საქართველოს შეიარაღებული ძალები ერთადერთი ძალოვანი უწყებაა, სადაც სამხედრო მოძღვრის ინსტიტუტი სრულად განხორციელდა. ამჟამად ქართულ არმიაში მთლიანობაში 33 მოძღვარი ირიცხება, ისინი ჯარისკაცებთან ერთად არიან საბრძოლო მომზადებისა თუ საერთაშორისო სამხედრო ამოცანების შესრულების დროს. კაპელანებისაგან განსხვავებით სამხედრო ნაწილებში მყოფი მართლმადიდებელი მოძღვრები არ ატარებენ სამხედრო ფორმას, არ ექვემდებარებიან სამხედრო მეთაურებს, თუმცა ვარჯიშობენ ცეცხლსასროლი იარაღიდან სროლაში, რათა აუცილებლობის შემთხვევაში შეძლონ საკუთარი თავის დაცვა. ჯარისა და ეკლესიის ურთიერთობაზე, ქართულ სამხედრო მოძღვრის ინსტიტუტის რაობაზე საუბრობს საქართველოს შეიარაღებული ძალების მთავარი სამხედრო მოძღვარი დავით ლონდარიძე.
დაწერეთ კომენტარი