შაბათი, 23 მაისი, 2015 თბილისის დრო 08:12

პოლიტიკა / მსოფლიო

ირანის საკითხზე საერთაშორისო მოლაპარაკება ოპტიმიზმის გარეშე

საიდ ჯალალი, ირანის წარმომადგენელი და კეტრინ ეშტონი, ევროკავშირის საგარეოპოლიტიკური ლიდერი.საიდ ჯალალი, ირანის წარმომადგენელი და კეტრინ ეშტონი, ევროკავშირის საგარეოპოლიტიკური ლიდერი.
x
საიდ ჯალალი, ირანის წარმომადგენელი და კეტრინ ეშტონი, ევროკავშირის საგარეოპოლიტიკური ლიდერი.
საიდ ჯალალი, ირანის წარმომადგენელი და კეტრინ ეშტონი, ევროკავშირის საგარეოპოლიტიკური ლიდერი.

მულტიმედია

აუდიო
ექვსი ბირთვული სახელმწიფოს - აშშ-ის, რუსეთის, ბრიტანეთის, ჩინეთის, საფრანგეთისა და გერმანიის - წარმომადგენლები ყაზახეთის უდიდეს ქალაქ ალმა-ათაში შეიკრიბნენ ირანის ბირთვულ პროგრამაზე სამსჯელოდ. იმის გამო, რომ მოლაპარაკება ირანის საკითხზე უკვე 10 წელია უშედეგოდ მიმდინარეობს, ანალიტიკოსები არც ამ შეხვედრიდან ელიან რაიმე გარღვევას.

ბირთვული ექვსეულის წარმომადგენლები ალმა-ათაში მთელი დღის განმავლობაში იმსჯელებენ ირანის ბირთვულ პროგრამაზე, რომლის მიმართაც მხარეთა პოზიციებს შორის ამავე ფორმატის მოსკოვის ივნისის უშედეგო შეხვედრაზე დიდი ნაპრალი გამოჩნდა. თუმცა მოლაპარაკებაში ჩართული საგარეო და უსაფრთხოების პოლიტიკის საკითხებში ევროკავშირის უმაღლესი წარმომადგენლის კეთრინ ეშტონის თანაშემწე მაიკლ მანი ვარაუდობს, რომ ალმა-ათის შეხვედრა წინგადადგმული ნაბიჯი იქნება და ბიძგს მისცემს თეირანის ბირთვული პროგრამის ირგვლივ არსებული 10-წლიანი ჩიხური ვითარებიდან საბოლოო გამოსავლის მოძებნას:

„ევროკავშირის უმაღლესი წარმომადგენელი კეთრინ ეშტონი, E3+3-ის (ბრიტანეთის, საფრანგეთის, გერმანიის, რუსეთის, ჩინეთის და აშშ-ის) წარმომადგენლებთან ერთად, მოწოდებულია, დიპლომატიის გზით გადაიჭრას ირანის ბირთვული პრობლემა. ირანს უნდა ესმოდეს, რომ მოლაპარაკებებში კონკრეტული და არსებითი პროგრესის მიღწევა გადაუდებლად საჭიროა, ხოლო ალმა-ათის შეხვედრა რეალურ შესაძლებლობას იძლევა იმისათვის, რომ სერიოზულ მოლაპარაკებებში მონაწილეობით კონკრეტული ნაბიჯი გადაიდგას ნდობის მოსაპოვებლად, რამაც შესაძლოა გვაპოვნინოს გზა გრძელვადიან, ყოვლისმომცველ შეთანხმებაზე მოლაპარაკებების  დასაწყებად.“
ჩვენ გვჯერა, რომ ჩვენი ახალი შეთავაზება, ჩვენი ახალი წინადადება არა მხოლოდ ირანის ბირთვული პროგრამის გამო საერთაშორისო საზოგადოების შეშფოთებას შეესატყვისება, არამედ ის ასევე უპასუხებს თავად ირანის იდეებსაც...

გავრცელებული ინფორმაციით, მსოფლიოს ზესახელმწიფოები აპირებენ შესთავაზონ ირანს ზოგიერთი სანქციის შემსუბუქება, სახელდობრ, ირანის ოქროთი და ძვირფასი მეტალებით ვაჭრობასა და ასევე ზოგიერთი სახის საეთაშორისო საბანკო ოპერაციებზე. მაიკლ მანს, საგარეო და უსაფრთხოების პოლიტიკის საკითხებში ევროკავშირის უმაღლესი წარმომადგენლის კეთრინ ეშტონის თანაშემწეს, არ დაუზუსტებია დეტალები ამ შეთავაზებისა, თუმცა მიანიშნა, რომ იგი ირანს გარკვეული „მოქნილობის გამოჩენის“ შესაძლებლობას მისცემს:

„ჩვენ გვჯერა, რომ ჩვენი ახალი შეთავაზება, ჩვენი ახალი წინადადება არა მხოლოდ ირანის ბირთვული პროგრამის გამო საერთაშორისო საზოგადოების შეშფოთებას შეესატყვისება, არამედ ის ასევე უპასუხებს თავად ირანის იდეებსაც.“

ამ შეთავაზებების პასუხად, ბირთვული სახელმწიფოები მოელიან, რომ ირანი უარს იტყვის ურანის გამდიდრების პროცესზე, რაც შესაძლოა ატომური ბომბის შექმნით დასრულდეს.

