ხუთშაბათი, 02 აპრილი, 2015 თბილისის დრო 05:22

პოლიტიკა

ვაშინგტონი აშშ-ის პრეზიდენტის ინაუგურაციის მოლოდინში

x

მულტიმედია

აუდიო
აშშ-ის პრეზიდენტი ბარაკ ობამა, ტრადიციის თანახმად, 21 იანვარს საჯარო ფიცს წარმოთქვამს აშშ-ის კაპიტოლიუმის კიბეებზე. ინაუგურაციამდე ბარაკ ობამამ თეთრ სახლში უზენაესი სასამართლოს თავმჯდომარის ჯონ რობერტსის წინაშე უკვე წარმოთქვა პრეზიდენტის ფიცის სიტყვები. მოელიან, რომ ქვეყნის პრეზიდენტად მეორე ვადით არჩეული ბარაკ ობამას ინაუგურაციას დაახლოებით 800 ათასი ადამიანი დაესწრება.

კვირას თეთრ სახლში პრეზიდენტის ფიცის დადების პირადული ცერემონია მხოლოდ ერთ წუთს გაგრძელდა. აშშ-ის კონსტიტუციის თანახმად, რადგან საპრეზიდენტო ვადა 20 იანვრის შუადღეს ამოიწურა, მეორე ვადით პრეზიდენტად არჩეულმა ბარაკ ობამამ, კონსტიტუციის დაცვით, ინაუგურაციამდე ერთი დღით ადრე, უზენაესი სასამართლოს თავმჯდომარის ჯონ რობერტსის წინაშე წარმოთქვა საზეიმო ფიცის სიტყვები:

„მე, ბარაკ ჰუსეინ ობამა, საზეიმოდ ვფიცავ, რომ ერთგულად ვუხელმძღვანელებ აშშ-ის პრეზიდენტის ადმინისტრაციას და გავაკეთებ ჩემი შესაძლებლობის მაქსიმუმს, რათა მოვუარო, გავუფრთხილდე და დავიცვა აშშ-ის კონსტიტუცია. ღმერთი იყოს ჩემი შემწე!

ჯონ რობერტსი: გილოცავთ, ბატონო პრეზიდენტო!

ძალიან დიდი მადლობა, ბატონო უზენაესი სასამართლოს თავმჯდომარევ!“


პროტოკოლის თანახმად, დამსწრეთა წინაშე ბარაკ ობამა ფიცის ამ სიტყვებს ინაუგურაციაზე 21 იანვარსაც გაიმეორებს. მოელიან, რომ ქვეყნის პრეზიდენტად მეორე ვადით არჩეული ბარაკ ობამას საზეიმო ფიცის დადებას ვაშინგტონში ორშაბათს დაახლოებით 800 ათასი ადამიანი დაესწრება. 2008 წელს ობამას პირველ ინაუგურაციას კი ორჯერ უფრო მეტი ადამიანი ესწრებოდა.

ინაუგურაციაზე ჰიმნს, რაც აშშ-ის ტრადიციაა, ცნობილი მომღერალი ბიონსე შეასრულებს, რომელმაც 2008 წლის ინაუგურაციის ბალზე სერენადა უმღერა ბარაკ ობამას.

ლათინური ამერიკის წარმომადგენლებისა და გეების პატივსაცემად, რომლებიც მხარს უჭერდნენ ბარაკ ობამას მეორე ვადით არჩევას, ინაუგურაციაზე ლექსს წაიკითხავს 44 წლის გეი, კუბელი ემიგრანტი რიჩარდ ბლანკო.

თეთრი სახლის თანახმად, ფიცის მიღების შემდეგ ბარაკ ობამა წარმოთქვამს ოცწუთიან საზეიმო სიტყვას, რომელშიც აშშ-სა და ქვეყნის ტრადიციულ ფასეულობებზე, ასევე პრეზიდენტისეულ ზოგიერთ ინიციატივაზე გამახვილდება ყურადღება.

ინაუგურაციის შემდეგ კაპიტოლიუმში გაიმართება საზეიმო სადილი, შემდეგ კი პენსილვანიის  მოედანზე, რომელიც 2.4 კილომეტრზეა გადაჭიმული კაპიტოლიუმიდან თეთრ სახლამდე, ტრადიციული სამხედრო აღლუმი შედგება. ინაუგურაციაზე უსაფრთხოების დასაცავად 100 სამართალდამცველია მობილიზებული, უსაფრთხოების გაძლიერებული ზომები იქნება მიღებული ვაშინგტონთან დამაკავშირებელ სახმელეთო, საჰაერო და სანაოსნო გზებზე.


