ივანიშვილი სამთავრობო ცვლილებებს ეხმაურება
კოალიცია „ქართული ოცნების“ მიერ მცხეთაში კვირას გამართული აქციის ბოლოს, ჟურნალისტებთან საუბრისას, კოალიციის ლიდერი, ბიძინა ივანიშვილი საქართველოს მთავრობაში მომხდარ საკადრო ცვლილებებსაც შეეხო. მისი თქმით, ამ დრომდე პრემიერ-მინისტრის პოსტი „საპენსიო“ იყო და მისთვის გაუგებარია მერაბიშვილი დააწინაურეს თუ პოლიციას ჩამოაშორეს. უფრო ადრე, საინფორმაციო სააგენტო „ინტერპრესნიუსმა“ გაავრცელა ივანიშვილის სიტყვები, რომ პრემიერ-მინისტრის პოსტზე მერაბიშვილის დანიშვნა „საკუთარ ხალხზე ძალადობის გაძლიერებას“ წარმოადგენს. სააგენტოს ცნობით, ამ სიტყვებით ივანიშვილი სტეფანწმინდაში, ჟურნალისტებთან საუბრისას გამოვიდა.
ყურადღება!
1 ივნისიდან რადიო თავისუფლების ქართული რედაქციის ვებსაიტზე ფორუმებით სარგებლობისთვის აუცილებელია რეგისტრაციის გავლა.
რეგისტრაციის გასავლელად დააჭირეთ ვებსაიტის ზედა მარჯვენა კუთხეში მოთავსებულ ბმულს „რეგისტრაცია“. (რეგისტრაციის გავლის შემდეგ ელექტრონული ფოსტით მიიღებთ ავტომატურ შეტყობინებას. ყურადღება მიაქციეთ, შეტყობინება თქვენი ელექტრონული ფოსტის spam-ში ხომ არ აღმოჩნდა.) კომენტარის დასაწერად არ დაგავიწყდეთ საიტზე შესვლა.