სამშაბათი, 01 სექტემბერი, 2015 თბილისის დრო 05:50

პოლიტიკა

გაერო „უცხო ქვეყნებს“ სირიისათვის იარაღის მიწოდების გამო აკრიტიკებს

ბან კი მუნიბან კი მუნი
x
ბან კი მუნი
ბან კი მუნი

მულტიმედია

აუდიო
გაეროს გენერალურმა მდივანმა ბან კი მუნმა და არაბთა ლიგის სპეციალურმა წარგზავნილმა სირიის საკითხებში ლახდარ ბრაჰიმიმ მკაცრად გააკრიტიკეს „უცხო ქვეყნები“, რომლებიც იარაღით ბაარ ალ ასადის რეჟიმსაც ამარაგებენ და სირიელ მეამბოხეებსაც. ამ ფონზე, გაეროს კრიტიკის ობიექტად იქცნენ საერთაშორისო დონორებიც, რომელთა მოკრძალებული ძალისხმევა არ არის საკმარისი სირიაში ჰუმანიტარული კრიზისის მოსაგვარებლად. 

ორშაბათს, ნიუ-იორკში შეხვედრის დროს, ბან კუ მუნსა და ლახდარ ბრაჰიმის კონკრეტულად არ დაუსახელებიათ იმ ქვეყნების ვინაობა, რომლებიც სირიის მთავრობასა და ოპოზიციას იარაღით ამარაგებენ. თუმცა ცნობილია, რომ რუსეთი და ირანი იარაღს სირიის პრეზიდენტის ბაშარ ალ ასადის მთავრობას აწვდიდნენ, ხოლო, თავის მხრივ, სირიის მთავრობა თურქეთს, კატარსა და სპარსეთის ყურის სხვა სახელმწიფოებს ადანაშაულებს ოპოზიციის საბრძოლო იარაღით მომარაგებაში. 
დონორთა საერთაშორისო თანამეგობრობა საჭირო დახმარების მხოლოდ 50 პროცენტს იძლევა, რაც, ჩვენი აზრით, ძალიან, ძალიან შემაშფოთებელია და, ცხადია, შედეგები დასაშვებზე უფრო დიდ ჰუმანიტარულ გაჭირვებას იწვევს...


ბან კი მუნისა და ლახდარ ბრაჰიმის ასეთი კომენტარები ნიუ-იორკში მას შემდეგ გაკეთდა, რაც გაეროს ჰუმანიტარულმა ორგანიზაციებმა დაიჩივლეს, რომ საერთაშორისო დონორებმა ვერ უზრუნველყვეს სირიელ დევნილთა მოთხოვნილებების დაკმაყოფილება.

ამის თაობაზე 21 იანვარს დამასკში განცხადება გააკეთა გაეროს ჰუმანიტარული საქმეების საკოორდინაციო კომიტეტის მენეჯერმა ჯონ გინგმა, რომელიც სირიაში ჰუმანიტარული მდგომარეობის შესწავლის მისიით იმყოფება:   

„ჩვენი დონორების თანამეგობრობა, დონორთა საერთაშორისო თანამეგობრობა საჭირო დახმარების მხოლოდ 50 პროცენტს იძლევა, რაც, ჩვენი აზრით, ძალიან, ძალიან შემაშფოთებელია და, ცხადია, შედეგები დასაშვებზე უფრო დიდ ჰუმანიტარულ გაჭირვებას იწვევს. ეს ნიშნავს, რომ ყველა ადამიანს არ მოეპოვება საკვები თუ სხვა რამ, რაც სჭირდება. ნამდვილად ვისურვებდით, რომ დონორთა თანამეგობრობა კვლავ გააქტიურდეს“.
მათ, ვინც კონფლიქტშია ჩაბმული, ჰყავთ თავიანთი მხარდამჭერები. ისინი უნდა შეიკრიბონ და თავადვე იზრუნონ ამ კონფლიქტის დასრულებაზე, რისკენ მოწოდებებიც ყველა მხრიდან გაისმის...


ჯონ გინგმა დამასკიდან სირიის კონფლიქტის მონაწილე მხარეებს მოუწოდა, გადაჭრან კრიზისი.

