გარდაიცვალა ავღანეთში დაჭრილი კიდევ ერთი ქართველი ჯარისკაცი
ავღანეთში საბრძოლო დავალების დროს მიღებული ჭრილობების შედეგად გორის სამხედრო ჰოსპიტალში გარდაიცვალა ქართველი ჯარისკაცი გივი ფანცულაია.
ინფორმაცია ჯარისკაცის გარდაცვალების თაობაზე საქართველო თავდაცვის სამინისტრომ საკუთარ საიტზე გამოქვეყნებულ ცნობაში დაადასტურა, სადაც სამძიმარს უცხადებს ჯარისკაცის ოჯახს.
კაპრალი გივი ფანცულაია ავღანეთში, ჰელმანდის პროვინციაში 6 იანვარს ნაღმზე აფეთქებისას დაიჭრა და მას შემდეგ ის ჯერ გერმანიაში, შემდეგ კი გორის ჰოსპიტალში მკურნალობდა.
სამხედრო ჰოსპიტლის თანამშრომლების ცნობით, ჯარისკაცი 27 ივლისს გარდაიცვალა და მისი ცხედარი უკვე სახლშია გადასვენებული.
გივი ფანცულაია
ავღანეთში დაღუპული მე-17 ქართველი სამხედროა. ქართველი კაპრალი მესამე ქვეითი ბრიგადის 31-ე ბატალიონში მსახურობდა. ამ ქვედანაყოფს ყველაზე დიდი დანაკარგი ჰქონდა ავღანეთში.
ყურადღება!
1 ივნისიდან რადიო თავისუფლების ქართული რედაქციის ვებსაიტზე ფორუმებით სარგებლობისთვის აუცილებელი იქნება რეგისტრაციის გავლა. დღეიდან მოქმედებს პარალელური სისტემა: ფორუმში მონაწილეობა შესაძლებელია როგორც რეგისტრაციით, ისე მის გარეშე. მაგრამ 1 ივნისიდან ფორუმებში მონაწილეობა მხოლოდ რეგისტრირებულ მომხმარებლებს შეეძლებათ.
რეგისტრაციის გასავლელად დააჭირეთ ვებსაიტის ზედა მარჯვენა კუთხეში მოთავსებულ ბმულს „რეგისტრაცია“. (რეგისტრაციის გავლის შემდეგ ელექტრონული ფოსტით მიიღებთ ავტომატურ შეტყობინებას. ყურადღება მიაქციეთ, შეტყობინება თქვენი ელექტრონული ფოსტის spam-ში ხომ არ აღმოჩნდა.)