კვირა, 02 აგვისტო, 2015 თბილისის დრო 10:17

საზოგადოება / მსოფლიო

11 მეცნიერი პრემიის მიღების შემდეგ მულტიმილიონერი გახდა

სერგეი ბრინი და მარკ ცუკერბერგი.სერგეი ბრინი და მარკ ცუკერბერგი.
x
სერგეი ბრინი და მარკ ცუკერბერგი.
სერგეი ბრინი და მარკ ცუკერბერგი.

მულტიმედია

აუდიო
მეცნიერების სფეროში ახალი პრემია დაარსდა, რომლის 11 ლაურეატი მყისიერად მულტიმილიონერი გახდა.

ჯილდოს სახელად „სიცოცხლის მეცნიერებებში გარღვევის პრემია“ ჰქვია და 3 მილიონ დოლარს მოიცავს, რაც ორჯერ და მეტჯერ აღემატება ნობელის პრემიით გათვალისწინებულ თანხას.

პრემია ტექნოლოგიების სფეროში მომუშავე გავლენიანი პირების დაარსებულია - მათ შორის არიან „გუგლის“ თანადამაარსებელი  სერგეი ბრინი, „ფეისბუქის“ დამაარსებელი მარკ ცუკერბერგი და იური მილნერი, ტექნოლოგიების სფეროში ინვესტორი რუსეთიდან.

პირველი 11 გამარჯვებულიდან 9 აშშ-ის უნივერსიტეტებსა და ინსტიტუტებში მოღვაწეობს, ერთი - იაპონიაში და ერთიც - ჰოლანდიაში.

გაცემული თანხა უნდა დაიხარჯოს კიბოსთან ბრძოლის, გენეტიკასა და ღეროვან უჯრედებზე მუშაობის სფეროებში.
პარკინსონის დაავადებისგან განკურნების გზების ძიება ჩვენთვის ძალიან პირადული საკითხია. ეს დაავადება აქვს ჩემს დედამთილს, ჩემი ქმარი კი მაღალი რისკის ჯგუფშია...

სიცოცხლის მეცნიერებებში გარღვევის პრემიის ფონდი სამომავლოდ გეგმავს ყოველწლიურად 5 პრემიის გაცემას, 3-3 მილიონი დოლარის ოდენობით.
ფონდის წევრების თქმით, მათი მთავარი მიზანია მეცნიერების  სფეროში ენთუზიაზმის გაზრდა და იმ მკვლევართა წახალისება, რომლებიც ადამიანის სიცოცხლის გახანგრძლივებაზე მუშაობენ.

„ვფიქრობ, ჩვენს საზოგადოებას მეტი გმირი ესაჭიროება - მეცნიერი, მკვლევარი, ინჟინერი გმირები“, - ამბობს მარკ ცუკერბერგი, „ფეისბუქის“ დამაარსებელი.

„გუგლის“ წარმომადგენლის სერგეი ბრინის აზრით, მეცნიერებს საზოგადოება უფრო მეტ პატივს უნდა სცემდეს, ვიდრე, მაგალითად, სპორტის ვარსკვლავებს, თუნდაც იმ სიკეთის გამო, რომელიც მათ ადამიანის სიცოცხლისთვის მოაქვთ.

ფონდის კიდევ ერთი დირექტორი, ენ ვოიჩიცკი, რომელიც გენეტიკაზე მომუშავე კომპანია „23andMe”-ს დამაარსებელი და ბრინის მეუღლეა, იმედს გამოთქვამს, რომ ახალი ფონდის მეშვეობით  ნაბიჯები გადაიდგმება, მაგალითად, პარკინსონის დაავადებასთან ბრძოლაში. ეს დაავადება მის ოჯახს უშუალოდ შეეხო:

„პარკინსონის დაავადებისგან განკურნების გზების ძიება ჩვენთვის ძალიან პირადული საკითხია. ეს დაავადება აქვს ჩემს დედამთილს, ჩემი ქმარი კი მაღალი რისკის ჯგუფშია. ვფიქრობ, რაღაც დაავადება ყველა ოჯახშია და თან ყველას სურს ჯანმრთელი, ხანგრძლივი სიცოცხლე“.

სიცოცხლის მეცნიერებებში გარღვევის პრემიის ფონდი აცხადებს, რომ ის წარმოადგენს არაკომერციულ ორგანიზაციას, რომელიც მიზნად ისახავს მეცნიერების სფეროში მიღწეული გარღვევების აღნიშვნას და ამ გზით სამომავლო წარმატებების ხელშეწყობას.

