აქვს, თუ არა საფუძველი საქართველოს დასავლური საგარეო კურსის მიმართ ეჭვებს?

საქართველოს პრეზიდენტსა და მთავრობას შორის შესამჩნევად გამწვავდა პოლიტიკური პოლემიკა საქართველოს საგარეო პოლიტიკური კურსის თემაზე. საკითხი გასცდა საქართველოს საზღვრებს და ორიოდე დღის წინ მიხეილ სააკაშვილმა თავისი ეჭვები დასავლური საგარეო კურსის შენარჩუნების მიმართ უკვე ევროსაბჭოს საპარლამენტო ასამბლეაზე გამოთქვა. ზოგიერთი პოლიტიკოსი და ექსპერტი ბოლო დღეების საკადრო სიახლეებსაც ახალი ხელისუფლების საგარეო კურსის კონტექსტში განიხილავს. ამგვარი ეჭვებისა და შიშების საფუძვლიანობაზე სასაუბროდ ნინო გელაშვილმა თბილისის სტუდიაში მიიწვია პოლიტოლოგები თენგიზ ფხალაძე და კახა გოგოლაშვილი.