Accessibility links

რადიო თავისუფლება რადიო თავისუფლება

ლიბიის სანაპიროსთან ასობით მიგრანტი დაიღუპა


მიგრანტები ლიბიის სანაპიროსთან
მიგრანტები ლიბიის სანაპიროსთან

"ბიბისის" ცნობით, ვარაუდობენ, რომ ასეულობით ადამიანი დაიღუპა ლიბიის სანაპიროსთან, ზუვარასთან ორი გემის ჩაძირვის შედეგად. ერთზე, რომელმაც დახმარება ხუთშაბათს დილით ითხოვა, თითქმის 50 ადამიანი იმყოფებოდა. მეორე გემით, რომელიც გადატვირთული იყო მიგრანტებით, დაახლოებით 400 ადამიანი მგზავრობდა. მეორე გემი გაცილებით გვიან ჩაიძირა.

ხელისუფლების ცნობით, 201 ადამიანის შველა მოხერხდა სანაპიროს დაცვის მიერ, თუმცა ბევრი ადამიანი ამობრუნებულ გემში გამომწყვდეული აღმოჩნდა. ტრიპოლიდან დასავლეთით, საბრათაში არალეგალური მიგრანტებისთვის განკუთვნილ დაკავების ობიექტში, „როიტერსის“ ინფორმაციით, 147 ადამიანი მიიყვანეს. „ბიბისის“ ადგილობრივმა მცხოვრებმა აცნობა, რომ სულ ცოტა 100 გვამი მიიტანეს ზუვარის საავადმყოფოში. იმავე წყაროს თანახმად, მსხვერპლთა შორის იყვნენ მიგრანტები სირიიდან, ბანგლადეშიდან და სუბ-საჰარის აფრიკის ქვეყნებიდან.

გაეროს ინფორმაციით, დაახლოებით 2400 მიგრანტი დაიღუპა ხმელთაშუა ზღვით ევროპამდე მიღწევის მცდელობისას. 100 ათასზე მეტმა მიაღწია იტალიას, კიდევ 160 ათასმა საბერძნეთი გადაკვეთა.

დაწერეთ კომენტარი

XS
SM
MD
LG