კვირა, 02 აგვისტო, 2015 თბილისის დრო 20:22

რუბრიკები / რეგიონული მაცნე

ქუთაისის მერიის მონიტორინგს კოალიცია განახორციელებს

ქუთაისიქუთაისი
x
ქუთაისი
ქუთაისი

მულტიმედია

აუდიო
ადგილობრივი თვითმმართველობის საქმიანობის მონიტორინგისთვის ქუთაისში შეიქმნა არასამთავრობო ორგანიზაციათა კოალიცია „გამჭვირვალე საქართველოსთვის“. კოალიციაში იმერეთის მასშტაბით მოქმედი 7 საზოგადოებრივი ორგანიზაცია გაერთიანდა და, როგორც მისი  წევრები აცხადებენ, მერიის სამსახურების საქმიანობის მონიტორინგთან ერთად გადაწყვეტილებათა მიღების პროცესში საზოგადოების მაქსიმალურ ჩართულობას უზრუნველყოფენ.

კოალიციის ერთ-ერთი წევრის, სამოქალაქო ინტერესების დაცვის ცენტრის, „არგუსის“ ხელმძღვანელის, მანანა მანაგაძის განმარტებით, კოალიციის შექმნა ადგილობრივი თვითმმართველობის მხრიდან  საზოგადოების აზრის გაუთვალისწინებლობამ და მის მიმართ ნაკისრი ვალდებულებების შეუსრულებლობამ გამოიწვია, რასაც გადაწყვეტილებების მიღების პროცესში მოქალაქეების  ჩართულობის იგნორირება მოჰყვა.

არასამთავრობო ორგანიზაციათა ახლად შექმნილი გაერთიანების კიდევ ერთი წევრის, კორუფციასთან ბრძოლისა და ადამიანის უფლებათა დაცვის ასოციაცია “საჩინოს” აღმასრულებელი დირექტორის  ზურაბ ხურციძის ინფორმაციით, კოალიცია პირველ ეტაპზე წერილით მიმართავს  ქალაქის საკრებულოს თავმჯდომარეს,  რომ საკრებულომ ქალაქის მერიის სამსახურების საქმიანობის შემსწავლელი კომისიის შექმნა უზრუნველყოს.

თავის მხრივ, ქალაქის საკრებულოში აცხადებენ, რომ ოფიციალურ კომენტარს  განცხადების მიღებისა და განხილვის შემდეგ გააკეთებენ. საკრებულოს  თავმჯდომარის მოადგილის მერაბ მეშველიანის თქმით, საკრებულო მზადაა ურთიერთობა იქონიოს არასამთავრობო ორგანიზაციებთან  და მათი რეკომენდაციები გაითვალისწინოს.

ახალგაზრდა ეკონომისტთა ასოციაციის იმერეთის ორგანიზაციამ 2013 წლის ბიუჯეტის პროექტის განხილვის შემდეგ  მერიას შტატების ოპტიმიზაციის რეკომენდაციით მიმართა. მისი  ხელმძღვანელის, პაატა კლდიაშვილის თქმით, მერიამ არასამთავრობო ორგანიზაციის რეკომენდაციები ნაწილობრივ გაითვალისწინა. თავის მხრივ,  ქუთაისის მერი ბესიკ ბრეგაძე აცხადებს, რომ საშტატო ერთეულის გაზრდა ხელშეკრულებით დასაქმებული თანამშრომლების შტატში გადაყვანამ განაპირობა.

ქუთაისის მერიაში შტატების მატების გამო  სახელფასო ფონდიც გაიზარდა. ქალაქის  წლევანდელი ბიუჯეტი 43 მილიონი ლარია და ამ თანხიდან 7 მილიონ 145 ათასი ლარი ადგილობრივ თვითმმართველობაში დასაქმებულთა ხელფასებისთვის დაიხარჯება.


ძვირფასო მეგობრებო, რადიო თავისუფლების ფორუმში მონაწილეობისთვის გთხოვთ, გამოიყენოთ თქვენი Facebook-ის ანგარიში. კომენტარები მოდერაციის შემდეგ ქვეყნდება და საიტზე მათ გამოჩენას გარკვეული დრო სჭირდება. გთხოვთ, გაითვალისწინოთ, რომ ღამის საათებში კომენტარები არ ქვეყნდება.

ეს ფორუმი დაიხურა
კომენტარები
     
ამ ფორუმში კომენტარი არ არის. დაწერეთ პირველი კომენტარი

სხვა მასალები

სტალინის მუზეუმი - საქართველოს გაუაზრებელი სირცხვილი

სტალინის სახელობის მუზეუმში არასდროს ვყოფილვარ. არც მომავალში ვაპირებ, რომ ვესტუმრო მუზეუმს, რომელიც პოზიტიურად წარმოაჩენს დიდ ბელადს.
გაგრძელება

„ჩვენ“

არ ვიცი სხვაგან, სხვა ქვეყნებში როგორ არის, მაგრამ ქართულ რეალობაში ერთი დიდი პრობლემაა: მშობლების და შვილების ურთიერთობა.
გაგრძელება

უარი ავტოკრატიას!

„არჩეულმა“ პარლამენტმა, ახალი კონსტიტუციის მიღების დროს, კონსტიტუციური პოლიტიკური წყობილების და ძირითადი პრინციპების საწინააღმდეგოდ, შეუზღუდა ხალხს ძალაუფლების რეფერენდუმით განხორციელების უფლება.
გაგრძელება

ჩემი განათლების ფილოსოფია

განათლების მრავალგვარი გააზრება არსებობს, მას სხვადასხვაგვარად იაზრებენ და ინტერპრეტაციას უკეთებენ ადამიანები. ამბობენ, განათლება თავისუფლებაა, ცოდნაა, დამოუკიდებლობაა.
გაგრძელება

თქვენი პუბლიკაციები

ძვირფასო მეგობრებო,

რადიო თავისუფლების რუბრიკაში „თავისუფალი სივრცე“ შეგიძლიათ საკუთარი ბლოგებისა და პუბლიცისტური სტატიების გამოქვეყნება.

ტექსტი არ უნდა აღემატებოდეს 700 სიტყვას.

რედაქცია იტოვებს უფლებას, საკუთარი შეხედულებისამებრ შეარჩიოს ტექსტები გამოსაქვეყნებლად. ავტორებს ვთხოვთ, გაითვალისწინონ რადიო თავისუფლების სარედაქციო პოლიტიკა, რომელსაც შეგიძლიათ გაეცნოთ განყოფილებაში „ფორუმის წესები“.

ტექსტები ქვეყნდება უცვლელად, რედაქტირების გარეშე.

მასალები მოგვაწოდეთ მისამართზე: tavisupleba@rferl.org
(subject-ში ჩაწერეთ „თავისუფალი სივრცე“)

ყველაზე პოპულარული