შაბათი, 25 ოქტომბერი, 2014 თბილისის დრო 12:44

ეკონომიკა

გადაყრილი მოსავალი

გადაყრილი მანდარინი
გადაყრილი მანდარინი

მულტიმედია

აუდიო
სოფლის მეურნეობის სამინისტრომ სასოფლო-სამეურნეო ბარათების დარიგება დაიწყო, რომელთა მეშვეობით 640 ათასზე მეტი გლეხი და ფერმერი მიწის უფასოდ დამუშავებას შეძლებს, თუმცა ფერმერებისა და სოფლის მეურნეობის ექსპერტების ნაწილი აცხადებს, რომ სახელმწიფო სოფელს სულ სხვა მიმართულებით უნდა ეხმარებოდეს. საქართველოს სხვადასხვა რეგიონიდან ბოლო დროს გავრცელებული ცნობების თანახმად, მოსავლის რეალიზება ჭირს და მთელი წლის ნაშრომს თავად გლეხები ყრიან სანაგვეში ან სულაც ქუჩაში.

გზის პირას, ხევში და სანაგვეზე გადაყრილი მანდარინი პრეზიდენტმა მიხეილ სააკაშვილმა აჭარაში - ქობულეთის მუნიციპალიტეტის სოფელ კვირიკეში - ნახა. პრეზიდენტი 2 თებერვალს ჯინჭარაძეების ოჯახს ესტუმრა, რომელსაც მოწეული მოსავლის თითქმის ნახევარი გაუფუჭდა. ეს იმის მიუხედავად, რომ წელს დაკრეფილი მანდარინის საერთო რაოდენობა გაცილებით ნაკლები იყო, ვიდრე შარშან, თუმცა შარშან მოსავლის მთლიანად დაბინავება მოხერხდა. კვირიკეში სტუმრად მყოფმა პრეზიდენტმა კრიტიკული განცხადება გააკეთა მთავრობისა და, კონკრეტულად, სოფლის მეურნეობის მინისტრის მისამართით:

მიხეილ სააკაშვილი გადაყრილ მანდარინს ათვალიერებსმიხეილ სააკაშვილი გადაყრილ მანდარინს ათვალიერებს
x
მიხეილ სააკაშვილი გადაყრილ მანდარინს ათვალიერებს
მიხეილ სააკაშვილი გადაყრილ მანდარინს ათვალიერებს
"მათ თქვეს, რომ მანდარინის ორი კონტეინერი შევიდა საქართველოდან რუსეთში, მაგრამ სად არის ამის შედეგი? დიდ, სახელოვან რუსულ ბაზარზე შესვლის შედეგი ნახა ხალხმა? ნეტავი, ნახოს. მე ამას ნიშნის მოგებით არ ვამბობ, ნამდვილად არ მიხარია. რა უნდა გამიხარდეს მაშინ, როდესაც გზები არის სავსე გადაყრილი მანდარინით. მაგრამ მომავალ წელს მაინც არ უნდა მოხდეს ასეთი რამ".

პრეზიდენტის ამ განცხადებას სოფლის მეურნეობის მინისტრმა დავით კირვალიძემ უპასუხა და აღნიშნა, წელს 30 ათასი ტონა მანდარინის ექსპორტი განხორციელდა, შარშან მხოლოდ 13 ათასიო. აჭარელ ფერმერებს კი თავიანთი არითმეტიკა აქვთ. მაგალითად, ჯინჭარაძეების ოჯახმა შარშან 15 ტონა მანდარინი ჩააბარა, საიდანაც დაახლოებით 10 ათასი ლარი მიიღო, წელს კი მხოლოდ 2 ტონის ჩაბარება შეძლო - ისიც, შარშანდელთან შედარებით, თითქმის ნახევარ ფასად. დაახლოებით ანალოგიურ მდგომარეობაში აღმოჩნდა სოფელ კვირიკეში მცხოვრები 1500 ოჯახზე მეტი.

