სამშაბათი, 24 მაისი, 2016 თბილისის დრო 15:46

პოლიტიკა / საქართველო

ყოფილი პატიმრები - გამგებლის მოადგილეებად

x

მულტიმედია

აუდიო
გორის მუნიციპალიტეტის გამგეობაში საკადრო ცვლილებებია. ახალმა გამგებელმა პაპუნა კობერიძემ ახალი მოადგილეები დანიშნა. გასული კვირის ბოლოს ყოფილმა გამგებელმა დავით ხმიადაშვილმა გადადგომის შესახებ განცხადება დაწერა, მას მოადგილეებმაც მიბაძეს,  კობერიძე კი საკრებულომ დაამტკიცა. პაპუნა კობერიძე კოალიცია „ქართული ოცნების“ წევრია და მოადგილეებადაც თანაპარტიელები შეარჩია. მათგან ორი ყოფილი პატიმარია.

ზაალ გუდაძე 2009 წლის საპროტესტო აქციების შემდეგ, ზაფხულში, საბრძოლო მასალის შენახვის  ბრალდებით დააკავეს.  გორში, მისი გათავისუფლების მოთხოვნით, საპროტესტო აქციები მიმდინარეობდა და საზოგადოების დიდ ნაწილს წაყენებული ბრალდების არ სჯეროდა. გუდაძე თბილისში მიმდინარე საპროტესტო აქციებში იღებდა მონაწილეობას და მისი დაკავება მაშინვე შეფასდა  როგორც პოლიტიკური რეპრესია. ახალი გამგებლის კიდევ ერთი მოადგილე ზაზა ადუაშვილია, რომელიც არჩევნების წინ ხულიგნობის ბრალდებით დააკავეს. მაშინ ოპოზიციამ ადუაშვილიც პოლიტიკურ პატიმრად გამოაცხადა.

გამგებლის კიდევ ერთ მოადგილედ ნინო წეწვაძე დაინიშნა. მას ეკონომიკური განვითარების, ქონების მართვის, ჯანმრთელობისა და სოციალური დაცვის სამსახურების ზედამხედველობა დაევალა. წეწვაძე ამბობს, რომ პირველ რიგში სამსახურების მუშაობას გაეცნობა.  

ზაზა ადუაშვილი განათლების, კულტურის, სპორტის და ახალგაზრდობის საქმეების სამსახურებს გაუწევს კურირებას.
 
მეორე მოადგილე, ზაალ გუდაძე, მუნიციპალიტეტის ინფრასტრუქტურის განვითარების, სოფლის მეურნეობის და ზედამხედველობის სამსახურს გაუწევს კურირებას. გუდაძემ გორის რაიონის სოფლები უკვე მოიარა და პრობლემებს ადგილზე გაეცნო. სავარაუდოდ, ამ დღეებში სოფლის რწმუნებულების გადადგომაც დაიწყება. 

ზაალ გუდაძის საკურატორო სფეროში შედის ინფრასტრუქტურის სამსახური, რომლის უფროსი, ნუკრი აბალაკი, წუხელ სამართალდამცავებმა დააკავეს. აბალაკი წინა ხელისუფლების კადრია. მას 2007-2008 წლებში, პრივატიზაციის სამსახურის ხელმძღვანელად მუშაობის პერიოდში, სასოფლო-სამეურნეო მიწის ნაკვეთების  უკანონოდ გაყიდვაში ედავებიან.

ახალი გამგებელი  არაფერს ამბობს იმის თაობაზე, გატარდება თუ არა საკადრო ცვლილებები მის დაქვემდებარებულ სამსახურებში, მაგრამ ჩვენთვის ცნობილია, რომ თანამდებობის დატოვებას ადმინისტრაციისა და ყველა სამსახურის უფროსი აპირებს. გარდა ამისა, გავრცელებული ინფორმაციით, გამოძიება ყოფილი გამგებლის საქმიანობითაც დაინტერესდება.
ეს ფორუმი დაიხურა
კომენტარები
     
ამ ფორუმში კომენტარი არ არის. დაწერეთ პირველი კომენტარი

სხვა მასალები

ვიდეო სტარტაპები ტექნოპარკიდან

24 მაისს "თავისუფლების დილის" სტუმარი იყო ინოვაციებისა და ტექნოლოგიების სააგენტოს სტრატეგიული დეპარტამენტის უფროსი გიორგი კინწურაშვილი.
გაგრძელება

ვიდეო გიორგი ონიანი სახელმწიფო და არასახელმწიფო ინსტიტუტებისადმი მოსახლეობის დამოკიდებულებაზე

24 მაისს რადიო თავისუფლების "დილის საუბრების" სტუმარი იყო გიორგი ონიანი, "საერთაშორისო გამჭვირვალობა - საქართველოს" აღმასრულებელი დირექტორის მოადგილე.
გაგრძელება

აუდიო 489: სადაც ჯაბა შავიშვილმა და ნიკომ ილაპარაკეს ყველაფერზე: ექსპერიმენტულ მუსიკაზე, ტროლებზე, პოლიტიკაზე, დიჯეებზე და პოდკასტებზე.

ჯაბამ თქვა, დღევანდელმა ქართველმა დიჯეებმა მუსიკა არ იციანო. ნიკო ეკამათა. ჯაბამ - SOU ფესტივალი კარგიაო. ნიკო დაეთანხმა. დანარჩენი დრო პოდკასტ "დაირაზე" ილაპარაკეს. კიდევ უფრო დანარჩენი დრო კი პოლიტიკას, ონლაინ და არაონლაინ აქტივიზმს და ტროლინგის განხილვას დაეთმო.
გაგრძელება

ავსტრიის საპრეზიდენტო არჩევნებში გაიმარჯვა ალექსანდერ ვან დერ ბელენმა

არჩევნების შედეგი გადაწყვიტეს ფოსტის საშუალებით კენჭისყრაში მონაწილე ამომრჩევლებმა. ოთხ-ნახევარ მილიონზე მეტი ბიულეტენიდან ვან დერ ბალენმა 31 ათასით მეტი ხმა მოიპოვა.
გაგრძელება

თქვენი პუბლიკაციები

ძვირფასო მეგობრებო,

რადიო თავისუფლების რუბრიკაში „თავისუფალი სივრცე“ შეგიძლიათ საკუთარი ბლოგებისა და პუბლიცისტური სტატიების გამოქვეყნება.

ტექსტი არ უნდა აღემატებოდეს 700 სიტყვას.

რედაქცია იტოვებს უფლებას, საკუთარი შეხედულებისამებრ შეარჩიოს ტექსტები გამოსაქვეყნებლად. ავტორებს ვთხოვთ, გაითვალისწინონ რადიო თავისუფლების სარედაქციო პოლიტიკა, რომელსაც შეგიძლიათ გაეცნოთ განყოფილებაში „ფორუმის წესები“.

ტექსტები ქვეყნდება უცვლელად, რედაქტირების გარეშე.

მასალები მოგვაწოდეთ მისამართზე: tavisupleba@rferl.org
(subject-ში ჩაწერეთ „თავისუფალი სივრცე“)