6 თებერვალს რადიო თავისუფლების დილის გადაცემის სტუმრები იყვნენ დავით ოთიაშვილი, ექიმი-ნარკოლოგი, დამოკიდებულების კვლევითი ცენტრის – ”ალტერნატივა ჯორჯიას” ხელმძღვანელი და ჯანა ჯავახიშვილი, ფსიქოლოგი, ილიას უნივერსიტეტის ადიქტოლოგიის ინსტიტუტის ხელმძღვანელი. მათ ილაპარაკეს ილიას უნივერსიტეტში ადიქციის კვლევების სამაგისტრო პროგრამის დაწყებაზე. საგანმანათლებლო სისტემაში ამ სიახლის დანერგვა შესაძლებელი გახდა აშშ-ისა და ჩეხეთის განვითარების სააგენტოების, აგრეთვე ევროკავშირის "ტემპუსის" პროგრამის ხელშეწყობით. ჯანა ჯავახიშვილმა და დავით ოთიაშვილმა ილაპარაკეს ადიქციის მეცნიერული კვლევის მნიშვნელობასა და სხვა დარგებსა და სფეროებზე შესაძლო გავლენებზე.
