Accessibility links

რადიო თავისუფლება რადიო თავისუფლება

„ქართული ოცნება“ მეჭიაურის გარეშე?


თამაზ მეჭიაური
თამაზ მეჭიაური

საპარლამენტო უმრავლესობის წევრმა თამაზ მეჭიაურმა შესაძლოა „ქართული ოცნება“ დატოვოს.ის საბოლოო გადაწყვეტილებას მოქმედ და ყოფილ პრემიერ-მინისტრებთან გიორგი კვირიკაშვილსა და ბიძინა ივანიშვილთან კონსულტაციების შემდეგ მიიღებს.

თამაზ მეჭიაურის თქმით, ის ივანიშვილს „ქართული ოცნების“ ყრილობის შემდეგ შეხვდება. ყრილობა 14 მაისსარის დაგეგმილი.

„პრემიერის განცხადების შემდეგ, ალბათ, არც უნდა ვიყო სიაში, გამომდინარე იქიდან, რომ ბატონმა პრემიერმა უკვე ცალსახად დააფიქსირა ფაქტიური თანხვედრა იმ საგარეო კურსისა, რომელიც რესპუბლიკელებს გააჩნიათ. ჩემი პოზიციიდან გამომდინარე, ეს ჩემთვის აბსოლუტურად შეუთავსებელია“.

განხეთქილება გამოიწვია მეჭიაურის განცხადებებმა ნატოსთან დაკავშირებით:

„თუ ამ ქვეყნის ინტერესებისთვის დამაზიანებელი იქნება რომელიმე პოლიტიკური თუ სამხედრო ბლოკი, მასთან ძალიან მჭიდრო ურთიერთობა და ეს საფრთხეს შეუქმნის ჩემი ქვეყნის მთლიანობასა და დაცულობას, მე უარს ვიტყვი ნებისმიერზე, ვინც არ უნდა და რაც არ უნდა იყოს ის“.

თუ მე ვიქნები არჩეული „ქართული ოცნების“ ახალ ლიდერად, გუნდში არ იქნებიან ადამიანები, რომლებსაც ექნებათ ეჭვები საქართველოს საგარეო პოლიტიკის ვექტორთან მიმართებაში...
გიორგი კვირიკაშვილი

პრემიერ-მინისტრ გიორგი კვირიკაშვილის განცხადებით, თუ „ქართული ოცნების“ ლიდერად მას აირჩევენ, გუნდში მსგავსი შეხედულებების მქონე პირებს ადგილი აღარ ექნებათ.

„თუ მე ვიქნები არჩეული „ქართული ოცნების“ ახალ ლიდერად, გუნდში არ იქნებიან ადამიანები, რომლებსაც ექნებათ ეჭვები საქართველოს საგარეო პოლიტიკის ვექტორთან მიმართებაში. მე მგონია, გავეცი პასუხი“.

პოლიტოლოგი კორნელი კაკაჩია ამბობს, რომ ახლა წინასაარჩევნო გადაჯგუფებაა და შიდაპარტიული რყევებიც ამით არის განპირობებული. რაც შეეხება გიორგი კვირიკაშვილის განცხადებას, რომ „ოცნება“ არჩევნებში უკონკურენტო იქნება, კორნელი კაკაჩიას თქმით, ამ მხრივ ვითარება არცთუ მთლად საიმედოა:

„ასეთი დარწმუნებული არ ვიქნებოდი, კონკურენცია საკმაოდ დიდია. არის ტრადიციული პარტიები, მათ შორის - „ქართული ოცნება“ და „ნაციონალური მოძრაობა“. საზოგადოებრივი გამოკითხვებიც გვიჩვენებს, რომ მათ არა აქვთ მნიშვნელოვანი უპირატესობა, როგორც წინა წლებში. აქედან გამომდინარე, ასე დარწმუნებით ლაპარაკი არ შეიძლება. მათ, რა თქმა უნდა, სხვაზე უკეთესი შანსი შეიძლება ჰქონდეთ, მაგრამ არჩევნებამდე ჯერ კიდევ დიდი დროა და კონკურენციაც იზრდება“.

მისივე თქმით, არჩევნები განსაკუთრებით არაპროგნოზირებადია იმის გათვალისწინებით, რომ დიდია იმ ამომრჩეველთა რაოდენობა, რომლებიც ჯერჯერობით არც ერთი კონკრეტული პარტიისკენ არ იხრებიან.

  • 16x9 Image

    თეა თოფურია

    რადიო თავისუფლებაში მუშაობს 2012 წლიდან. აშუქებს როგორც მიმდინარე მოვლენებს, ასევე საკითხებს ახლო წარსულიდან. არის ათამდე პროზაული და პოეტური კრებულის ავტორი.

დაწერეთ კომენტარი

XS
SM
MD
LG