სოფლის მეურნეობის მინისტრის დავით კირვალიძის განცხადებით, მან აჭარაში სხვა ფერმერებიც ნახა, რომლებსაც მაღალი ხარისხის მანდარინი შენახული აქვთ და მარტის დადგომას ელოდებიან, როდესაც იზრდება მოთხოვნა მეზობელი ქვეყნებიდან. მინისტრმა დასძინა, რომ მანდარინის დაბინავებაზე ზრუნვა ჯერ კიდევ გასული წლის გაზაფხულზე უნდა დაეწყოთ. ძველი მთავრობის პასუხისმგებლობას გაუსვა ხაზი რადიო თავისუფლებასთან ინტერვიუში სოფლის მეურნეობის სამინისტროს განვითარების დეპარტამენტის უფროსმა კოტე ხუცაიძემაც:

"ბუნებრივია, რომ ეს პრობლემა, მოსავლის დაბინავების პრობლემა არსებობს. ეს არის ყველაზე დიდი სირთულე, როდესაც საკუთარი წარმოება 20 პროცენტი გაქვს მხოლოდ და ამისთვის ამდენი დრო იყო საჭირო, რომ იმ 20 პროცენტის შენახვის საშუალება არ გაქვს?"
მარტო მიწის მოხვნით, რაც პროგრამა არსებობს, სოფელი ვერ აღორძინდება, თუ მოსავალი არ გასაღდება. მოსავალს აქვს დარჩენილი ორი თვე, ამ ორი თვის მერე მოსავალი გადასაყრელია...

მოწეული მოსავლის შენახვა და რეალიზება არ არის მხოლოდ აჭარელი ფერმერების პრობლემა. ორიოდე თვით ადრე საპროტესტო აქცია მოაწყვეს ეგრეთ წოდებული სუფრის ყურძნის მწარმოებლებმა, რომლებიც ყურძნის რეალიზების პრობლემას წააწყდნენ. მთელი წლის ნაშრომი უფუჭდებათ ახალციხის მუნიციპალიტეტშიც. მაგალითად, სოფელ ვალეში ფერმერები კომბოსტოს ვერც რეალიზებას ახერხებენ და ვერც ქუჩაში გადაყრას, რადგან დაჯარიმების ეშინიათ, გაფუჭებული მოსავლის ნაგავსაყრელამდე მიტანა კი დამატებით ხარჯებს უკავშირდება. ვალელმა ფერმერებმა თავიანთ გასაჭირზე რადიო თავისუფლების ახალციხელ კორესპონდენტს, მაია იველაშვილს უამბეს:

"მარტო მიწის მოხვნით, რაც პროგრამა არსებობს, სოფელი ვერ აღორძინდება, თუ მოსავალი არ გასაღდება. მოსავალს აქვს დარჩენილი ორი თვე, ამ ორი თვის მერე მოსავალი გადასაყრელია, ფუჭებადია".

"თუ არ გავიდა სადღაც, თითქმის 25 ტონა კომბოსტო მაქვს და ჯერ არც ერთი არ გამიყიდია. ადრე უკრაინაში გადიოდა, აზერბაიჯანში გადიოდა, სომხეთში გადიოდა, მაგრამ წელს არსად არ გადის, აბსოლუტურად".
საკმაოდ ცუდი, არათანაბარი პირობები გვაქვს აღებული ვაჭრობის მსოფლიო ორგანიზაციაში გაწევრიანებისას, სხვა ქვეყნებთან შედარებით. იმ წესებით ვართ მიღებული, რომლებიც ბევრ შემთხვევაში ჩვენ მიმართებაში არ არის სწორი...

"თურქეთიდან შემოდის, ირანიდან, სხვა ქვეყნებიდან შემოდის და ჩვენი ეკოლოგიურად სუფთა პროდუქტი კი გვიფუჭდება. 15 თეთრი ჯდება ამის მოყვანა და რა გავაკეთოთ ამ გლეხმა ხალხმა?"

ამ და მსგავსი პრობლემების განმარტებისას სოფლის მეურნეობის სამინისტროს წარმომადგენელი კოტე ხუცაიძე ხელს ძველი მთავრობისკენ იშვერს და საქართველოში დემპინგური ფასებით იმპორტირებული პროდუქციის პრობლემაზე საუბრობს:

"საკმაოდ ცუდი, არათანაბარი პირობები გვაქვს აღებული ვაჭრობის მსოფლიო ორგანიზაციაში გაწევრიანებისას, სხვა ქვეყნებთან შედარებით. იმ წესებით ვართ მიღებული, რომლებიც ბევრ შემთხვევაში ჩვენ მიმართებაში არ არის სწორი. იმას ვგულისხმობ, რომ სხვადასხვა ქვეყანასთან გვაქვს სხვადასხვა რეჟიმი. ვთქვათ, ქვეყანასთან, რომელთანაც მე არ შემიძლია რომელიღაც რეჟიმით შევიდე, მას უფლება აქვს თვითონ შემოვიდეს იმ რეჟიმით ჩემთან იმპორტის დროს".