„ჩვენ არ ვმუშაობთ კონფლიქტის მოგვარებაზე, მაგრამ მუშაობენ სხვები, რომელთაც ივალდებულეს პოლიტიკურ შეხვედრებზე მიაგნონ გადაწყვეტილებას. მოდით, პირდაპირ ვთქვათ, რომ მათ, ვინც კონფლიქტშია ჩაბმული, ჰყავთ თავიანთი მხარდამჭერები. ისინი უნდა შეიკრიბონ და თავადვე იზრუნონ ამ კონფლიქტის დასრულებაზე, რისკენ მოწოდებებიც ყველა მხრიდან გაისმის“.

გაერო იმედოვნებს, რომ კუვეიტში 30 იანვარს დაგეგმილი საერთაშორისო დონორთა კონფერენცია შეძლებს სირიის დახმარების ფონდის 1.5 მილიარდ დოლარამდე გაზრდას. გაეროს მონაცემებით, სირიაში მიმდინარე ლამის ორწლიანი კონფლიქტის განმავლობაში 60 ათასი კაცი დაიღუპა, ხოლო დაახლოებით 2.5 მილიონი ადამიანი არის ქცეული ლტოლვილად და შიმშილისგან იტანჯება. ბოლო ძალადობის შემდეგ, რომლის დროსაც სირიაში 30 კაცი დაიღუპა, რუსეთმა განაცხადა, რომ სამშაბათიდან სირიაში მცხოვრები რუსეთის მოქალაქეების ევაკუაციას დაიწყებს.


ძვირფასო მეგობრებო, რადიო თავისუფლების ფორუმში მონაწილეობისთვის გთხოვთ, გამოიყენოთ თქვენი Facebook-ის ანგარიში. კომენტარები მოდერაციის შემდეგ ქვეყნდება და საიტზე მათ გამოჩენას გარკვეული დრო სჭირდება. გთხოვთ, გაითვალისწინოთ, რომ ღამის საათებში კომენტარები არ ქვეყნდება.

ეს ფორუმი დაიხურა
კომენტარები
     
ამ ფორუმში კომენტარი არ არის. დაწერეთ პირველი კომენტარი

სხვა მასალები

აუდიო აფეთქების შედეგად დაიღუპა უკრაინის ეროვნული გვარდიის წევრი

ძალადობა მოჰყვა ნაციონალისტების მიერ მოწყობილ დემონსტრაციას მაშინ, როცა დეპუტატები განიხილავდნენ პრეზიდენტ პეტრო პოროშენკოს მიერ წარმოდგენილ კანონპროექტს.
გაგრძელება

უნგრეთმა უკუაგდო საფრანგეთის მხრიდან კრიტიკა

საფრანგეთის საგარეო საქმეთა მინისტრის თქმით, უნგრეთის მიერ სერბიის საზღვარზე აგებული, მავთულხლართების ღობე არ უპასუხებს „ევროპის ერთიან ღირებულებებს.“
გაგრძელება

იწყება პროგრამა „დანერგე მომავლის“ ახალი ეტაპი

პროგრამაში მოსახლეობის ჩართვის სტიმულირების მიზნით საქართველოს მთავრობამ პროგრამის დიზაინში შეტანილი ცვლილებები დაამტკიცა.
გაგრძელება

უკრაინის პარლამენტთან აფეთქებას მსხვერპლი მოჰყვა

უკრაინის პარლამენტის შენობის წინ მომხდარი ინციდენტის დროს რამდენიმე ათეული ადამიანი დაიჭრა, რამდენიმე - მძიმედ.
გაგრძელება

თქვენი პუბლიკაციები

ძვირფასო მეგობრებო,

რადიო თავისუფლების რუბრიკაში „თავისუფალი სივრცე“ შეგიძლიათ საკუთარი ბლოგებისა და პუბლიცისტური სტატიების გამოქვეყნება.

ტექსტი არ უნდა აღემატებოდეს 700 სიტყვას.

რედაქცია იტოვებს უფლებას, საკუთარი შეხედულებისამებრ შეარჩიოს ტექსტები გამოსაქვეყნებლად. ავტორებს ვთხოვთ, გაითვალისწინონ რადიო თავისუფლების სარედაქციო პოლიტიკა, რომელსაც შეგიძლიათ გაეცნოთ განყოფილებაში „ფორუმის წესები“.

ტექსტები ქვეყნდება უცვლელად, რედაქტირების გარეშე.

მასალები მოგვაწოდეთ მისამართზე: tavisupleba@rferl.org
(subject-ში ჩაწერეთ „თავისუფალი სივრცე“)

ყველაზე პოპულარული