სამშაბათი, 24 მაისი, 2016 თბილისის დრო 13:47

ახალი ამბები

განცხადების გარეშე დასრულდა საქართველო-ევროკავშირის საპარლამენტო თანამშრობლომის კომიტეტის შეხვედრა

26.02.2013
ბრიუსელში გაიმართა საქართველო-ევროკავშირის საპარლამენტო თანამშრომლობის კომიტეტის ორდღიანი შეხვედრა. როგორც ჩვენი კორესპონდენტი გვატყობინებს, ამ კომიტეტის ყოველწლიური შეხვედრების 15 წლიან ისტორიაში პირველად მოხდა, რომ სხდომა საბოლოო განცხადების შემუშავების გარეშე დასრულდა. ამის მიზეზი ის გახდა, რომ ევროპარლამენტის მემარჯვენე-ცენტრისტულ ჯგუფს, ევროპის სახალხო პარტიას - რომლის წევრებს შორის საქართველოს ნაციონალური მოძრაობაც არის - ტექსტში შესწორების შეტანა სურდა - რომ თბილისში „პოლიტიკურად მოტივირებული თავდასხმა“ მოხდა იმ დღეს, როცა პრეზიდენტ სააკაშვილს ქვეყნის მდგომარეობის შესახებ ყოველწლიური გამოსვლისთვის ადგილის შეცვლა მოუწია. საუბარია 8 თებერვალს ეროვნული ბიბლიოთეკის წინ მომხდარ შეხლა-შემოხლაზე. კერძოდ, უთანხმოების გამომწვევ პუნქტში ეწერა, რომ „პრეზიდენტის და მისი პოლიტიკური პარტიის წინააღმდეგ ეს თავდასხმები პოლიტიკურად მოტივირებული იყო“.  შეხვედრის დასრულების შემდეგ საქართველოს დელეგაციის წევრმა, პარლამენტარმა თინათინ ხიდაშელმა ევროპელ კოლეგებს მიმართა: „მე ვიზიარებ თანათავმჯომარის მიერ გამოთქმულ სინანულს იმის თაობაზე, რომ ამ შეხვედრის შედეგად საბოლოო დოკუმენტი ვერ შევიმუშავეთ. თუმცა, ვფიქრობ ეს გარემოება ირეკლავს იმ ობიექტურ რეალობას, რომლის წინაშეც ვართ ყველანი. რომ არსებობს ბევრი უთანხმოება, ბევრი საკითხი, რომელიც კვლავაც საჭიროებს განხილვას და ჩაღრმავებას. სწორედ ამიტომაა, რომ უკვე რამდენიმე თვეა ჩვენს [პარტნიორებს საქართველოში ვიწვევთ]. ამ შეხვედრაზე ეს ევროპარლამენტარებსაც შევთავაზე. ჩამობრძანდით საქართველოში, შეისწავლეთ საქმეები, დააკვირდით პროცესებს. ჩვენ უზრუნველვყოფთ გამჭვირვალობის ყველა წესის დაცვას, უზრუნველვყოფთ ღიაობას და ნებისმიერი დოკუმენტის ხელმისაწვდომობას“ - განაცხადა თინა ხიდაშელმა.
26 თებერვალი 2013
26 თებერვალი 2013

კალენდარი

ორსმოთხთპრშბკვ
28293031123
45678910
11121314151617
18192021222324
25262728123
45678910

სხვა მასალები

აუდიო 489: სადაც ჯაბა შავიშვილმა და ნიკომ ილაპარაკეს ყველაფერზე: ექსპერიმენტულ მუსიკაზე, ტროლებზე, პოლიტიკაზე, დიჯეებზე და პოდკასტებზე.

ჯაბამ თქვა, დღევანდელმა ქართველმა დიჯეებმა მუსიკა არ იციანო. ნიკო ეკამათა. ჯაბამ - SOU ფესტივალი კარგიაო. ნიკო დაეთანხმა. დანარჩენი დრო პოდკასტ "დაირაზე" ილაპარაკეს. კიდევ უფრო დანარჩენი დრო კი პოლიტიკას, ონლაინ და არაონლაინ აქტივიზმს და ტროლინგის განხილვას დაეთმო.
გაგრძელება

ავსტრიის საპრეზიდენტო არჩევნებში გაიმარჯვა ალექსანდერ ვან დერ ბელენმა

არჩევნების შედეგი გადაწყვიტეს ფოსტის საშუალებით კენჭისყრაში მონაწილე ამომრჩევლებმა. ოთხ-ნახევარ მილიონზე მეტი ბიულეტენიდან ვან დერ ბალენმა 31 ათასით მეტი ხმა მოიპოვა.
გაგრძელება

აუდიო მეტეხში „ქართული ოცნების“ კანდიდატმა გაიმარჯვა

კასპის საკრებულოს შუალედური არჩევნები მეტეხის თემში „ქართული ოცნების“ კანდიდატის ალექსანდრე მერებაშვილის გამარჯვებით დასრულდა.
გაგრძელება

აუდიო ერთჯერადი ჩხუბი თუ წინასაარჩევნო ომი

საკრებულოს შუალედური არჩევნების შედეგები ცნობილია. ცესკოს მონაცემებით, ცხრიდან შვიდ საარჩევნო ოლქში გამარჯვება „ქართული ოცნების“ კანდიდატებმა მოიპოვეს, ორში კი გამარჯვება „ნაციონალური მოძრაობის“ კანდიდატებს დარჩათ.
გაგრძელება

თქვენი პუბლიკაციები

ძვირფასო მეგობრებო,

რადიო თავისუფლების რუბრიკაში „თავისუფალი სივრცე“ შეგიძლიათ საკუთარი ბლოგებისა და პუბლიცისტური სტატიების გამოქვეყნება.

ტექსტი არ უნდა აღემატებოდეს 700 სიტყვას.

რედაქცია იტოვებს უფლებას, საკუთარი შეხედულებისამებრ შეარჩიოს ტექსტები გამოსაქვეყნებლად. ავტორებს ვთხოვთ, გაითვალისწინონ რადიო თავისუფლების სარედაქციო პოლიტიკა, რომელსაც შეგიძლიათ გაეცნოთ განყოფილებაში „ფორუმის წესები“.

ტექსტები ქვეყნდება უცვლელად, რედაქტირების გარეშე.

მასალები მოგვაწოდეთ მისამართზე: tavisupleba@rferl.org
(subject-ში ჩაწერეთ „თავისუფალი სივრცე“)