იმპორტისგან საქართველოს ბაზრის დაცვის აუცილებლობაზე საუბრობს ახალგაზრდა ფინანსისტთა და ბიზნესმენთა ასოციაციის წარმომადგენელი მერაბ ჯანიაშვილიც:

"პრობლემაც სწორედ მაგაშია, რომ გასაღების ბაზარი იმიტომ აღარ აქვთ, რომ დაბალხარისხიან და იაფფასიან პროდუქციას მიაქვს ადგილობრივი ბაზარი. შესაბამისად, ქართველ მწარმოებელს, რომელსაც შედარებით ხარისხიანი პროდუქტი აქვს, მას უფრო ძვირი უჯდება მისი წარმოება, ამიტომ უჭირს პროდუქტის გასაღება. ამასთან ერთად, პრობლემას წარმოადგენს კომუნიკაციაც, რადგან სოფლის მოსახლეობას, მოგეხსენებათ, უჭირს კონტაქტი".
პრობლემა იყო ის, რომ ყველა ჩიოდა, სად წავიღოთ ეს ჩვენი მოწეული მოსავალი, არ ვიცითო. ზოგან მანდარინი დალპა, ზოგან კარტოფილი ფუჭდება, ზოგან ყურძენი და ზოგან ვაშლი. ანუ ბაზრების პრობლემაა...

ახლახან იმპორტირებულ პროდუქციაზე კონტროლის გამკაცრების შესახებ გამოაცხადა საქართველოს მთავრობამ. ეკონომიკის ექსპერტთა ნაწილი ფიქრობს, რომ იმპორტის შეზღუდვა პროდუქციის დეფიციტს, ფასების მატებას და ხარისხის გაუარესებას გამოიწვევს. ექსპერტთა მეორე ნაწილი პროდუქციის მხოლოდ დროებით გაძვირებას ვარაუდობს და დიდ იმედებს ამყარებს სასოფლო-სამეურნეო ბარათების პროექტზე, რომელიც ფერმერებს უფასო ხვნა-თესვის საშუალებას აძლევს. ასეთი პროექტებისადმი სკეპტიკურად არის განწყობილი «ახალი ეკონომიკური სკოლა - საქართველოს» პრეზიდენტი პაატა შეშელიძე:

"პრობლემა იყო ის, რომ ყველა ჩიოდა, სად წავიღოთ ეს ჩვენი მოწეული მოსავალი, არ ვიცითო. ზოგან მანდარინი დალპა, ზოგან კარტოფილი ფუჭდება, ზოგან ყურძენი და ზოგან ვაშლი. ანუ ბაზრების პრობლემაა და ინტელექტის პრობლემაა, რომელიც ამ მოწეულ საქონელს დაამუშავებს, დაახარისხებს და გაიტანს ახალ ბაზრებზე. აი, იქაა რესურსი გამოსაყენებელი. ამიტომ მე ძალიან სკეპტიკური ვარ ასეთი ტიპის პროექტების მიმართ”.

როგორც ცნობილია, საქართველოს პრემიერ-მინისტრი ბიძინა ივანიშვილი სოფლის მოსახლეობას მილიარდიანი ფონდის შექმნას დაჰპირდა, რომელიც ხელს შეუწყობს სოფლის მეურნეობის განვითარებას, თუმცა განვითარების იმ ეტაპზე, რომელზეც ახლა საქართველოს აგრარული ბიზნესი იმყოფება, შემდგომ განვითარებაზე მწვავე პრობლემა მოწეული მოსავლის რეალიზებაა.


ყურადღება!
რადიო თავისუფლების ქართული რედაქციის ვებსაიტზე ფორუმებით სარგებლობისთვის აუცილებელია რეგისტრაციის გავლა.

