შაბათი, 19 აპრილი, 2014 თბილისის დრო 14:08

ახალი ამბები

ალმა-ათაში ოთხშაბათს განახლდება მოლაპარაკება ირანის ბირთვულ პროგრამაზე

ტექსტის ზომა - +
26.02.2013
ალმა-ათაში გარღვევის გარეშე დასრულდა ირანის ბირთვულ პროგრამაზე საერთაშორისო მოლაპარაკების პირველი დღე. შეხვედრის მონაწილეები - ირანისა და მსოფლიოს ექვსი წამყვანი ქვეყნის წარმომადგენლები - შეთანხმდნენ, რომ ოთხშაბათს განაახლებენ შეხვედრას. დღევანდელ მოლაპარაკებას „სასარგებლო“ უწოდა ევროკავშირის საგარეო-პოლიტიკური ლიდერის, კეტრინ ეშტონის პრესმდივანმა, მაიკლ მენმა. ეშტონი კოორდინაციას უწევს ირანთან კონტაქტს ამ ქვეყანასთან ბირთვულ პროგრამაზე მოლაპარაკებაში მონაწილე ქვეყნების - შეერთებული შტატების, ბრიტანეთის, საფრანგეთის, რუსეთის, ჩინეთისა და გერმანიის - დავალებით. ალმა-ათაში მოლაპარაკება პირველად იმართება მას შემდეგ, რაც რვა თვის წინ წარუმატებლად დასრულდა მოსკოვში ჩატარებული შეხვედრა. დასავლეთში შიშობენ, რომ ირანის ბირთვული პროგრამა ბირთვული იარაღის შექმნას ემსახურება. ირანი უარყოფს ამ ბრალდებას.
26 თებერვალი 2013
26 თებერვალი 2013

კალენდარი