ამ მუხლის პირველი პუნქტი ამბობს: "ყოველ ადამიანს აქვს სიტყვის, აზრის, სინდისის, აღმსარებლობისა და რწმენის თავისუფლება." ხოლო ამავე მუხლის მესამე პუნქტი ამ ყველაფერს არელატიურებს: " დაუშვებელია ამ მუხლში ჩამოთვლილ თავისუფლებათა შეზღუდვა, თუ მათი გამოვლინება არ ლახავს სხვათა უფლებებს." ანუ გამოთქმული აზრი არ უნდა ლახავდეს სხვათა უფლებებს (ციტირებული მესამე პუნქტის ბოლო წონადადება).

რაც შეეხება სიტყვისა და გამოხატვის თავისუფლების ადგილს სხვა თავისუფლებათა სისტემაში, თუ ადამიანის უფლებათა და თავისუფლებათა კონსტიტუციურ კატალოგს გადავხედავთ, მარტივად შევამჩნევთ იმ უფლებებსა და თავისუფლებებს, რომლებიც სიტყვის თავისუფლებით მოსარგებლე ადამიანმა არ უნდა შელახოს: 1. მუხლი 17: ადამიანის პატივი და ღირსება ხელშეუვალია, 2. მუხლი 16: ყველას აქვს საკუთარი პიროვნების თავისუფლად განვითარების უფლება, 3. მუხლი 14: ყველა ადამიანი დაბადებით თავისუფალია და კანონის წინაშე თანასწორია განურჩევლად რასისა, კანის ფერისა, ენისა, სქესისა, რელიგიისა, პოლიტიკური და სხვა შეხედულებებისა, ეროვნული, ეთნიკური და სოციალური კუთვნილებისა, წარმოშობისა, ქონებრივი და წოდებრივი მდგომარეობისა, საცხოვრებელი ადგილისა.

კონსტიტუციური სამართლის თეორიასა და მეთოდოლოგიაში საკამათოც კი არ არის, რომ გამოხატვის თავისუფლება არ შეიძლება ადამიანის თავისუფალი განვითარების უფლებაზე, მის პატივსა და ღირსებაზე და დისკრიმინაციის აკრძალვაზე მაღლა დადგეს იერარქიულად. წონასწორობის პრინციპიდან გამომდინარე, არავის აქვს უფლება ბოროტად ისარგებლოს სიტყვის თავისუფლებით და ამით გადათელოს ირგვლივ ყველა და ყველაფერი. თქვენი აზრით, რატომ არის გერმანიაში ნაცისტური სიმბოლიკა და ჰიტლერის "მაინ კამპფ" აკრძალული?

მოკლედ რომ შევაჯამოთ სტურუას ქეისი: სტურუა ამ კონკრეტულ შემთხვევაში ვერ ისარგებლებს სიტყვის თავისუფლების პრივილეგიით, რადგან მან უგულვებელყო კონსტიტუციის მე-14, მე-16 და მე-17 მუხლები. ეს დასკვნა ფორმალურადაც სწორია და მატერიალურად სამართლიანი. ამაზე კამათი დაბალი სამართლებრივი კულტურის მაჩვენებელი შეიძება იყოს.

