სამშაბათი, 31 მაისი, 2016 თბილისის დრო 05:56

კულტურა / საქართველო

გარდაიცვალა გურამ საღარაძე

გურამ საღარაძეგურამ საღარაძე
x
გურამ საღარაძე
გურამ საღარაძე
ხუთშაბათს თბილისში გარდაიცვალა თეატრისა და კინოს ცნობილი მსახიობი, გურამ საღარაძე, რომელსაც სულ რამდენიმე დღის წინ, 12 იანვარს, 84 წელი შეუსრულდა.

საღარაძემ 1951 წელს დაამთავრა თბილისის შოთა რუსთაველის სახელობის თეატრალური ინსტიტუტი და მრავალი წელი იყო თბილისის რუსთაველის სახელობის სახელმწიფო აკადემიური თეატრის დასის წევრი. საღარაძის მიერ შესრულებულ როლებს შორის მაყურებელს განსაკუთრებით დაამახსოვრდა მისი სოსო (ოტია იოსელიანის „ადამიანი იბადება ერთხელ“), თესევსი, მასხარა და იულიუს კეისარი (უილიამ შექსპირის „ზაფხულის ღამის სიზმარი“, „მეფე ლირი“ და „იულიუს კეისარი“), ჰეილი (ართურ მილერის „სეილემის პროცესი“), ტიპოტესკუ (იონ ლუკა კარაჯალეს „დაკარგული ბარათი“), დურსუნი და ჭეიშვილი (ნოდარ დუმბაძის „მზიანი ღამე“ და „საბრალდებო დასკვნა“), მინდია (კონსტანტინე გამსახურდიას „ხოგაის მინდია“), შე ფუ, თავადი ყაზბეგი, ეფრეიტორი, ბერი (ბერტოლტ ბრეხტის „სეჩუანელი კეთილი ადამიანი“ და „კავკასიური ცარცის წრე“), ტომი (ტ. უილიამსის „შუშის სამხეცე“), გიორგი ჯაფარიძე (რეზო თაბუკაშვილის „რაიკომის მდივანი“), უჩა (თამაზ ჭილაძის „როლი დამწყები მსახიობი გოგონასათვის“) და სხვა.

თავად საღარაძე თავის სამსახიობო კარიერაში ყველაზე წარმატებულ ნამუშევრად მიიჩნევდა მიხეილ თუმანიშვილის სპექტაკლს „როცა ასეთი სიყვარულია“ (პაველ კოჰოუტის პიესის მიხედვით).

მრავალი წლის განმავლობაში გურამ საღარაძე თეატრალურ უნივერსიტეტში ასწავლიდა მეტყველების ხელოვნებასა და კულტურას. ის მხატვრული კითხვის დიდოსტატად ითვლებოდა.

მსახიობს მინიჭებული ჰქონდა საქართველოს სახალხო არტისტის წოდება (1973). ის იყო საბჭოთა კავშირის სახელმწიფო (1979) და შოთა რუსთაველის სახელობის (1976) პრემიების ლაურეატი. 2006 წლის 13 ნოემბერს რუსთაველის თეატრის წინ გაიხსნა გურამ საღარაძის ვარსკვლავი.
ეს ფორუმი დაიხურა
კომენტარების რიგი
კომენტარები
     
ავტორი: nika
21.01.2013 04:34
ღმერთმა ნათელში ამყოფოს.

ავტორი: mauzer
18.01.2013 22:09
ჩემი აზრით საღარაძე იყო კიჩი

სხვა მასალები

ერაყის არმიამ ფალუჯაზე იერიში დაიწყო

ქალაქის დაბრუნების ოპერაცია 22 მაისს დაიწყეს ერთობლივად ერაყის არმიამ და ირანის მხარდაჭერით მოქმედმა შიიტთა რაზმებმა, რომლებსაც ზურგს უმაგრებს აშშ-ის მეთაურობით მოქმედი კოალიციის ავიაცია.
გაგრძელება

ევროკომისიის თავმჯდომარე რუსეთში მიწვევას დათანხმდა

ჟან-კლოდ იუნკერი პირველი ოფიციალური პირია ევროკავშირიდან, რომელიც რუსეთში ჩადის მოსკოვისთვის სანქციების დაწესების შემდეგ.
გაგრძელება

აუდიო სლოვაკეთი საქართველოსთვის - ევროკავშირისა და ნატოს სივრცეში

​სლოვაკეთის პრეზიდენტის ანდრეას კისკას ვიზიტს საქართველოში ისტორიულ მოვლენად მიიჩნევენ და, შესაბამისი დაპირებების ფონზე, გამოხატავენ იმედს, რომ სლოვაკეთი ყოველმხრივ შეუწყობს ხელს ნატოსა და ევროკავშირისკენ მიმავალ საქართველოს.
გაგრძელება

სტიქიამ ადიგენის მუნიციპალიტეტი დააზარალა

ადიგენის მუნიციპალიტეტში ძლიერმა სეტყვამ და წვიმამ ექვს სოფელს მიაყენა ზარალი. ვარხანში, უნწაში, ბენარაში, ფხეროში, არალსა და უდეში სტიქიამ სასოფლო-სამეურნეო სავარგულები გაანადგურა.
გაგრძელება

თქვენი პუბლიკაციები

ძვირფასო მეგობრებო,

რადიო თავისუფლების რუბრიკაში „თავისუფალი სივრცე“ შეგიძლიათ საკუთარი ბლოგებისა და პუბლიცისტური სტატიების გამოქვეყნება.

ტექსტი არ უნდა აღემატებოდეს 700 სიტყვას.

რედაქცია იტოვებს უფლებას, საკუთარი შეხედულებისამებრ შეარჩიოს ტექსტები გამოსაქვეყნებლად. ავტორებს ვთხოვთ, გაითვალისწინონ რადიო თავისუფლების სარედაქციო პოლიტიკა, რომელსაც შეგიძლიათ გაეცნოთ განყოფილებაში „ფორუმის წესები“.

ტექსტები ქვეყნდება უცვლელად, რედაქტირების გარეშე.

მასალები მოგვაწოდეთ მისამართზე: tavisupleba@rferl.org
(subject-ში ჩაწერეთ „თავისუფალი სივრცე“)