სამშაბათი, 09 თებერვალი, 2016 თბილისის დრო 11:29

რუბრიკები / რეგიონული მაცნე

ყოფილი ქრისტიან-დემოკრატი „ნაციონალურ მოძრაობას“ შეუერთდა

ქუთაისიქუთაისი
x
ქუთაისი
ქუთაისი

მულტიმედია

აუდიო
ქუთაისის საკრებულოში ოთხი ფრაქციიდან ერთი დაიშალა. საკრებულოს სამი დეპუტატისგან  შემდგარი ფრაქცია „ქრისტიან-დემოკრატები“ ერთ-ერთმა წევრმა, გოგიტა გოგელაშვილმა, გასულ კვირაში დატოვა. გოგიტა გოგელაშვილი გასულ კვირაშივე,  პრეზიდენტ მიხეილ სააკაშვილთან   შეხვედრის შემდეგ, მისი ქუთაისში  ვიზიტისას, საკრებულოს ფრაქცია „ერთიან ნაციონალურ მოძრაობაში“ გაწევრიანდა. 

რადიო თავისუფლებასთან საუბარში გოგიტა   გოგელაშვილი „ქრისტიან-დემოკრატიული მოძრაობის“ და ფრაქციის დატოვებისა და „ნაციონალურ მოძრაობაში“ გადასვლის მიზეზებზე საუბრობს და განმარტავს, რომ  დამოუკიდებელ, უპარტიო  დეპუტატად რჩება, თუმცა  პოლიტიკური საქმიანობის განსახორციელებლად  მიზანშეწონილად მიიჩნია  ფრაქცია „ნაციონალურ მოძრაობას“ შეერთებოდა.

ქუთაისის საკრებულოს უკვე დაშლილი ფრაქცია „ქრისტიან-დემოკრატების“  ყოფილი თავმჯდომარე გოგი შავგულიძე გოგიტა გოგელაშვილის "ნაციონალურ მოძრაობაში" გადასვლას არასერიოზულ ნაბიჯს და პოლიტიკურ თამაშს უწოდებს. შავგულიძის თქმით, მისთვის გაუგებარია,  თუ როგორ უნდა გაიზიაროს გოგელაშვილმა იმ პოლიტიკური გუნდის აზრები, რომელსაც ბოლო დრომდე თავადვე აკრიტიკებდა.

გოგი შავგულიძის მსგავსად, ქუთაისის საკრებულოს ოპოზიციური ფრაქცია  „ქუთაისის“ ხელმძღვანელი მამუკა მღვდელაძე გოგიტა გოგელაშვილის „ერთიან ნაციონალურ მოძრაობასთან“ დაპირისპირებასა და კრიტიკულ განცხადებებს იხსენებს. როგორც თავად მღვდელაძე განმარტავს, მის ფრაქციას  ჰქონდა მცდელობა ნეიტრალური წევრი შემოეერთებინა, თუმცა ყოფილი ქრისტიან-დემოკრატისგან კონკრეტული პასუხი არ მიუღია.  ფრაქცია „ქუთაისის“ ხელმძღვანელი  გოგელაშვილის „ნაციონალურ მოძრაობაში“ გაწევრიანების საკუთარ ვერსიებზე საუბრობს.

როგორც მამუკა მღვდელაძე აცხადებს, თუ მის მიერ გავრცელებული ინფორმაცია სიმართლეს არ შეესაბამება, გოგელაშვილს შეუძლია სარჩელი მის წინააღმდეგ სასამართლოში შეიტანოს. თავის მხრივ, მღვდელაძის ბრალდებას არ იზიარებს  გოგიტა გოგელაშვილი.

