20 წელზე მეტი გავიდა მას შემდეგ, რაც აფხაზეთიდან დევნილების პირველი ტალღა დაიძრა... მას შემდეგ იწყება საქართველოში დევნილობის დაუსრულებელი საგა, ტკივილისა და პრობლემების დაუსრულებელი ამბავი... დროდადრო ახალი „შევსებებით“ - საკუთარი სახლებიდან აყრილი ოჯახებით, ახალი კონფლიქტებით, ომით და ახალი გადასახლებით... კვლავ გრძელდება უსახლკარობისა და მიუსაფრობის ამბავი, კვლავ გრძელდება მოუშუშებელი ტკივილების ისტორია... რატომ ვერ მოგვარდა დევნილების პრობლემა? ამ მთავარ და ათას სხვა კითხვაზე ცდილობენ პასუხის დაძებნას დღევანდელ გადაცემაში რადიო თავისუფლების სტუმრები: მურად აბლოთია, დევნილთა და განსახლების სამინისტროს დევნილთა საკითხების დეპარტამენტის უფროსი და ზურაბ ბენდიანიშვილი, კოალიციის - ”დევნილთა უფლებებისათვის” - აღმასრულებელი დირექტორი. საუბარს მარინა ვაშაყმაძე უძღვება.
