პარასკევი, 31 ოქტომბერი, 2014 თბილისის დრო 10:54

მულტიმედია / TV

„ბარაბას გზად“ შერაცხული სოციალ-დემოკრატია

“ბარაბას გზად” შერაცხული სოციალ-დემოკრატიაi
X
22.02.2013
რატომ უწოდა ზვიად გამსახურდიამ სოციალ-დემოკრატიულ მოძრაობას “ბარაბას გზა”? როგორ ავხსნათ 1918-21 წლის საქართველოს მიღწევები და ნოე ჟორდანიას ხელისუფლების მწვავე კრიტიკა, რომელსაც განუწყვეტლივ მიმართავდნენ ისტორიკოსები, პოლიტიკოსები? რატომ დაბრალდათ ილია ჭავჭავაძის მკვლელობა სოციალ-დემოკრატებს?
რატომ უწოდა ზვიად გამსახურდიამ სოციალ-დემოკრატიულ მოძრაობას „ბარაბას გზა“? როგორ ავხსნათ 1918-21 წლების საქართველოს მიღწევები და ნოე ჟორდანიას ხელისუფლების მწვავე კრიტიკა, რომელსაც განუწყვეტლივ მიმართავდნენ ისტორიკოსები, პოლიტიკოსები? რატომ დაბრალდათ ილია ჭავჭავაძის მკვლელობა სოციალ-დემოკრატებს?  „წითელი ზონის“ მორიგ გამოშვებაში ამ კითხვებს უპასუხებს ილიას უნივერსიტეტის მაგისტრანტი სანდრო ქავთარაძე, ხოლო სოციალ-დემოკრატიული პარტიის დღევანდელ სახეს წარმოგვიდგენს პარტიის წევრი ბექა ნაცვლიშვილი. გადაცემას გიორგი გვახარია უძღვება.


ყურადღება!
რადიო თავისუფლების ქართული რედაქციის ვებსაიტზე ფორუმებით სარგებლობისთვის აუცილებელია რეგისტრაციის გავლა.

რეგისტრაციის გასავლელად დააჭირეთ ვებსაიტის ზედა მარჯვენა კუთხეში მოთავსებულ ბმულს „რეგისტრაცია“. (რეგისტრაციის გავლის შემდეგ ელექტრონული ფოსტით მიიღებთ ავტომატურ შეტყობინებას. ყურადღება მიაქციეთ, შეტყობინება თქვენი ელექტრონული ფოსტის spam-ში ხომ არ აღმოჩნდა.) კომენტარის დასაწერად არ დაგავიწყდეთ საიტზე შესვლა.
ეს ფორუმი დაიხურა
კომენტარების რიგი
კომენტარები
     
ავტორი: ანონიმი
27.02.2013 02:37
დიდა ვოი ნანა, მოვიდა და მტრად მოიკიდა ერებიო.რომელ ტყეში ისვენებდა ეს მანდილოსანი 1990 წელს ხომ ვერ ბრძანებთ? მოვიდა ქვეყანაში ანუ საქართველოში რომელიც1988 წლიდან იყო გამოცხადებული ყარაბას ბარაბასი სტალინის მიერ შექმნილ და ამიტომ მოსასპობ ოხრობად და სცადა ამ ქვეყნის დაცვა. მაგრამ შეგნებული ქართველი სოკრატეების, ხელოვნებათმცოდნეების დოქტორების და ქაიხოსრო ჩოლოყაშვილის ბანდიტად გამომცხადებელი ისტორიის დოქტორების თუ მერე გააკადემიკოსებულების პლუს დაცემისას ფეხებდამტვრეულ ანგელოსთა და მაფიოზთა დასების უფრო სხვების ვიდრე თავისი თავებდადებული შრომის გამოისობით ეს ვერ მოხერხდა!

