არჩილ გამზარდია: "პარადოქსია, მაგრამ პუტინი მეტ პოზიტიურს სწავლობს სააკაშვილისგან...”

არჩილ, კიდევ ერთხელ დიდი მადლობა ძალიან საინტერესო ინტერვიუსთვის. გიგზავნით შეკითხვებს, რომელთა დასმა რადიოეთერში ვერ მოვასწარი:


1. თითქოს, „პიარის“ და პროპაგანდის გარჩევა ძალიან მარტივი საქმეა და რატომ ხდება, რომ პროპაგანდის „პიარად“ „გასაღებას“ განსაკუთრებული დაბრკოლებების გარეშე ახერხებენ მიხეილ სააკაშვილი და მისი თანამოაზრეები?

2. ჩემი აზრით, პროპაგანდა ტოტალიტარიზმის პირობებში არსებობს, სადაც ხელისუფლება საზოგადოების ცნობიერებაზე ზემოქმედებისთვის იყენებს ცენზურას, რიტუალიზაციას, ადამიანის ცხოვრების არსებითი სფეროების კონტროლის მეთოდებს. ასეთ დროს კომუნიკაციას ცალმხრივობა ახასიათებს. მეთანხმებით თუ არა, რომ პროპაგანდა ჩაკეტილ საზოგადოებაში გვხვდება, პიარი კი მხოლოდ კონკურენტული საზოგადოების პირობებში არსებობს?

3. ყოველთვის მიმაჩნდა, რომ პიარ ტექნოლოგიების არამართებული გამოყენება და გარკვეული თემების თავს მოხვევა საზოგადოებისათვის, საბოლოოდ უკურეაქციის მომტანი იქნებოდა და იქნება.
სამწუხაროდ, ჩემი ზედაპირული დაკვირვება ამას მიდასტურებს: დღეს საქართველოში ლამის ყველა თემა, სიტყვა და იდეა გაცვითეს, როგორც პოლიტიკოსებმა, ისე კერძო სექტორის მარკეტოლოგებმა - იქნებ ვცდები, მაგრამ ვფიქრობ, რომ ეს საბოლოოდ დიდ გაუცხოებამდე და ნიჰილიზმამდე მიგვიყვანს. კითხვა, ალბათ, ასეთი მექნება: - რას ნიშნავს არაეთიკურობა პიარში და რა შედეგები დგება ასეთ დროს?