ლუკაშენკო ვერ დაესწრება ოლიმპიადის გახსნას
ბელორუსიის პრეზიდენტის "ოლიმპიური რგოლები"x
ბელორუსიის პრეზიდენტის "ოლიმპიური რგოლები"
ბელორუსიის პრეზიდენტი ალექსანდრ ლუკაშენკო, რომელიც, ამასთანავე, თავისი ქვეყნის ოლიმპიური კომიტეტის თავმჯდომარეც არის, ლონდონის ოლიმპიადის გახსნას ვერ დაესწრება. ზაფხულის 30-ე ოლიმპიური თამაშების საორგანიზაციო კომიტეტმა ლუკაშენკოს უარი უთხრა აკრედიტაციაზე. ბელორუსიის პრეზიდენტის ადმინისტრაციაში საორგანიზაციო კომიტეტის ამ გადაწყვეტილებაზე კომენტარს არ აკეთებენ.
ლუკაშენკოს, ბელორუსიის ხელისუფლების 200-მდე სხვა წარმომადგენელთან ერთად, ეკრძალება ევროპის კავშირის ქვეყნებში მოგზაურობა - ბელორუსიაში ადამიანის უფლებების სისტემატური და უხეში დარღვევების გამო
ლონდონის ოლიმპიადის გახსნის ცერემონიას 120-მდე ქვეყნის ლიდერები დაესწრებიან. ლუკაშენკოს გარდა, მიწვეულ სტუმართა შორის არ არის სირიის პრეზიდენტი ბაშარ ასადი და ზიმბაბვეს ლიდერი რობერტ მუგაბე.
ყურადღება!
1 ივნისიდან რადიო თავისუფლების ქართული რედაქციის ვებსაიტზე ფორუმებით სარგებლობისთვის აუცილებელია რეგისტრაციის გავლა.
რეგისტრაციის გასავლელად დააჭირეთ ვებსაიტის ზედა მარჯვენა კუთხეში მოთავსებულ ბმულს „რეგისტრაცია“. (რეგისტრაციის გავლის შემდეგ ელექტრონული ფოსტით მიიღებთ ავტომატურ შეტყობინებას. ყურადღება მიაქციეთ, შეტყობინება თქვენი ელექტრონული ფოსტის spam-ში ხომ არ აღმოჩნდა.) კომენტარის დასაწერად არ დაგავიწყდეთ საიტზე შესვლა.