ავტორი: მოყვასი
26.02.2013 19:26
უღრმესად პატივცემულო და კიდევ უფრო უღრმესად პატივსაცემო ბატონო გიორგი მოგესალმებით და გაგიმარჯოთ!!! ვიდრე რამეს იტყოდეთ ჯობია დააზუსტოთ ხოლმე. სკკპ( საბჭოთა კავშირის კომუნისტურმა პარტიამ) ბოლოს ქნა ძალიან საინტერესო რამეები. მისი გენერალური მდივნის დავალებით პროგრამად იქცა ბერიას ხელქვეითი აკადემიკოსი სახაროვის სახელით გავრცელებული კონსტიტუციის პროექტი. ამას გარდა მისი დავალებით შეიქმნა საბჭოთა კავშირში პირველი ანტიკომუნისტური ლიბერალურ-დემოკრატიული პარტია რომლის ბელადადაც პირადად გორბაჩოვმა დანიშნა ჟირინოვსკი. პარალელურად მისივე ბრძანებით ქმნიდნენ სოციალ-დემოკრატიულ პარტიას. გახსოვთ სკკპ ცკს საქმეთა მმართველი კრუჩინა,მისი წინამორბედი და თანამშრომლები საკუთარი ბინებიდან რომ გადაყარეს და საკუთარ სადარბაზოებში რომ ჩახოცეს რა მოხდა? დიახ,გაჩნდა აბრამოვიჩების ლეგიონები!!! ხოდა ეს აბჭოთა სოციალ-დემოკრატიული პარტია უნდა ყოფილიყო ყველაფერი ამის და ამაზე უარესების ჩამდენების ბუნაგი!!! ეს პარტია თბილისში იქმნებოდა ტკს ანუ ასე ვთქვათ საქართველოს კომპარტიის თბილისის კომიტეტის კაბინეტებში. თქვენ მაშინ ალბათ ჩემნაირად ლუდის სმით იყავით გართული და ეს დეტალები გამოგრჩათ. ხოდა ბატონ ზვიადს არ ულანძღავს სოციალ-დემოკრატია,მან დაგმო, ხომ იცით ბუკოვსკი რისთვის მოითხოვს გორბაჩოვის გასამართლებას?, ხოდა ბატონმა ზვიადმა დაგმო სწორედ ამეების ჩამდენი გორბაჩოვის ხრიკები!!!
ბუკოვსკი კი გორბაჩოვს ბრალად სდებს თბილისში,ბაქოში,ვილნიუსში,რიგაში სასაკლაოების მოწყობას. ხოდა ამ სასაკლაოების მომწყობის ინტრიგებს აყოლა და მათი გამართლება არ ეკადრება ასეთი მშვენიერი რადიოს თანამშრომელ ვარსკვლავს.ჯობია სიმართლის თქმა. ამას კონფუციუსიც ამბობდა. ტყუილის და ბუნდოვანი ინფორმაციების გამავრცელებელს სტრესი ემართება და გული უსკდებაო. ცოდო ბრძანდებით,ცოდო. ხოდა ასე იცოცხლეთ და გაგიმარჯოთ შეძლებისდაგვარად. ბატონებ ბუკოვსკის და კონფუციუსს კი დიდი მადლობა.

ავტორი: მერი
26.02.2013 00:18
პუტჩოფილიაზე გაგვიკეთეთ ბარემ ერთი გადაცემა, თუ შეიძლება, ბატონო გოგი. ქ-ნ ჯანა ჯავახიშვილს მოვუსმენ მაგალითად მე რომ მე ვარ დიდი სიამოვნებით.

ავტორი: lia bagrationi საიდან გვწერთ: tbilisi
23.02.2013 22:08
ლანჩხუთელი მარქსისტების მიერ 1905 წლის 24 აპრილს "მოგზაურის" მე-15 ნომერში დაიბეჭდა ილიასადმი მიძღვნილი ლექსი-პაროდია "ჩვენს მგოსანს":
"გესმის, გესმის "საზარელი" ხალხთ ბორკილის ხმა მტვრევისა,
სიმართლის ხმა მართლა გრგვინავს დასათრგუნად მონობისა.
დღეს "გაღონებს" თურმე ეს ხმა, გიორკეცებს დარდებს გულში
და ღმერთსა სთხოვ, ეგ "მწარე" ხმა არ გაისმას "თქვენს" მამულში.
საშუალებაც მოგინახავს, რომ აღმოფხვრა ეგ ხმა "მწარე",
საგურამოელი გლეხი გასტანჯე და გაამწარე."-
ამგვარი პრიმიტიული ცილისწამებით მარქსის იდეალების მიმდევრები გამოლენჩებულ ქართულ საზოგადოებას ილიას მკვლელობას აჩვევდნენ...

