ეუთო: არჩევნები კონკურენტული იყო
ეუთოს შეფასებით, საქართველოს პარლამენტის არჩევნები იყო მნიშვნელოვანი ნაბიჯი დემოკრატიული არჩევნების ჩატარების მიმართულებით, მაგრამ მოსაგვარებელი რჩება რამდენიმე საკვანძო საკითხი. ეს შეფასება გამოთქმულია პრესრელიზში, რომელიც დღეს გაავრცელა ევროპაში უსაფრთხოებისა და თანამშრომლობის ორგანიზაციამ.
პრესრელიზში აღნიშნულია, რომ არჩევნები კონკურენტული იყო, გამოირჩეოდა ამომრჩევლის აქტიურობით მთელი კამპანიის მსვლელობაში, მაგრამ წინასაარჩევნო გარემო რჩებოდა პოლარიზებული და დაძაბული, ძალადობის შემთხვევების თანხლებით.
არჩევნების დღესთან დაკავშირებით, პრესრელიზში ნათქვამია, რომ ის წყნარი და მშვიდობიანი იყო მთელ ქვეყანაში და უცხოელი მეთვალყურეები მთლიანობაში დადებითად აფასებენ არჩევნების დღის პროცესის ყველა ეტაპს.
„მიუხედავად უაღრესად პოლარიზებული კამპანიისა, რომელიც მოიცავდა მძაფრ რიტორიკასა და ხარვეზებს, ქართველმა ხალხმა თავისუფლად გამოხატა თავისი ნება საარჩევნო ყუთებთან“, - ამბობს ეუთოს მოკლევადიანი სამეთვალყურეო მისიის ხელმძღვანელი, ტონინო პიკულა.
ყურადღება!
1 ივნისიდან რადიო თავისუფლების ქართული რედაქციის ვებსაიტზე ფორუმებით სარგებლობისთვის აუცილებელი იქნება რეგისტრაციის გავლა. დღეიდან მოქმედებს პარალელური სისტემა: ფორუმში მონაწილეობა შესაძლებელია როგორც რეგისტრაციით, ისე მის გარეშე. მაგრამ 1 ივნისიდან ფორუმებში მონაწილეობა მხოლოდ რეგისტრირებულ მომხმარებლებს შეეძლებათ.
რეგისტრაციის გასავლელად დააჭირეთ ვებსაიტის ზედა მარჯვენა კუთხეში მოთავსებულ ბმულს „რეგისტრაცია“.