ავტორი: ucnobi საიდან გვწერთ: wiena
28.08.2011 12:45
ადამიანის უფლებებისა და ფუნდამენტურ თავისუფლებათა დაცვის ევროპის კონვენციის(1950 წლის 4 ნოემბერი) მე-10 მუხლი ადგენს, რომ ინფორმაციის მიღებისა და გავრცელების თავისუფლება რეალიზდება სახელმწიფო ორგანოთა მხრიდან რაიმე ჩარევის გარეშე. აღნიშნული უფლებები და თავისუფლებები განმტკიცებულია საქართველოს 1995 წლის კონსტიტუციითაც. კონსტიტუცია ადგენს:ყველა ადამიანს აქვს სიტყვის,აზრის,სინდისის, აღმსარებლობისა და რწმენის თავისუფლება.( მგონი სტურუა ადამიანია) (მე-19 მუხლი) ამავე მუხლში ნათქვამია დაუშვებელია ადამიანის დევნა, სიტყვის,აზრის აღმსარებლობის ან რწმენის გამო, ხოლო კონსტიტუციის 24-ე მუხლი ადგენს,, ყველა ადამიანს აქვს უფლება თავისუფლად მიიღოს და გაავრცელოს თავისი აზრი ზეპირად, წერილობით ან სხვაგვარი საშუალებებით:
2004 წლის 24 ივნისს საქართველოს პარლამენტმა მიიღო კანონი,,სიტყვისა და გამოხატვის თავისუფლების შესახებ,''რომლის მე-3 მუხლი ადგენს: ,,სახელმწიფო ცნობს და იცავს სიტყვისა და გამოხატვის თავისუფლებას, როგორც წარუვალ და უზენაეს ადამიანურ ფასეულობას. ( მგონი საქართველო ჯერ კიდევ სახელმწიფოა თუ. . . ?)
კანონი გამოხატვის თავისუფლებას განმარტავს:
1)აზრის დაცულია აბსოლიტური პრივილეგიით:
2) პოლიტიკური სიტყვისა და დებატების თავისუფლებას. და ა. შ.შ.
კანონის მე.4 მუხლი ცალკე გამოყოფს აზრისა და მოწოდების თავისუფლებას, მიუთითებს, რომ აზრი დაცულია აბსოლიტური პრივილეგიით, მოწოდება დაცულია კვალიფიციური პრივილეგიით. აბსოლიტური პრივილეგიაა, კანონით გათვლიაწინებული პირის პასუხისმგებლობისგან სრული და უპირობო გათავისუფლება, ე.ი. არავითარი პასუხისმგებლობაატ ეკისრება პირს თავისი აზრის გამოთქმისთვის, როგორი შინაარსიც არ უნდა იყოს მასში ჩაქსოვილი. ( რობერტ სტურუა კი დაისაჯა აზრის გამოთქმისთვის)
ცნობილი სენტენცია,, ჩემი თავისუფლება მთავრდება იქ, სადაც იწყება სხვისი თავისუფლება იწყება'' გულიცხმობს იმას, რომ არაფრით შეზღუდული თავისუფლება არ არსებობს. ევროპული კონვენციის მე-10-ე მუხლის მე-2 პარაგრაფი თვალნათლივ ადასტურებს, რომ აზრის გამოხატვის თავისუფლებას განსაკუთრებული ადგილი უჭირავს იმ უფლებათა შორის, რომელიც განმტკიცებულია კონსტიტუციით და მისი პროტოკოლებით. მოცემული უფლება მიჩნეულია დემოკრატიული საზოგადოების შემედგენელ ელემენტად.( საქართველოში კი მსგავსი არაფერი არ არსებობს, მგონი ეს უფრო დიდი პრობლმაა)
ნებადართულია ყველაფერი, რაც კანონით აკრძალული არ არის კანონით.
საქართველოში კი აზრი აბსოლიტური პრივილეგიით არის დაცული.
,, დემოკრატია მოქალაქეთა უფლებების გარეშე, იცოდნენ - ფარსია.
მოქალაქის უფლება იცოდნენ პროცედურის გარეშე- ბლეფია.
პროცედურები მოქალაქეთა გარეშე, რომლებიც ისწრაფვიან იცოდნენ ტრაგედიაა''- მგონი საკმაოდ ტევადი პოსტულატია.
p. S ,, მიეცით ხალხს შესაძლებლობა, იცოდეს ფაქტები და ქვეყანა უსაფრთხო იქნება- აბრამ ლინკოლნი .
ჩემთვის შედეგი უფრო დიდი ტრაგედიაა, რაც სტურუას ამ განცხადებას მოჰყვა.