ავტორი: Kudiani საიდან გვწერთ: NY
23.02.2013 19:23
გმადლობთ,რომ კიდევ ერთ ტაბუდადებულ და "მიფუჩეჩებულ" თემაზე წამოიწყეთ საუბარი. დავეთანხმები იმ კომენტარის ავტორს,რომელმაც გთხოვათ ირაკლი კაკაბაძისა და გიორგი მაისურაძის მოწვევა ამ თემის გასაცრცობად. სოციალ-დემოკრატები ის თემაა,რაზეც უფრო მეტი უნდა ვიცოდეთ. მე პირადად ყოველთვის ეჭვი მეპარებოდა ,რომ ილიას მკვლელობა მათი ხელით მოხდა. ასევე დიდი მადლობა ილიას რელიგიურობა-არარელიგიურობის ხსენებისათვის,თუმცა ქართული ეკლესიის გადაწყვეტილებას , წმინდანად შერაცხოს ვისაც ამის ღირსად თვლის, ვეთანხმები და ვთვლი ,რომ მთლიანად ეკლესიის უფლებაა,მაგრამ ეს შტრიხი იყო ძალიან საინტერესო და აუცილებელი.

ავტორი: ალექსანდრე საიდან გვწერთ: sandro_architect@yahoo.com
23.02.2013 18:42
ბულგაკოვის რომანში საინტერესო მომენტია -მღვდელმთავარი კაიფა ბრალს სდებს პილატეს,რომ მას უნდა ხალხის ჟლეტვა გამიწვიოს, რადგანაც დარწმუნებულია,რომ თუ ბარაბას სასიკვდილო განაჩენს გამოუტანენ მოსახლეობა აჯანყდება.

ავტორი: ალწქსანდრე საიდან გვწერთ: თბილისი
23.02.2013 18:31
სოციალ-დემოკრატია - ბარაბას გზა!
ვინ იყო ბარაბა?! ბანალური მკვლელი? არამგონია ის "რიგით" უდეველის თვალში ან "არსენა", "უილიემ ულესი" იყო და იყო პოპულარული გაცილებით უფრო მეტად ვიდრე იესო მისი ახალი ძველი აღთქმის კონტრდოქტრინით (სიყვარული, ტოლერანტობა, მიწიერი ძალაუფლების ამაოება და რაც მთავარია ბოროტების არაძალადობითი დაძლევის (მოთმენის) იდეოლოგიით.
ზვიადი და მამარდაშვილი ვინ იყო ბარაბა? :)

ავტორი: ანონიმი
23.02.2013 15:18
გოგი,კარგი იქნებოდა, ამგვარ თემებზე სადისკუსიოდ ირაკლი კაკაბაძე და გიორგი მაისურაძე მოგეწვია .ერთად,რათქმაუნდა.

ავტორი: გოგი გვახარია
23.02.2013 13:14
რა შუაშია მხედრიონი, როცა საუკუნის დასაწყისზეა ლაპარაკი

