ოთხშაბათი, 22 ოქტომბერი, 2014 თბილისის დრო 11:58

პოლიტიკა / მსოფლიო

ინდოეთსა და პაკისტანს შორის ურთიერთობა იძაბება

ინდოეთ-პაკისტანის საზღვარზე ვითარება დაძაბულიაინდოეთ-პაკისტანის საზღვარზე ვითარება დაძაბულია
x
ინდოეთ-პაკისტანის საზღვარზე ვითარება დაძაბულია
ინდოეთ-პაკისტანის საზღვარზე ვითარება დაძაბულია
ინდოეთმა მკაცრად დაგმო პაკისტანის შეიარაღებული ძალების მიერ ქაშმირის სადავო ტერიტორიაზე ინდოეთის ორი ჯარისკაცის მოკვლა. ინდოეთის საგარეო საქმეთა სამინისტრომ ინციდენტს „ყოვლად დაუშვებელი“ და „ძალიან შემაშფოთებელი“ უწოდა.

ოთხშაბათს ინდოეთის საგარეო საქმეთა მინისტრმა სალმან ხურშიდმა მკაცრად გააკრიტიკა პაკისტანი ქაშმირში მომხდარი ინციდენტის გამო, თუმცა, დასძინა, ამ ფაქტმა არ უნდა  შეარყიოს ორი ქვეყნის ურთიერთობის გაუმჯობესებისაკენ მიმართული ძალისხმევაო: 

„ძალიან მნიშვნელოვანია იმის გარანტია, რომ მომხდარი არ გამოიწვევს ესკალაციას. ჩვენ არ უნდა დავუშვათ ესკალაცია იმ ძალიან სამწუხარო მოვლენის გამო, რასაც ადგილი ჰქონდა“.

ინდოეთის არმიის ინფორმაციით, ორი ჯარისკაცი იმ დროს დაიღუპა, როდესაც სამშაბათს მათ გადაკვეთეს ჰიმალაის ტერიტორიაზე გამავალი ე.წ. კონტროლის ხაზი, რომელიც ერთმანეთისაგან ყოფს ინდოეთსა და პაკისტანს. ინდოეთის არმია აცხადებს, რომ ერთ-ერთი მოკლული ინდოელი ჯარისკაცის გვამი „საშინლად იყო დასახიჩრებული“. როგორც ინდოეთის შეიარაღებული ძალების სპეციალურმა წარმომადგენელმა უთხრა სააგენტო „ფრანს პრესს“, ჯარისკაცს თავი ჰქონდა მოჭრილი. ინდოეთის მთავრობამ დელიში განმარტებისათვის დაიბარა პაკისტანის დიპლომატიური უწყების წარმომადგენელი, ხოლო ინდოეთის თავდაცვის მინისტრმა მკაცრად დაგმო ინდოელი ჯარისკაცების მიმართ განხორციელებული ქმედება:

„პაკისტანის არმიის მოქმედება უკიდურესად პროვოკაციულია. არაჰუმანურია დაღუპულ ინდოელ ჯარისკაცთა გვამების მიმართ მათი მოპყრობა. ჩვენ პროტესტს გავუგზავნით პაკისტანის მთავრობას, ხოლო ჩვენი სამხედრო ოპერაციების სარდლობის გენერალური დირექტორი პაკისტანელ კოლეგასთან მოლაპარაკებას გამართავს. ჩვენ ყურადღებით ვსწავლობთ შექმნილ სიტუაციას“.

პაკისტანის არმიის ხელმძღვანელობა უარყოფს ინციდენტში მისი ჯარისკაცების მონაწილეობას და დელის ბრალდებებს „პროპაგანდას“ უწოდებს, რომელიც პაკისტანის საკონტროლო-გამშვებ პუნქტზე გასულ კვირას ინდოელი ჯარისკაცების თავდასხმისაგან ყურადღების გადატანას ისახავს მიზნად. პაკისტანი აცხადებს, რომ 6 იანვარს მომხდარი ინციდენტის დროს მისი ერთი ჯარისკაცი მოკვდა.

უპირატესად მუსლიმანებით დასახლებული ქაშმირი, რომელზეც პრეტენზიას ორივე ქვეყანა აცხადებს, რამდენჯერმე გახდა ინდოეთ-პაკისტანს შორის ომის მიზეზი მას შემდეგ, რაც ბრიტანეთის მმართველობის ქვეშ მყოფმა ქვეყნებმა 1947 წელს დამოუკიდებლობა გამოაცხადეს. 2003 წლიდან კონტროლის ზონის გასწვრივ ცეცხლის შეწყვეტის რეჟიმი მოქმედებს, რასაც ორივე მხარე ხშირად არღვევს.