ამჟამად ქუთაისის საკრებულოში სამი ფრაქციაა: „ერთიანი ნაციონალური მოძრაობა“, „ქუთაისი“ და „მაჟორიტარები“. 2012 წლის 1 ოქტომბრის საპარლამენტო  არჩევნების შემდეგ  ფრაქცია „ნაციონალური მოძრაობა“ ხუთმა დეპუტატმა დატოვა, თუმცა ორი მათგანი ერთ თვეში უკანვე დაბრუნდა. 2010-2014 წლების მოწვევის საკრებულოს 25 დეპუტატიდან ერთ-ერთი მაჟორიტარი დეპუტატი, ბესიკ ბრეგაძე, საკრებულომ ქალაქის მერად აირჩია.  დღემდე „ერთიანი ნაციონალური მოძრაობის“ კვოტით საკრებულოში 16 წევრი რჩება და, შესაბამისად, „ნაციონალური მოძრაობა“ საპარლამენტო დედაქალაქის საკრებულოში უმრავლესობას ინარჩუნებს.


ძვირფასო მეგობრებო, რადიო თავისუფლების ფორუმში მონაწილეობისთვის გთხოვთ, გამოიყენოთ თქვენი Facebook-ის ანგარიში. კომენტარები მოდერაციის შემდეგ ქვეყნდება და საიტზე მათ გამოჩენას გარკვეული დრო სჭირდება. გთხოვთ, გაითვალისწინოთ, რომ ღამის საათებში კომენტარები არ ქვეყნდება.

ეს ფორუმი დაიხურა
კომენტარების რიგი
კომენტარები
     
ავტორი: ტოკეიტო საიდან გვწერთ: ვაიომინგიდან
23.01.2013 11:27
"ვაის გაეყარა -უის შეეყარა"

ავტორი: anonimi საიდან გვწერთ: moskovidan
23.01.2013 02:52
მე მგონი მალე კველა უკან დაუბრუნდება ტავის ადგილზე.

სხვა მასალები

ანაკლიის პორტის მშენებლობას "ანაკლიის განვითარების კონსორციუმი" განახორციელებს

"ანაკლიის განვითარების კონსორციუმი" ანაკლიის ღრმაწყლოვანი პორტის ასაშენებლად 20 მილიონ დოლარზე მეტი თანხის დახარჯვას აპირებს.
გაგრძელება

რუსეთის უშიშროების სამსახურმა „ისლამური სახელმწიფოს“ შვიდი წევრი დააკავა

ეფესბეს თანახმად, დაკავებულები გეგმავდნენ „მსხვილ ტერორისტულ თავდასხმებს თვითნაკეთი ასაფეთქებელი მასალით" მოსკოვში, პეტერბურგში და სვერდლოვსკში.
გაგრძელება

აუდიო ზუგდიდში გაიმართა აქცია ცხოველთა დაცვის მოთხოვნით

„დაიცავი დაუცველი ცხოველი“ - ამ შინაარსის მოწოდებით უკვე მეორედ შეიკრიბნენ მოქალაქეები აქციაზე, რომელიც ქალაქ ზუგდიდის მერიის წინ გაიმართა.
გაგრძელება

ჩრდილოეთ კორეის გემი სამხრეთ კორეის ტერიტორიულ წყლებში შევიდა

სამხრეთ კორეამ გამაფრთხილებელი ცეცხლი გაუხსნა ჩრდილოეთი კორეის საპატრულო გემს, რომელიც მცირე ხნით შევიდა სამხრეთ კორეის ტერიტორიულ წყლებში.
გაგრძელება

თქვენი პუბლიკაციები

ძვირფასო მეგობრებო,

რადიო თავისუფლების რუბრიკაში „თავისუფალი სივრცე“ შეგიძლიათ საკუთარი ბლოგებისა და პუბლიცისტური სტატიების გამოქვეყნება.

ტექსტი არ უნდა აღემატებოდეს 700 სიტყვას.

რედაქცია იტოვებს უფლებას, საკუთარი შეხედულებისამებრ შეარჩიოს ტექსტები გამოსაქვეყნებლად. ავტორებს ვთხოვთ, გაითვალისწინონ რადიო თავისუფლების სარედაქციო პოლიტიკა, რომელსაც შეგიძლიათ გაეცნოთ განყოფილებაში „ფორუმის წესები“.

ტექსტები ქვეყნდება უცვლელად, რედაქტირების გარეშე.

მასალები მოგვაწოდეთ მისამართზე: tavisupleba@rferl.org
(subject-ში ჩაწერეთ „თავისუფალი სივრცე“)

ყველაზე პოპულარული