ავტორი: გოგი გვახარია
23.02.2013 13:13
უსაშინელესი ტრაგედია დაატყდა ისრაელს ამის შემდეგ, რომელიც გრძელდებოდა ოცი საუკუნის მანძილზე, მათ დაკარგეს სახელმწიფოებრივობა, დაკარგეს ენა, დაკარგეს ტერიტორია, გაიფანტნენ მთელს მსოფლიოში, არნახული ტანჯვით ვიდოდნენ და მხოლოდ ორი ათასი წლის შემდეგ შეუნდო უფალმა ის, რომ მათ აირჩიეს ავაზაკი, ავაზაკის გზა და უარყვეს ქრისტე. და, აი, ქართველი ერი, ღვთის ერი, ასევე ღვთის რჩეული, ვით ისრაელი, ვიდოდა ქრისტეს ეკლიანი გზით. მოვიდა მეოცე საუკენემდე და მის წინაშე წარდგა არჩევანი. აი ეროვნული მოძრაობა დიდი ილიასი, დიდი ჰუმანისტებისა, დიდი დემოკრატებისა და, აჰა მოძრაობა ყაჩაღებისა, ავაზაკებისა და უღმერთო ერისა, ბარაბასი. და როდესაც ისტორიამ სამსჯავროზე ჩვენს წინაშე გამოიყვანა დიდი ილია და გამოიყვანა ავაზაკი, ჩვენ ავირჩიეთ ავაზაკი, ჩვენ უარვყავით დიდი ილია და ჩვენ ტყვია ვესროლეთ მას.

და, აი, დადგა ჟამი ჩვენი განთავისუფლებისა, ჩვენ მივიღეთ თავისუფლება, მაგრამ ბარაბას გზით. ბარაბას გზა ავირჩიეთ და ეს თავისუფლებაც უფალმა ისე წაგვართვა, ვით მოგვივლინა, და დაგვატეხა თავს არნახული სასჯელი, რომელიც სამოცდაათი წელი გვანადგურებს.

აი, ამის გამო მივიღეთ, ძმანო, ეს სასჯელი, რამეთუ უარვყავით ქრისტე, ქრისტეს მოვლენილი კაცი, მესიად მოვლენილი კაცი და ავირჩიეთ ბარაბა ავაზაკის, სოციალ-დემოკრატიის და მსგავსთა მისთა გზა.

ავტორი: სპარტანელი საიდან გვწერთ: თბილისი
23.02.2013 07:46
სოციალ-დემოკრატებისთვის არ უწოდებია ბარაბას გზა გამსახურდიას, მხედრიონელებს უწოდა. 1989 წლის 26 მაისს ლოკომოტივის სტადიონზე გამართულ მიტინგზე თქვა რომ იარაღის გზით წასვლა ცუდად დამთავრდებოდა. სოციალიზმთან მიმართებაში ურთიერთ გამომრიცხავი შეხედულებები გამოუთქვავს. რაც შეეხება მის მიერ ქვეყნის არევას გადაჭარბებულია. მეთელი საბჭოთა კავშირი იყო კრიზისში და არეულობაში, არა მხოლოდ საქართველო და მისი რეგიონები. გარდა ამისა მის ხელისუფლება ხანმოკლე იყო და ძირითადად არ გაცილებია რუსთაველის პროსპექტს.

ავტორი: Gigarion Caga საიდან გვწერთ: Venezia
23.02.2013 03:55
ერთ-ერთი ყველაზე კარგი გადაცემა ქართულ ტელე სივრცეში.


ბატონო გოგი კარგი იქნებოდა ემიგრანტებზეც გაგეკეთებინათ გადაცემა. ზოგადად დიდი პრობლემაა დღევანდელობაში ეს ამბავი.