ყურადღება!
რადიო თავისუფლების ქართული რედაქციის ვებსაიტზე ფორუმებით სარგებლობისთვის აუცილებელია რეგისტრაციის გავლა.

რეგისტრაციის გასავლელად დააჭირეთ ვებსაიტის ზედა მარჯვენა კუთხეში მოთავსებულ ბმულს „რეგისტრაცია“. (რეგისტრაციის გავლის შემდეგ ელექტრონული ფოსტით მიიღებთ ავტომატურ შეტყობინებას. ყურადღება მიაქციეთ, შეტყობინება თქვენი ელექტრონული ფოსტის spam-ში ხომ არ აღმოჩნდა.) კომენტარის დასაწერად არ დაგავიწყდეთ საიტზე შესვლა.
ეს ფორუმი დაიხურა
კომენტარები
     
ამ ფორუმში კომენტარი არ არის. დაწერეთ პირველი კომენტარი

სხვა მასალები

აუდიო „ეს იყო სრული სპექტრის საბრძოლო ოპერაცია“

მარტის ბოლოს საქართველომ უდანაკარგოდ დაასრულა ათთვიანი სამშვიდობო-სამხედრო მისია ცენტრალური აფრიკის რესპუბლიკაში. აფრიკის ამ „ცხელ წერტილში“ მყოფმა ქართველმა ჯარისკაცებმა არაერთი სახიფათო ოპერაცია ჩაატარეს.
გაგრძელება

აუდიო „გამსახურდიას თვალებში სევდა ამოვიკითხე“

31 მარტს დაბადებიდან 76 წელის შეუსრულდებოდა საქართველოს პირველ პრეზიდენტს, რომელსაც იხსენებენ არა მხოლოდ საქართველოში, მის სამშობლოში, არამედ ჩეჩნეთშიც, სადაც ზვიად გამსახურდიამ და მისმა ოჯახმა დევნილობაში წელიწად-ნახევარი გაატარეს.
გაგრძელება

აუდიო ბინათმესაკუთრეთა ამხანაგობების პროექტები

გორში ბინათმესაკუთრეთა ამხანაგობების პროექტების განხორციელება დაიწყო. ადგილობრივ ბიუჯეტში ამხანაგობათა პროექტების დასაფინანსებლად სპეციალური მუხლი არსებობს, მაგრამ ხშირ შემთხვევაში ამ ფინანსებით ბინათმესაკუთრეები არ სარგებლობენ. მერიის თანამშრომლები ყოველი საჯარო შეხვედრის დროს მოქალაქეებს გააქტიურებისკენ მოუწოდებენ.
გაგრძელება

რუსეთის პრესის მიმოხილვა. 2015 წლის 1 აპრილი

„საქართველოს პრეზიდენტი გადავიდა რუსეთის ოპოზიციაში“ - ასეთი სტატიით გამოეხმაურა გაზეთი „კომერსანტი“ საქართველოს პრეზიდენტის ყოველწლიურ მოხსენებას, რომლითაც გიორგი მარგველაშვილი ქართველი დეპუტატების წინაშე 31 მარტს წარდგა.
გაგრძელება

თქვენი პუბლიკაციები

ძვირფასო მეგობრებო,

რადიო თავისუფლების რუბრიკაში „თავისუფალი სივრცე“ შეგიძლიათ საკუთარი ბლოგებისა და პუბლიცისტური სტატიების გამოქვეყნება.

ტექსტი არ უნდა აღემატებოდეს 700 სიტყვას.

რედაქცია იტოვებს უფლებას, საკუთარი შეხედულებისამებრ შეარჩიოს ტექსტები გამოსაქვეყნებლად. ავტორებს ვთხოვთ, გაითვალისწინონ რადიო თავისუფლების სარედაქციო პოლიტიკა, რომელსაც შეგიძლიათ გაეცნოთ განყოფილებაში „ფორუმის წესები“.

ტექსტები ქვეყნდება უცვლელად, რედაქტირების გარეშე.

მასალები მოგვაწოდეთ მისამართზე: tavisupleba@rferl.org
(subject-ში ჩაწერეთ „თავისუფალი სივრცე“)

ყველაზე პოპულარული