ავტორი: გურანდუხტი
28.08.2011 11:55
ავტორი: karaoke საიდან გვწერთ: Geirgia
28.08.2011 10:49
ავტორი: გურანდუხტი
27.08.2011 23:15
კარგით რა...
შალვამხო შემოიღო ტერმინი ეგრეთწოდებული ლეტანტური
მიშისტები,
მედავარქმევდი შიშს ამხალხის ამგრძნობას რომელიც მმართველია ამსტრატეგიის, , ვაიდა რო მართლარო ჩამოიშალოს?


ახლა თურმე ისიც გცოდნიათ, გულში რა უდევს ხალხს და ამის მიხედვით კიცხავთ. ცუდი არაფერი მინდა გაკადროთ, მაგრამ მზარავს ხოლმე როცა წარმოვიდგენ, რომ ასეთი პრინციპებით ხელმძცვანელობდენ ადამიანები, რომლებსაც ხელში ძალაუფლება ქონდა და სხვების სიცოცხლის ბედის გადაწყვეტა შეეძლო... "მაინც დამნაშავეა, ლატენტური დამნაშავეა..." სხვადასხვა ეპოქაში და სხვადასხვა მაშტაბის უბედურება მოქონდა ასეთ ფილოსოფიას. თქვენ იმდენს იზამთ, ბევრს მართლა შეაყვარებთ სააკაშვილს.
არ ვიცი აზრი აქვს თუ არა თქვენთან კამათს. თქვენ მაინც ყველაფერი სხვებზე უკეთ იცით და სხვების ნაცვლად შეგიძლიათ მიხვდეთ, ვინ რას ფიქრობს.
თქვენი ზოგი სხვა მკითხველების კომენტარები ამ ბლოგში დასმული პრობლემის საუკეთესო ილუსტრაციაა. პრობლემა მარტო სააკაშვილი და სტურუა არ არიან.

ავტორი: karaoke საიდან გვწერთ: Geirgia
28.08.2011 10:49
ავტორი: გურანდუხტი
27.08.2011 23:15
კარგით რა...
შალვამხო შემოიღო ტერმინი ეგრეთწოდებული ლეტანტური
მიშისტები,
მედავარქმევდი შიშს ამხალხის ამგრძნობას რომელიც მმართველია ამსტრატეგიის, , ვაიდა რო მართლარო ჩამოიშალოს?
ფეისბუქში ხო დარცება ნაწერები ? ახალი პროფაილის შექმნას ვინ დააცდის განსაკუთრებით ყრუ და ბრმებდს დღეს?
ხო და ესაა ზუსტად .... ვაიდა მგელი? ხოუნდა ამ ხალხს სიცოცხლე მომავალ ცხოვრებაშიც , ეგაა რა გაორებული ხალხი საით დადგნენ რო არ იციან.

ავტორი: RICO
28.08.2011 00:30
ავტორი: გურანდუხტი
27.08.2011 23:25
ავტორი: RICO
27.08.2011 23:11
ვაიმე ამას საერთოდ ვერ გაუგია სტატიის პათოსი. რა რეიტინგზე ლაპარაკობთ, საიდან მოტანეთ?


რეიტინგის გარდა ვერაფერი წაიკითხეთ ჩემს კომენტარში???


ეს თქვენ ვერ გაგიგიათ სად ხართ, ვის "ებრძვით" ქართული საზოგადოება დაყრუებულია და დაბრმავებული, უფრო სწოდა ქართველი ამომრჩეველი.

საბჭოთა პერიოდშიო რომ იძახით, დღევანდელი მთავრობის მსგავსებას საბჭოთა იდეოლოგებთან ვერ ამჩნევთ აშკარად..
ან ტყული გიკვირთ სააკაშვილისგან?

ყალბი ფასულობების დამკვიდრებით და ქართულ ნაციონალზმში რა ჭარბობს მაგაში წეწვის მაგივრად ლიბერალ პატრიოტებო განგაში იმაზე ატეხეთ რომ ჯიბეში იდებს ქვეყნის ყველა შემოსვლიან წყაროს თქვენი ფავორიტი ხელისუფლება, ქვეყნის რომელსაც ეგზისტენციალური საფრთხე უდგას წინ...