ფონდი აცხადებს, რომ პრემიაზე კანდიდატების წარდგენა მთელ მსოფლიოში ყველას შეეძლება ინტერნეტის მეშვეობით. ნომინანტებს ასაკობრივი შეზღუდვა არა აქვთ დაწესებული.

ფონდის წარმომადგენლების თქმით, ამ ახალი ჯილდოს სახით საქმე გვაქვს „ყველაზე მსხვილ სამეცნიერო პრემიასთან ისტორიაში“.


ძვირფასო მეგობრებო, რადიო თავისუფლების ფორუმში მონაწილეობისთვის გთხოვთ, გამოიყენოთ თქვენი Facebook-ის ანგარიში. კომენტარები მოდერაციის შემდეგ ქვეყნდება და საიტზე მათ გამოჩენას გარკვეული დრო სჭირდება. გთხოვთ, გაითვალისწინოთ, რომ ღამის საათებში კომენტარები არ ქვეყნდება.

სხვა მასალები

ვიდეო ორსონ უელსი – 100

„წითელი ზონის“ მორიგი გამოშვება ეძღვნება დიდი ამერიკელი რეჟისორის, ორსონ უელსის დაბადების მეასე წლისთავს. უელსი ავტორია კინოფილმისა, რომელიც დიდი ხანია, კრიტიკოსთა ლამის ყველა გამოკითხვის მიხედვით, მსოფლიოს ყველა დროის საუკეთესო ფილმადაა მიჩნეული.
გაგრძელება

აუდიო სასროლეთი გორში დარჩება

გორიდან სასროლეთი არსად გადავა, - ეს განცხადება თავდაცვის მინისტრმა თინა ხიდაშელმა სამხედრო ჰოსპიტლის ეზოში გააკეთა. თავდაცვის მინისტრმა საქართველოს სამხედრო ბაზებისა და სხვა ობიექტების ერთკვირიანი შემოვლა დღეს გორში დაასრულა, მის ჩამოსვლამდე კი ქალაქის გარეუბანში საპროტესტო აქციები იმართებოდა.
გაგრძელება

უცხოეთის პრესის მიმოხილვა

მიმდინარე კვირის უცხოური პრესის მიმოხილვას დავიწყებთ ჰოლანდიურ ლიბერალურ გამოცემა „ჰანდელსბადში“ გამოქვეყნებული სტატიით, რომელიც მალაიზიის ავიახაზების კუთვნილი სამგზავრო თვითმფრინავის კატასტროფის მიზეზების დამდგენი ტრიბუნალის შექმნის თაობაზე გაეროს უშიშროების საბჭოში წარდგენილ რეზოლუციაზე რუსეთის ვეტოს ეხმაურება.
გაგრძელება

აუდიო საქართველოს ეკონომიკური ზრდის ტენდენციები

სტატისტიკის ეროვნულმა სამსახურმა საქართველოს ეკონომიკური ზრდის ნახევარი წლის წინასწარი მაჩვენებლები გამოაქვეყნა, რომლის მიხედვით, ქვეყნის მთლიანმა შიდა პროდუქტმა 2.6 პროცენტით მოიმატა.
გაგრძელება

თქვენი პუბლიკაციები

ძვირფასო მეგობრებო,

რადიო თავისუფლების რუბრიკაში „თავისუფალი სივრცე“ შეგიძლიათ საკუთარი ბლოგებისა და პუბლიცისტური სტატიების გამოქვეყნება.

ტექსტი არ უნდა აღემატებოდეს 700 სიტყვას.

რედაქცია იტოვებს უფლებას, საკუთარი შეხედულებისამებრ შეარჩიოს ტექსტები გამოსაქვეყნებლად. ავტორებს ვთხოვთ, გაითვალისწინონ რადიო თავისუფლების სარედაქციო პოლიტიკა, რომელსაც შეგიძლიათ გაეცნოთ განყოფილებაში „ფორუმის წესები“.

ტექსტები ქვეყნდება უცვლელად, რედაქტირების გარეშე.

მასალები მოგვაწოდეთ მისამართზე: tavisupleba@rferl.org
(subject-ში ჩაწერეთ „თავისუფალი სივრცე“)

ყველაზე პოპულარული