ირანი არ აპირებს ურანის გამდიდრების პროგრამის შეწყვეტას და უარყოფს ბრალდებებს, თითქოს იგი ატომური იარაღის შექმნას ესწრაფოდეს.

გავრცელებული ინფორმაციით, თავის მხრივ ირანის დელეგაციის წევრს, მაჰმუდ მოჰამედსაც აქვს მომზადებული წინადადებები, რომლებსაც იგი ალმა-ათის მოლაპარაკებების მონაწილე ქვეყნებისა და საერთაშორისო ორგანიზაციების წარმომადგენლებს შესთავაზებს.


ძვირფასო მეგობრებო, რადიო თავისუფლების ფორუმში მონაწილეობისთვის გთხოვთ, გამოიყენოთ თქვენი Facebook-ის ანგარიში. კომენტარები მოდერაციის შემდეგ ქვეყნდება და საიტზე მათ გამოჩენას გარკვეული დრო სჭირდება. გთხოვთ, გაითვალისწინოთ, რომ ღამის საათებში კომენტარები არ ქვეყნდება.

სხვა მასალები

რადიოჟურნალი - 1088-ე გამოშვება

"მეათე სტუდიაში" გამოვეხმაურებით ვლადიმირ პუტინის განცხადებას, რომლითაც მან გაამართლა მოლოტოვ-რიბენტროპის პაქტი, ანუ ხელშეკრულება, რომლის საფუძველზეც 1939 წელს ჰიტლერმა და სტალინმა გაიყვეს აღმოსავლეთ ევროპის ნაწილი.
გაგრძელება

აუდიო მოლოტოვ-რიბენტროპის პაქტი პუტინის თვალით

​2008 წელს ვლადიმირ პუტინმა ცალსახად დაგმო ჰიტლერის გერმანიასა და სტალინის საბჭოთა კავშირს შორის 1939 წელს გაფორმებული ხელშეკრულება, რომელიც ისტორიაში შევიდა, როგორც მოლოტოვ-რიბენტროპის პაქტი.
გაგრძელება

აუდიო რიგის სამიტმა „აღმოსავლეთის პარტნიორობას“ ფინანსურად გაუმაგრა ზურგი

​22 მაისს დასრულდა რიგაში ევროკავშირის „აღმოსავლეთის პარტნიორობის“ სამიტი, რომლის მონაწილე ევროპის ლიდერებმა დასკვნით დეკლარაციაში კიდევ ერთხელ დაადასტურეს თავიანთ მიერ ნაკისრი ვალდებულებები დაეხმარონ პარტნიორ ქვეყნებს.
გაგრძელება

აუდიო 1,8 მილიარდი ევრო - უკრაინას

„აღმოსავლეთის პარტნიორობის“ რიგის სამიტის დასკვნით შეხვედრაზე, ევროკავშირმა და უკრაინამ ხელი მოაწერეს 1,8-მილიარდევროიან შეთანხმებას, რომელიც ეკონომიკის გაჯანსაღებაში უნდა დაეხმაროს უკრაინას.
გაგრძელება

თქვენი პუბლიკაციები

ძვირფასო მეგობრებო,

რადიო თავისუფლების რუბრიკაში „თავისუფალი სივრცე“ შეგიძლიათ საკუთარი ბლოგებისა და პუბლიცისტური სტატიების გამოქვეყნება.

ტექსტი არ უნდა აღემატებოდეს 700 სიტყვას.

რედაქცია იტოვებს უფლებას, საკუთარი შეხედულებისამებრ შეარჩიოს ტექსტები გამოსაქვეყნებლად. ავტორებს ვთხოვთ, გაითვალისწინონ რადიო თავისუფლების სარედაქციო პოლიტიკა, რომელსაც შეგიძლიათ გაეცნოთ განყოფილებაში „ფორუმის წესები“.

ტექსტები ქვეყნდება უცვლელად, რედაქტირების გარეშე.

მასალები მოგვაწოდეთ მისამართზე: tavisupleba@rferl.org
(subject-ში ჩაწერეთ „თავისუფალი სივრცე“)