მაგრამ რაც გინდათ იმას ხედავთ, რაც არ გაწყობთ კონფორმისტობთ..





ავტორი: გურანდუხტი
27.08.2011 23:25
ავტორი: RICO
27.08.2011 23:11
ვაიმე ამას საერთოდ ვერ გაუგია სტატიის პათოსი. რა რეიტინგზე ლაპარაკობთ, საიდან მოტანეთ?
ქართული საზოგადოება სწორედ რომ შოვინისტური და უცხოების მიმართ აგრესიული, და არა რაღაც "კეთილშობილურად" ნაციონალისტური. ნუ ვიდავებთ ტერმინ ნაციონალიზმზე. უბრალოდ აღვწეროთ, რა ტიპის საზოგადოებაში ვცხოვრობთ. თორემ საბჭოთა პერიოდში ათას ტყუილს ეძახდნენ მაშინდელ საზოგადოებას - ერთა თანაარსებობის ლაბორატრიას და რაღაც ასეთებს, მაგრამ ყველაფერი ტყუილი იყო რა თქმა უნდა. ჩემი აზრით ქართულ ნაციონალიზმში სწორედ შოვინისტური ხაზი ჭარბობს და ესაა პრობლემა. თორემ ილია ჭავჭავაძეც ნაციონალისტი იყო სხვათა შორის (საწყალი ალბათ საფლავში ბრუნავს ამდენი ხსენებით და მისი ასე ბოროტად გამოყენებით).

ავტორი: გურანდუხტი
27.08.2011 23:15
ავტორი: karaoke საიდან გვწერთ: Georgia
27.08.2011 19:30
იმედია, მეც მიშისტებს არ მიმაკუთვნებთ, თორემ თავი მექნება ჩამოსახრჩობი...

ავტორი: RICO
27.08.2011 23:11
რობიკოზე გასალაშქრებლად მიშასაც გადასწვდა ავტორი:)) მეტი დამაჯერებლობისა და სტატიის დასაბალანსებლად.

რაც შეეხება თავად პრობლემას, რამდენიმე საკითხს მომენტზე შევჩერდები
1. სააკაშვილმა ჩათვალა მისი ოჯახის შეურაცხყოფად სტურუას განცხადება რის გამოც "დასაჯეს" იგი. არავინ არ დარჩენილა კმაყოფილი ამ განცხადებით მაგრამ არ მესმოდა და არ მესმის "ქარტველ სომხებს" რატომ "უტყდებათ" იმის აღიარება რომ სომხები არიან გულწრფელად არ მესმის..

2. ნაციონალიზმი ნამდვილად არ არის კომუნსტური გადმონაშთი, უფრო მეტიც, იგი იყო პირველი საკითხი რამაც მეცნიერულ დონეზე დაამტკიცა მარქსის მოძღვრების აბსურდულობა და უტპიურობა, ისიც ფაქტია რომ კომუნისტები გენეტიკას და ნაციონალიზმს გამუდმებით ებრძოდნენ, განგებ ურევდნენ მას შოვინიზმში და აკნინებდნენ მის მნიშვნელობას. საკუთარის სიყვარული სხვის სიძულვილს არ ნიშნავს ისევე როგორც პირიქით.

3. და მთავარი, ეროვნული უმცირესობებს ზუსტად ის მნიშვნელობა აქვს ხელისუფლებისთვის რაც მაგალითად ათობით ათას უმისამართო თუ მისამართიან "თბილისლებს" გიგი უგულავასთვის მერის არჩევნებამდე, "ჯადოსნური " მარნეული ხმები ზუსტად ეროვნული უმცირესობების ხარჯზე მოიპოვება, და მა ქვეყნის ყველა პრობლემა იწყება არჩევნების გაყალბებით და გრძელდება მომავალ არჩევნებამდე რომელიც უფრო დახვეწილად და მეტი ოსტატობით ყალბდება.


