საქართველოში ნატოს საწვრთნელი ცენტრის ამოქმედება და „ნატოს არსებითი პაკეტით“ გათვალისწინებული პროექტები დღის წესრიგის უმთავრეს საკითხებს შორის იქნება ალიანსის მინისტერიალზე. 5 თებერვალს ნატოს წევრი სახელმწიფოების თავდაცვის მინისტრები გაიმეორებენ, რომ ძალაში რჩება ნატოში გაწევრიანების შესახებ საქართველოსათვის მიცემული პირობა და მადლობას გადაუხდიან საქართველოს ხელისუფლებას მზადყოფნისათვის, მრავალრიცხოვანი ქვედანაყოფი გაგზავნოს ავღანეთის „ურყევი მხარდაჭერის“ ახალ მისიაში.