ლევან გიგინეიშვილი: "ყველაზე დიდი 'ავარია' ვარდების რევოლუციას სანდრო გირგვლიანის საქმეზე მოუვიდა"

არსებობენ ქვეყნები სადაც უფრო დიდ უსამართლობებს ჩადიან, უბრალო მოქალაქის ჩათვლით თვით პრეზიდენტიც კი გაუგორებიათ, მაგრამ ასეთი უსამართლობა არ გამხდარა მმართველი ძალის დაცემის მიზეზი. ის უფრო ბურუსით და იდუმალების სფეროში დარჩა. მე ვფიქრობ ხელისუფლების ყველაზე დიდი შეცდომა რამაც მისი დაცემა გამოიწვია იყო ხალხის დაყოფა;
-ჩვენ და ისინი!
როგორი უგუნური თავი უნდა გებას რომ საკუთარ ხალხს ასე მოიქცე.

უბედურება ისაა რომ დემოკრატებად წოდებულები გვირგვლიანის მკვლელობაზე დარდობენ და ბაადურ მჭედლიშვილის მკვლელებს ლამის ან არალამის ნობელის პრემიაზე წარადგენენ და არ ესმით რომ ეს ერთი და იგივე უბედურებაა. ესაა ადამიანობის კატასტროფა საქართველოში და "მეტი არაფერი".

ქალბატონი ქეთინოს შიში მორიგი ტირანის შესაძლებლობის შესახებ რეალურია ! ვითვალისწინებ რა ჩვენს უახლეს ისტორიას, ამის ალბათობას ვაღიარებ

სრულიად რეალისტური შეფასებაა. კარგი იქნებოდა ბ–ნ ლევანს თავისი მოსაზრება დაეკონკრეტებინა და გამოეთქვა აზრი თუ რა არის ამ სიტუაციაში სწორი გადაწყვეტილება. მისი გამოსვლიდან თითქოს ჩანს რომ ის საპარლამენტო და არა საპრეზიდენტო მმართველობის მომხრეა? რამდენად არის საქართველო ამისთვის მზად ან თუ ოდესმე იქნება? იქნებ მაინც ტირანის მოლოდინში ვართ უმრავლესობა?

ალბათ გირგვლიანი, როგორც ლევანმა აღნიშნა, იყო პირველი სიგნალი და მერე წამოვიდა სიგნალების წყება... რა თქმა უნდა, არა მარტო ხელისუფლება, არა მარტო ბერი, არამედ - მისი "მრევლიც" პირდაპირ თუ ირიბად თანამონაწილეობს, როდესაც დანაშაულზე არანაირი რეაქცია არ უჩნდება, ინდიფერენტულია და მიაჩნია, რომ "სხვამ" უნდა გადაჭრას პრობლემები... პროტესტის გამოხატვის უამრავი ფორმა არსებობს და ნურავინ იფიქრებს ახლა, რომ მე მაინცდამაინც "ქუჩას" ვგულისხმობ... თუ მავანს არ მოეწონა მოძღვარი, ვისთანაც მივიდა და გაესაუბრა თუ აღსარება უთხრა, ლოგიკურია, რომ იგი მეორედ ამ მოძღვართან არ მივა. ხოლო თუკი არ მოსწონს და მეტიც, შინაგანი წინააღმდეგობა უჩნდება მის მიმართ, მაგრამ სხვადასხვა მიზეზის გამო ფარისევლობს და აგრძელებს "მოძღვართან" სიარულს, იგი ასეთი "მოძღვრის" ღირსია... უამრავი ლიტერატურაა ამ თემაზე, თუ ვინაა დამნაშავე, მაგრამ "დანაშაულს და სასჯელს" გამოვყოფდი...

ძალიან საინტერესო და ჩემი აზრით სწორ აზრს აჟღერებს ბნ. ლევანი როცა ამ ხელისუფლების კრახს სანდრო გირგვლიანის ტრაგიკულ შემთხვევას უკავშირებს

ხელისუფლების თავაშვებულობაც მაშინდელმა ოპოზიციის უმსგავსოებამ და ხალხის პოლიტიკურმა "მარცხმა" განაპირობა

სწორედ სანდრო გირგვლიანის გახმაურებული საქმის შემდეგ დაიწყო ნაც-მოძრაობის და მისი უფლისწულის "დემოკრატიული ზეობა", იხილეს რა რომ ხალხის მოწოდებებმა და პროტესტმა შედეგი ვერ გამოიღო ამას მოაყოლეს უარესი შემდგომ წლებში

რასაც პრინციპში ეხლა იმკიან, ოღონდ ძალიან ცუდად

თანდათანობით დაკარგვა სიფხიზლის და მასთან ერთად ღირსების! სიფხიზლე, მღვიძარედ ყოფნა არის უპირველესი სათხოვარი, რომლითაც ლიტურგიისას, წორვისას მივმართავთ ღმერთს (ძღვენზე სულიწმიდის გარდამოსვლის შემდეგ). ანუ, გონების სიფხიზლესთან ერთად ჩაილევა ცნობიერება, რომელიც ბერძნულად სიტყვა სინდისითაა გადმოცემული. ბერძნულად სიტყვა სინდისი ნიშნავს ცნობიერებასაც და სინდისსაც. პარმენიდესთან კი ცნობიერებისა და ყოფიერების ანუ რეალობის ერთიანობას თუ გავითვალისწინებთ, მაშინ ჩვენი ყოფაც ჩვენი სინდისის მიხედვით აეწყო!