გასულ წელს ინდოეთმა და პაკისტანმა განაახლეს სამშვიდობო მოლაპარაკება, რომელიც შეწყვეტილი იყო მუმბაიში 2008 წელს მომხდარი თავდასხმის გამო. 4 წლის წინ პაკისტანში მოქმედმა ექსტრემისტულმა დაჯგუფებამ მუმბაიში 166 კაცი დახოცა.


ყურადღება!
რადიო თავისუფლების ქართული რედაქციის ვებსაიტზე ფორუმებით სარგებლობისთვის აუცილებელია რეგისტრაციის გავლა.

რეგისტრაციის გასავლელად დააჭირეთ ვებსაიტის ზედა მარჯვენა კუთხეში მოთავსებულ ბმულს „რეგისტრაცია“. (რეგისტრაციის გავლის შემდეგ ელექტრონული ფოსტით მიიღებთ ავტომატურ შეტყობინებას. ყურადღება მიაქციეთ, შეტყობინება თქვენი ელექტრონული ფოსტის spam-ში ხომ არ აღმოჩნდა.) კომენტარის დასაწერად არ დაგავიწყდეთ საიტზე შესვლა.
ეს ფორუმი დაიხურა
კომენტარები
     
ამ ფორუმში კომენტარი არ არის. დაწერეთ პირველი კომენტარი

სხვა მასალები

აუდიო უსახლკაროები დახმარების მოლოდინში

​ქუთაისის სკვერებსა და პარკებში უსახლკარო ადამიანები ღამეს ღია ცის ქვეშ სკამძელებზე ათევენ. მერიის საბინაო ინფრასტრუქტურის მართვისა და განვითარების სამსახურის მონაცემებით, ადგილობრივ თვითმმართველობას 900-ზე მეტმა ადამიანმა მიმართა.
გაგრძელება

აუდიო საძოვრის გარეშე დარჩენილი სოფელი

​ლაგოდეხის მუნიციპალიტეტის სოფელ ბოლქვის მოსახლეობა საძოვარს ითხოვს. ადგილობრივები გვეუბნებიან, რომ მიწა დაახლოებით ორი წლის წინ ფარულად გაიყიდა და მას შემდეგ სოფელში მსხვილფეხა საქონლის საბალახოდ ადგილი არა აქვთ.
გაგრძელება

აუდიო ზუგდიდის მერიის ყოფილი თანამშრომელი ნარკოდანაშაულშია მხილებული

​ზუგდიდის მერიის ზედამხედველობის სამსახურის მთავარი სპევიალისტის მოვალეობის შემსრულებელი ნარკოდანაშაულის ბრალდებით დააკავეს.
გაგრძელება

აუდიო კრემლი მოლდავეთს აფრთხილებს

რუსეთის ფედერაციის საგარეო საქმეთა მინისტრმა სერგეი ლავროვმა ევროპის კავშირი გააფრთხილა, რომ მოლდავეთში უკრაინის სცენარის გამეორებამ შეიძლება სავალალო შედეგი იქონიოს.
გაგრძელება

თქვენი პუბლიკაციები

ძვირფასო მეგობრებო,

რადიო თავისუფლების რუბრიკაში „თავისუფალი სივრცე“ შეგიძლიათ საკუთარი ბლოგებისა და პუბლიცისტური სტატიების გამოქვეყნება.

ტექსტი არ უნდა აღემატებოდეს 700 სიტყვას.

რედაქცია იტოვებს უფლებას, საკუთარი შეხედულებისამებრ შეარჩიოს ტექსტები გამოსაქვეყნებლად. ავტორებს ვთხოვთ, გაითვალისწინონ რადიო თავისუფლების სარედაქციო პოლიტიკა, რომელსაც შეგიძლიათ გაეცნოთ განყოფილებაში „ფორუმის წესები“.

ტექსტები ქვეყნდება უცვლელად, რედაქტირების გარეშე.

მასალები მოგვაწოდეთ მისამართზე: tavisupleba@rferl.org
(subject-ში ჩაწერეთ „თავისუფალი სივრცე“)

ყველაზე პოპულარული