ავტორი: nana საიდან გვწერთ: tbilisi
23.02.2013 03:52
რა ,,ბარაბას გზა,,... თვითონ რა გზას ადგა! არია-დარია ქვეყანა, მტრად მოიკიდა საქართველოში მცხოვრები ერები და ჩვენც მოგვკიდა, თავის ნეოფაშიზმ ნარევი ,,პატრიოტიზმით,, ტერიტორიების დაკარგვამაც არ დააყოვნა, ძირძველი თბილისელები თბილისიდან გარბოდნენ, სარწმუნოება ბრძოლის იარაღად გამოაცხადა (როგორც ადრე ავღნიშნე), მერაბ მამარდაშვილი მტრად, მეტიც ერის მოღალატედ გამოაცხადა, ბოლო აკორდი იყო გადაბუგული რუსთაველის გამზირი-შედეგი მისი ,,გამჭრიახი,, პოლიტიკისა და კარავში ჩამომჯდარი ქალების, რომლებიც ვერ გაერკვივნენ, მესია იყო გამსახურდია, თუ ლტოლვა ჰქონდათ... ,,ბარაბას გზა,, ნეტა, თუ უარესია. პ.ს. სანამ ხალხი არ დათმობს მესიის ძებნის ვნებას, სულ ამ დღეში ვიქნებით და ასეც არის! მერამდენედ მეორდება იდენტური სურათები, ტაძარში მდგომი, დიდი კელაპტრებით ,,მესიები,, მეუღლეებითურთ. და, მერამდენედ უნდა მოვისმინო წინამორბედების ლანძღვა, და ,,ახალი ცხოვრების,, დაწყება მართლაც, რომ სამაგალითო დიდი ქართველის ექვთიმე თაყაიშვილის ქება დიდებით, რომელიც მართლაც, რომ შორს, ძალიან შორს იყო ,,ბარაბას გზისგან,,.

სხვა მასალები

აუდიო ნავთობზე ფასების კლება

​ივნისიდან მოყოლებული, საფონდო ბირჟებზე ნავთობის ფასი 20 პროცენტით დაეცა, რამაც დიდი საფრთხე შეუქმნა ისეთ ექსპორტიორ ქვეყნებს, როგორიცაა რუსეთი და ირანი.
გაგრძელება

ადვოკატით სარგებლობის უფლება

აზერბაიჯანელი უფლებადამცველი, ამჟამად პატიმრობაში მყოფი ლეილა იუნუსი აცხადებს, რომ მოუხსნეს თავისი ადვოკატით სარგებლობის უფლება.
გაგრძელება

აუდიო მეცნიერება და ღმერთზე მსჯელობა

2012 წელს შვეიცარიაში, ცერნის დიდ ჰადრონულ ამაჩქარებელზე, ჰიგსის ბოზონის მსგავსი ნაწილაკის აღმოჩენა ვერ მოხდებოდა და, შესაბამისად, ვერც ნობელის პრემია გადაეცემოდათ პიტერ ჰიგსს და ფრანსუა აგლერს, რომ არა დიდი საუნივერსიტეტო გამოთვლითი ცენტრები, რომელთაგან ერთ-ერთის ჯგუფის წევრი არის ერეკლე მაღრაძე.
გაგრძელება

აუდიო პატიმრები ციხის შემდეგ

რა გარემო ხვდება ყოფილ პატიმარს, როდესაც ის სასჯელაღსრულების დაწესებულებას ტოვებს? არსებობს რამდენიმე ორგანიზაცია, რომელიც ყოფილი პატიმრების რეაბილიტაციით არის დაკავებული.
გაგრძელება

თქვენი პუბლიკაციები

ძვირფასო მეგობრებო,

რადიო თავისუფლების რუბრიკაში „თავისუფალი სივრცე“ შეგიძლიათ საკუთარი ბლოგებისა და პუბლიცისტური სტატიების გამოქვეყნება.

ტექსტი არ უნდა აღემატებოდეს 700 სიტყვას.

რედაქცია იტოვებს უფლებას, საკუთარი შეხედულებისამებრ შეარჩიოს ტექსტები გამოსაქვეყნებლად. ავტორებს ვთხოვთ, გაითვალისწინონ რადიო თავისუფლების სარედაქციო პოლიტიკა, რომელსაც შეგიძლიათ გაეცნოთ განყოფილებაში „ფორუმის წესები“.

ტექსტები ქვეყნდება უცვლელად, რედაქტირების გარეშე.

მასალები მოგვაწოდეთ მისამართზე: tavisupleba@rferl.org
(subject-ში ჩაწერეთ „თავისუფალი სივრცე“)

ყველაზე პოპულარული