აჭარის ადგილობრივი მთავრობის თავმჯდომარე არჩილ ხაბაძე მმართველ კოალიცია „ქართულ ოცნებასთან“ კონსულტაციის შედეგად გადაწყვეტს გამოცხადდება, თუ არა უმაღლეს საბჭოში, რასაც მისგან ოპოზიცია მოითხოვს. ადგილობრივ პარლამენტში არჩილ ხაბაძის დაბარების ინიციატორია ნაციონალური მოძრაობა, რომლის წინადადებას მხარი დაუჭირეს პარტია „თავისუფალი დემოკრატების“ წევრებმა და დამოუკიდებელმა დეპუტატებმა. ოპოზიცია აჭარის მთავრობის თავმჯდომარეს მისი მმართველობის პირობებში ინფრასტრუქტურული და საინვესტიციო პროექტების შეჩერებაში ადანაშაულებს, რასაც ადგილობრივი ხელისფლება კატეგორიულად უარყოფს.
დაწერეთ კომენტარი