და საერთოდ მიმაჩნია უზნეობად ეთნიკური უმცირესობების დასაცავად ამხელა პროპაგანდისტული აურზაური, როცა ქვეყანა სიცრუის და სიბნელის ჭაობში ცხოვრობს, ამ დროს მისი საგარეო ვალები გეომერტული პროგრესიით იზრდება, პოლიტიკურად კი როდის გაყიდიან მას როგორც თხას რაიმე მსუყე ლუკმად სტრეტეგიული პარტნიორები რთული სათქმელია მაგრამ არა წარმოუდგენელი.ამ დროს პრეზიდენტის ოჯახი მულტიმილიარდერი ხდება

მაგრამ ავტორი და ქართველ ლიბერალთა არმია ქვეყნის იმიჯზე ზრუნავს, ჰომოფობებს, რეაქციულ მღვდელმთავრებს და ისედაც ჩარეცხილ ინტელიიგენციას ებრძვის, მთავარია რა რეიტინგი ექნება ქვეყანას ამ მხრივ ევროპაში რომელსაც სულ წიხლზე კიდია ეს ქვეყანა და მის გამო თითსაც არ გაანძრევს "დათვის" წინააღმდეგ.

ვიიშ რობიკო, ჩაგრეცხა თუ არა რურუამ, გაგადეს თუ არა? ! სამაგიეროდ "სტოპა" -ს ბენეფისი გვაქ, და ქეტო ნავში კი აღარ "ზასაობს" Jatranger-ით დაფრინავს, თან მოდელირებულით

ვიიშ ამ ახალ საქართველოს!!

ავტორი: ანონიმი
27.08.2011 22:29
მიშამანების და მიშაფობების კამათში პარაშუტით არ ჩამოაგდონ ელენა კომინტერნოვნა ალიხანიან-ბონერი ავლაბრის პრეზიდენტად გაფრთხილდით.

ავტორი: ანონიმი
27.08.2011 22:22
პრეზიდენტი გე

ავტორი: arc zangebi mdzuls arc somxebi საიდან გვწერთ: saqartvelodan
27.08.2011 22:18
სულ არ მაინტერესებს ზანგი ჩემზე დაბალი კულტურისაა თუ არა მე მასში მაინტესებს ღირსება და ადამიანი .მე მხოლოდ მაინტერესებს ჩემი ღირსება და სხვების ღირსება რომელიც ხელშეუხებელი უნდა იყოს აი იწყება ყველაფერი და აკედანვე მთავრდება.არ დავეთანხმები ავტორს რო მათ ეს მოსწონთ (ქსენოფობიური განცხადებები) კოლექტიური ცნობიერება აიძულებთ მხარი დაუჭირონ ასეთ რამეს თორემ მათს შინაგანში რა ხდება ესაა საინტერესო მემგონი არც არაფერი მოწონება ხომ სულიდან მომდინარეობს,მეორე მხრივ არც სძულთ და არც პროტესტს გამოხატავენ,აკ პასეულობატა გაუცნობიერებლობასტან უნდა გვქონეს საქმე...

ავტორი: karaoke საიდან გვწერთ: Georgia
27.08.2011 19:30
ავტორი: potgeo საიდან გვწერთ: Mars
27.08.2011 17:44

მდაა, რაზე ვკამათობთ, ვის კარებს ვამტვრევთ, ვის რას ვუმტკიცებთ... ქსენოფობიაო, ტოლერანტობაო, ადამიანთა თანასწორობაო... მოიცა, რა... მართლაც და მრუდე სარკეების სამყაროში ვცხოვრობთ, პრეზიდენტი "გენოფობი" გვყავს, კაცი, რომელსაც ქართული გენი და ფესვი ისე ეჯავრება, რომ ძალაუფლების ხელში მოგდების შემდეგ ყველაფერს აკეთებს, რომ'ეს გენი მოსპოს,გინდა სომეხი დაარქვი და გინდა ჩუქჩა, მტერია ეს კაცი ქართული ფესვის და მორჩა. გადახედეთ ამ რვა წლის მანძილზე რა დავკარგეთ და რა შევიძინეთ... მარტივი ამოცანაა X-ს გარეშე.