რეგისტრაციის გასავლელად დააჭირეთ ვებსაიტის ზედა მარჯვენა კუთხეში მოთავსებულ ბმულს „რეგისტრაცია“. (რეგისტრაციის გავლის შემდეგ ელექტრონული ფოსტით მიიღებთ ავტომატურ შეტყობინებას. ყურადღება მიაქციეთ, შეტყობინება თქვენი ელექტრონული ფოსტის spam-ში ხომ არ აღმოჩნდა.) კომენტარის დასაწერად არ დაგავიწყდეთ საიტზე შესვლა.
ეს ფორუმი დაიხურა
კომენტარების რიგი
კომენტარები
     
ავტორი: tutuci
18.02.2013 12:46
თურქეთის გარდა ბევრი სხვა ქვეყანა მიიღებს ჩვენს ღვინოს მაგრამ რუსეთთან პოლიტიკური ინტერესია ხალხნო რა ვერ გაიგეთ
ამიტომაც ძალიან ვუჭერ მხარს პრო-დასავლური მიმართულების უცვლელობის შესახებ კანონს და მინდა ბიძინამ შეიგნოს რომ საქართველო მისი კომპიუტერების მაღაზია არ არის რომ იქეთ მიმართოს საითაც მოუნდება

ავტორი: ანონიმი
17.02.2013 19:59
რუსეთის ბაზრობებზე მეოცნებეებს მინდა ვუთხრა. იცით, რომ თურქეთთან თავისუფალი ვაჭრობის ხელშეკრულებით საქართველოს შეუძლია გაიტანოს 2 მილიონი ბოთლი ღვინო და იცით რომ არცერთ კომპანიას არცერთი ბოთლი არ გააქვს? ახლა არ მითხრათ თურქეთში ღვინოს არ სვამენო, მთელი რუსეთი და უკრაინა იქ ისვენებს სხვას რომ თავი დაანებო.

იცით, რომ ამავე ხელშეკრულებით საქართველოს შეუძლია ათი ათასობით თაფლის საბაჟო გადასახადის გარეშე შეტანა? და იცით რამდენი შედის? არცერთი! სხვა პროდუქციაზეც გავაგრძელო?

რას შენატრით ვერ გამიგია, მართლა ასე ძვალსა და რბილში გაგიჯდათ უაზრო ოცნება?

ავტორი: ხუთკუნჭულა
17.02.2013 17:22
გერმანიაში სოფლის მეურნეობაში მიწევს თოხის რახუნი და მიკვირს დღეს ექსპერტებსა და სამინისტროს არანაირი სასოფლო-სამეურნეო პოლიტიკა რომ არ გააჩნიათ. სანამ დახმარებებზე ვისაუბრებთ, ჯერ ნათელი უნდა იყოს, სოფლის მეურნეობა რას წარმოადგენს ქვეყნისთვის, რა პროდუქციას ვქმნით ადგილობრივი ბაზრისთვის, რა გვსურს გავიტანოთ, რა რჩევებს ვაძლევთ გლეხს, რომელიც დღემდე საბჭოთა საწამლავებით ან ახალი უარესი საწამლავებით ქმნის „ეკოლოგიურად სუფთა პროდუქციას“... უნდა შეიქმნას საერთო მონაცემთა ბაზა, სადაც გვეცოდინება, რა მოგვყავს და რა ჯობია მოვიყვანოთ, და რუსული ბაზარი გამოსავალი არაა, ეს იაფი ხრიკი ორი სეზონიც ვერ იმუშავებს, საჭიროა არა მხოლოდ პროდუქტის უბრალოდ გასაღება, არამედ გასაღების პოლიტიკა, რაც გულისხმობს გადამუშავებასაც და კონტაქტების დამყარებას, დასავლეთთან პირველ რიგში და არა პუტინის ხასიათზე დამოკიდებულ რუსულ ბაზართან

ავტორი: ანონიმი
17.02.2013 16:55
ოჰოოო გამოჩენილან რუსეთუმეები. არ იყო ბატონო გახსნილი რუსეთის ბაზარი და მანდარინის ჩაბარებას ახერხებდნენ როგორმე. გაიხსნება თორე სულ სოფელ-სოფელ არ იარონ რუსებმა მანდარინის და კომბოსტოს წასაღებად. რა მნიშვნელობა აქვს პროდუქციას რუსეთსი გაყიდი, უკრაინაში, ყაზახეთში ბელორუსში, თუ თურქეთში? ყველგან დაახლოებით ერთნაირი მარკეტინგია საჭირო.

