პარლამენტის მიერ საარჩევნო კოდექსში შეტანილი ცვლილებების თანახმად, საქართველოს პრემიერ-მინისტრს საპარლამენტო არჩევნებში კანდიდატად მონაწილეობა თანამდებობიდან გადადგომის გარეშე შეუძლია - ესაა ერთ-ერთი შესწორება, რომელსაც დეპუტატებმა 22 ივნისს მესამე მოსმენით უყარეს კენჭი. ამასთან, კანონი, გამონაკლისი შემთხვევების გარდა, კრძალავს სპეციალური საარჩევნო უბნების შექმნას და ზრდის უფასო საარჩევნო რეკლამით მოსარგებლე სუბიექტების რაოდენობას. კერძოდ, თუ აქამდეუფასო სატელევიზიო რეკლამის უფლებით 5 პარტია სარგებლობდა, ახალი წესით, მათი რიცხვი 11-მდე გაიზარდა. საარჩევნო კოდექსში შეტანილი ზემოთ ჩამოთვლილი ცვლილებები, მათი მნიშვნელობიდან გამომდინარე, საარჩევნო სუბიექტებისა და პროცესზე დამკვირვებელი ორგანიზაციების ყურადღების ცენტრში რჩება. ამ ცვლილებების თაობაზე ნონა მჭედლიშვილი „საერთაშორისო გამჭვირვალობა-საქართველოს“ პროგრამის კოორდინატორს, ლევან ნატროშვილს, ესაუბრა.
დაწერეთ კომენტარი