კაი მე წავედი, არ ღირს მიშისტებთან კამათი, ამათ აზროვნება სხვანაირად აქვთ მოწყობილი ნეირონები უქმად აქვთ და სხვა ქსოვილში აქვთ განლაგებული აზროვნებაზე პასუხისმგებელი უჯრედები , იქვე იღგზნება ეს უჯრედები და ძალიან გავს ასეთ ორგანოების უჯრედებს. სიყვარულს რას გაუგებ....

ავტორი: karaoke საიდან გვწერთ: Georgia
27.08.2011 19:26
ავტორი: კოტე
27.08.2011 15:13
საღოლ .ამ შენ წერილს წავაკითხებ დირექტორს და პირველ ორ მანდატურს,მანამდე რავაგავბედამიქ შესვლას ....
ჩემზე კარგად ენა თუ იცის ბევრმაუცხოელმა და მით უფროსკოლაშიმასწავლებლებმა , მათემატიკაც თუ იცის ხო მთლად უშანსოდ ვარ ...
მოკლედ გადამაწყვეტიე გადავიფიქრე...
ყველამმერე დაიკვეხოს კაი აღზრდილი შვილი .
სკოლაშიმანდატურს რო შეეკითხება ჭკუას და ბლოგზე გადაწყდება რანაირად მოაზროვნე ხალხი აიყვანონ სკოლაში....

ავტორი: potgeo საიდან გვწერთ: Mars
27.08.2011 17:44
მდაა, რაზე ვკამათობთ, ვის კარებს ვამტვრევთ, ვის რას ვუმტკიცებთ...ქსენოფობიაო, ტოლერანტობაო, ადამიანთა თანასწორობაო...მოიცა, რა...მართლაც და მრუდე სარკეების სამყაროში ვცხოვრობთ, პრეზიდენტი "გენოფობი" გვყავს, კაცი, რომელსაც ქართული გენი და ფესვი ისე ეჯავრება, რომ ძალაუფლების ხელში მოგდების შემდეგ ყველაფერს აკეთებს, რომ'ეს გენი მოსპოს,გინდა სომეხი დაარქვი და გინდა ჩუქჩა, მტერია ეს კაცი ქართული ფესვის და
მორჩა. გადახედეთ ამ რვა წლის მანძილზე რა დავკარგეთ და რა შევიძინეთ...მარტივი ამოცანაა
X-ს გარეშე.
კომენტარები: გვერდი გვერდების რაოდენობა 2

თქვენი პუბლიკაციები

ძვირფასო მეგობრებო,

რადიო თავისუფლების ვებსაიტზე შეიქმნა ახალი რუბრიკა „თავისუფალი სივრცე“, რომელშიც შეგიძლიათ საკუთარი ბლოგებისა და პუბლიცისტური სტატიების გამოქვეყნება.

ტექსტი არ უნდა აღემატებოდეს 700 სიტყვას.

რედაქცია იტოვებს უფლებას, თავისი შეხედულებისამებრ შეარჩიოს ტექსტები გამოსაქვეყნებლად. ავტორებს ვთხოვთ, გაითვალისწინონ რადიო თავისუფლების სარედაქციო პოლიტიკა, რომელსაც შეგიძლიათ გაეცნოთ განყოფილებაში „ფორუმის წესები“.

ტექსტები ქვეყნდება უცვლელად, რედაქტირების გარეშე.

მასალები მოგვაწოდეთ მისამართზე: tavisupleba@rferl.org
(subject-ში ჩაწერეთ „თავისუფალი სივრცე“)

ყველაზე პოპულარული