ავტორი: ანონიმი
17.02.2013 13:25
ყოველ შემთხვევაში მცდელობა მაინც არის ახალი ბაზრის გახსნის და პრობლემის გადაჭრის, რაც არ იყო მიშას დროს, მტყუანს-ო რომ გვემუქრები ... იო იო

ავტორი: io საიდან გვწერთ: saxlidan
17.02.2013 10:54
ავტორი: ავტორი საიდან გვწერთ: თბილისი
16.02.2013 21:51
მწვავე პრობლემა - მოწეული მოსავლის რეალიზება დიდწილად მოიხსნება რუსული ბაზრის გახსნით, რომელსაც დღეს ყველანაირად ეწინააღმდეგება ვითომდა ხალხზე მზრუნველი "ნაციონალური მოძრაობა"

იმდენი მტუანს!... დილეტანტები და მექრთამეები რომ მართავენ აწი ყველაფერს, ეს მხოლოდ დასაწყისია, რუსული ბაზარის პანაცეა მატყუარა ოცნებისტების მორიგი მითია. ნახეთ რაც მოხდება, ეს ვითომ უფასო ხვნა რაღაც კომკავშირლური უტოპია, რøმელიც სრული კრახი იქნება და სერთოდ ვერ განხორციელდება, საბოლოოდ ააფეთქებს სოფელს და გამოიყვანს მავნე ოცნებების ბურუსიდან....

ავტორი: tutuci
17.02.2013 09:48
კი მაგრამ მოსავლის მოყვანაშიც რომ მოეხმაროს მთავრობა გლეხკაცობას და მის დაბინავება გასაღებაშიც- ეს დიდი ამბავია და მათი გონება ვერ გაწვდება ამდენს?

ამ კაცის არაფერი მჯერა, რაც სამწუხაროა, მგლის და მწყემსის ამბავს მაგონებს. უკეთესი იქნებოდა უფრო მეტი მტკიცებულება მოგეძიებინათ გაუსაღებელ პროდუქტზე

მახსოვს ადრე სხვა გაზეთებმა გამოაქვეყნეს ქობულეთში თუ არ ვცდები, მანდარინის პრობლემაზე სტატია

სტატიას მერე დაპირებებიც მოყვა ჰალსტუხებიანი კაცების მხრიდან, საინტერესოა 10% მაინც თუ შესრულდა ამ დაპირებების

ავტორი: ანონიმი
17.02.2013 06:34
ნინი, ხელეწიფებოდათ მაგრამ სულაც არ ადარდებდათ. მეტიც- აწყობდათ დაპირისპირება რუსეთთან

ხო ქონდათ ცივი-ომისეული დაპირისპირების სურათი ბოროტების იმპერიასთან, მეტი არც არაფერი სჭირდებოდათ

დავითი გოლიათის წინააღმდეგ, სიკეთე ბოროტების წინააღმდეგ, მსოფლიო დემოკრატიის, სიმშვიდისა და სინათლის სადარაჯოზე მდგარი ნაც მოძრაობა- აი რა იყო მათი პი-არ-ი

ამ და სხვა ცრუ დაპირებებით და ცრუ-სტრატეგიით იყვნენ დასავლურ პოლიტიკურ საფარქვეშ და საკმაოდ სტაბილურადაც მოკალათებულნი

სხვათა შორის ამერიკა ის ქვეყანაა ხოსნი მუბარაქის ეგვიპტეში რომ დემოკრატია შენიშნა და უხვადაც აპურებდა (დღემდე აპურებს) ეგვიპტურ არმიას

ხოდა ისინი იქეთ იყვნენ ბედნიერები- კიაფობდა რა დემოკრატიის შუქურა ფოთში

და ესენი აქეთ, უჭერდა რა მხარს მას, როგორც თანამედროვეობის მორიგ პრო-დასავლურ ავტორიტარს- ამერიკა

ის უფრო მაინტერესებს რატომ დათმო ობამამ და აღიარა ჩვენი არჩევნები

მიგვახურდავეს ვითომ რუსებს? სირია, ირანი, ახლო აღმოსავლეთი- ეს ის საკითხებია მაგათ უფრო მეტად რო ანაღვლებთ და რუსები რომ ძალიან უშლიან ხელს. ხო არ მიგვყიდეს რუსებს თხებივით

მარა აი ბიძინა რო პრო-რუსულს აწვება მაგას ბევრი საუბარი სამწუხაროდ არ უნდა და ეგ უნდა გადავათქმევინოთ

ავტორი: ნინი
17.02.2013 03:07
ავტორი: ავტორი საიდან გვწერთ: თბილისი
16.02.2013 21:51
მწვავე პრობლემა - მოწეული მოსავლის რეალიზება დიდწილად მოიხსნება რუსული ბაზრის გახსნით, რომელსაც დღეს ყველანაირად ეწინააღმდეგება ვითომდა ხალხზე მზრუნველი "ნაციონალური მოძრაობა"

