Accessibility links

რადიო თავისუფლება რადიო თავისუფლება

ვინ და როგორ უნდა მოუაროს ლარს?


თავისუფალი და აგრარული უნივერსიტეტის ლექტორი ზვიად ხორგუაშვილი (მარცხნივ) და ეკონომისტი სოსო სიმონიშვილი.
თავისუფალი და აგრარული უნივერსიტეტის ლექტორი ზვიად ხორგუაშვილი (მარცხნივ) და ეკონომისტი სოსო სიმონიშვილი.

გასულ კვირასთან შედარებით ლარის კურსის არა მხოლოდ დაღმასვლის, არამედ მკვეთრი დაცემის ფონზე ხელისუფლებამ საჭიროდ ჩათვალა, დამატებითი განმარტებები მიეწოდებინა მოსახლეობისთვის, რომელიც კარგად გრძნობს ლარის კურსის ვარდნის მთელ სიმძიმეს. პრემიერ-მინისტრმა სამშაბათს განაცხადა - „სახეზე გვაქვს აბსოლუტურად გამოკვეთილი სპეკულაცია და აჟიოტაჟი“; ეკონომიკის მინისტრმა - „ყველანაირი საფუძველი გვაქვს ვივარაუდოთ, რომ ის, რაც გუშინ ხდებოდა ბაზარზე, არის მხოლოდ და მხოლოდ აჟიოტაჟური ქცევის შედეგი“; ფინანსთა მინისტრმა - „ადგილი აქვს გარკვეულ სპეკულაციურ მოვლენებს ბაზარზე და კურსი აუცილებლად დასტაბილურდება“; პრეზიდენტის მრჩეველმა - „ყველაზე მნიშვნელოვანია გაგრძელდეს და გაძლიერდეს კოორდინირებული მუშაობა საქართველოს მთავრობასა და ეროვნულ ბანკს შორის“. ყველანი, მათ შორის ექსპერტებიც, თანხმდებიან, რომ ლარის კურსზე მნიშვნელოვან გავლენას ახდენს საგარეო ფაქტორები და ეს მეტნაკლებად აისახა ყველა პოსტსაბჭოთა ქვეყნის ვალუტებზე. თუმცა, საქართველოში კამათობენ, ვინ არის პასუხისმგებელი ქვეყნის შიგნით საკეთებელზე - ვის მეტი პასუხისმგებლობა ეკისრება ლარის კურსის მკვეთრად ვარდნის გამო? ნინო გელაშვილი ლარის კურსის ვარდნით შექმნილ ვითარებასა და სხვადასხვა უწყების კომპეტენციის საკითხზე ელაპარაკება თავისუფალი და აგრარული უნივერსიტეტის ლექტორს, ზვიად ხორგუაშვილსა და ეკონომისტ სოსო სიმონიშვილს.

ვინ და როგორ უნდა მოუაროს ლარს?
please wait

No media source currently available

0:00 0:14:14 0:00
გადმოწერა

  • 16x9 Image

    ნინო გელაშვილი

    უფროსი რედაქტორი, ყოველდღიური გადაცემის - „დილის საუბრების“ წამყვანი. მუშაობს საქართველოს შიდა პოლიტიკის, საერთაშორისო ურთიერთობების, ეკონომიკისა და ადამიანის უფლებების თემებზე. რადიო თავისუფლების ჟურნალისტია 1995 წლიდან.

დაწერეთ კომენტარი

XS
SM
MD
LG