საქართველოს თავდაცვის სამინისტრო ჟურნალისტებს სპეციალურ სწავლებაზე იწვევს. უწყების ოფიციალური ინფორმაციით, „რთულად პროგნოზირებად საინფორმაციო გარემოსთან“ ადაპტირებისათვის, მედიის წარმომადგენლებს „ხუთი სამუშაო დღის განმავლობაში 24-საათიან რეჟიმში“ მოუწევთ სამხედრო ნაწილის ტერიტორიაზე სპეციალური წვრთნის გავლა. თავდაცვის სამინისტროს სტრატეგიული დეპარტამენტის უფროსი, გიორგი მოლოდინი ისაუბრებს იმაზე, თუ რა მიზანს ისახავს მედიასწავლება სახელწოდებით - „ღირსეული პასუხი 2016“.