სერიოზულად გჯერათ რომ ნაციონალურ მოძრაობას ხელეწიფებოდა როდისმე პროდუქციის რუსულ ბაზარზე შესვლა-არშესვლის პრობლემის გადაწყვეტა? მგონი მოვიდა გამოფხიზლების დრო

ავტორი: ანონიმი
17.02.2013 01:48
მომკალი ძამია და რავა არ დევეთანხმო ავტორს და ჯიმიკიეს
გეიხსნება მაი რუსული ჩთილოური ბაზარი თუ რაცხა სიკვტილია და წევიღებთ პაწა ლეღვს და რასმე ციტრუსს და ქე მივყიდოთ ეგების იქინეურ ლამაზთვალება დამებს რამე
მიშიეს ფარისევლობაც ნამეტნავია, გაბრიაძის შენა ხარ ვენახიო მაინც ემღერა დევიჯერებდი რაცხას. მაი არ იყო რო გრიმიტობდა და შვილზე უკეთ მოვლილი ყურძენი რო ამოგვილპო ზავოდებთან, აქაო და 10 კაპიკად ჩევიბარებთ მაი მიკნავლებულ ყურძენსო, ისე დუუდგა თვალები მაგას თავის დამქაშებიანა უკეთესი ყურძენი არ ეხილა სათმე
რაია აი პოლიტიკა მაინც თლა ეიღებენ ხელს ხოლმე აი ოჯახაშენებულები

ავტორი: ანონიმი
16.02.2013 23:21
გინდა სეტყვას დაუზიანებია, გინდა ასე იზარალონ.

დავაი კომპენსაცია !

ავტორი: Jimi საიდან გვწერთ: Praha
16.02.2013 22:13
ძალიან მარტივია:

როცა ხელისუფლების წარმომადგენელი თავის წინამორბედს აბრალებს რაღაცას. ეს ნიშნავს, რომ მიმდინარე საქმე ცუდადაა და ვერ გამოსწორდება.

ავტორი: ავტორი საიდან გვწერთ: თბილისი
16.02.2013 21:51
მწვავე პრობლემა - მოწეული მოსავლის რეალიზება დიდწილად მოიხსნება რუსული ბაზრის გახსნით, რომელსაც დღეს ყველანაირად ეწინააღმდეგება ვითომდა ხალხზე მზრუნველი "ნაციონალური მოძრაობა"

სხვა მასალები

უცხოეთის პრესის მიმოხილვა

მიმდინარე კვირაში პრესა ბევრს წერდა ევროკომისიის ახალი პრეზიდენტის დამტკიცებასა და სირიის ქალაქ კობანისთვის მიმდინარე ბრძოლაზე.
გაგრძელება

აუდიო ქრის უოკერი: „მკაფიო ნორმების არარსებობას რუსეთი თავის სახეიროდ იყენებს“

გასულ კვირაში რადიო თავისუფლების პრაღის შტაბბინას ესტუმრა აშშ-ის დემოკრატიის ეროვნული ფონდის აღმასრულებელი დირექტორი ქრისტოფერ უოკერი, რომელიც "მეათე სტუდიაშიც" მოვიწვიეთ.
გაგრძელება

აუდიო „საქართველოს ამერიკელი მეგობრები“

​უკვე 20 წელია, რაც საქართველოში არსებობს არასამთავრობო ორგანიზაცია „საქართველოს ამერიკელი მეგობრები“.
გაგრძელება

თქვენი პუბლიკაციები

ძვირფასო მეგობრებო,

რადიო თავისუფლების რუბრიკაში „თავისუფალი სივრცე“ შეგიძლიათ საკუთარი ბლოგებისა და პუბლიცისტური სტატიების გამოქვეყნება.

ტექსტი არ უნდა აღემატებოდეს 700 სიტყვას.

რედაქცია იტოვებს უფლებას, საკუთარი შეხედულებისამებრ შეარჩიოს ტექსტები გამოსაქვეყნებლად. ავტორებს ვთხოვთ, გაითვალისწინონ რადიო თავისუფლების სარედაქციო პოლიტიკა, რომელსაც შეგიძლიათ გაეცნოთ განყოფილებაში „ფორუმის წესები“.

ტექსტები ქვეყნდება უცვლელად, რედაქტირების გარეშე.

მასალები მოგვაწოდეთ მისამართზე: tavisupleba@rferl.org
(subject-ში ჩაწერეთ „თავისუფალი სივრცე“)

ყველაზე პოპულარული