შაბათი, 01 აგვისტო, 2015 თბილისის დრო 11:45

გიორგი ოქროპირიძე - მოქანდაკე

26.07.2015
ვიყავით ბაზარში, რამაც სტუმრებზე დიდი შთაბეჭდილება მოახდინა. კარგა ხანს დავრჩით, განსაკუთრებით – ღვინის გამყიდველთან. იმდენი გვასინჯა, რომ მე კარგად შეზარხოშებული წამოვედი. თან ვკითხე, ამდენი თუ უფასოდ უსხით ყველას, რა შემოსავალი გაქვთ-მეთქი. სტუმრები ხართო, მიპასუხა. გაგრძელება
2015
ივლისი 2015

ვიდეო ნინო კვარაცხელია - დევნილი

„მარგალიტები მეხსიერების საგანძურიდან “– ალბომში წარმოდგენილი ყველა ნივთი აფხაზეთიდან და სამაჩაბლოდან დევნილებს მშობლიური სახლებიდან გამოჰყვათ და დღემდე აგონებთ იქაურობას, იქ გატარებულ ბედნიერ დღეებს. შესაბამისად, შინ დაბრუნების სურვილსა და იმედს უმძაფრებთ.

ვიდეო ბექა გონაშვილი - ფერმერი

დილას წავედი გარდაბანში, ლემშვენიერას ტერიტორიაზე, ნაციონალების დროს ბურებს რო მიწები მისცეს, იქ. მომეწონა, სულ პივოტები უყენიათ სარწყავად. ჩარლზს ცხვარიც ჰყავს 500 სულამდე. გამაცნო სხვა ბურებიც, ძალიან მშრომელი ხალხია! ყველა მშრომელ ადამიანს გაუმარჯოს ღმერთმა: ქართველია, ირანელი, ინდოელი თუ ბური.

ვიდეო ნიკა ბრეგვაძე - იურისტი

სასამართლო პროცესი არ იქნება მარტივი, თუმცა ამ მხრივ კარგი გამოცდილება გვაქვს: შარშან პირველი სასამართლო პროცესი მოვუგეთ საქართველოს მთავარ პროკურატურას, ორი კვირის წინ კი სასამართლომ ინსპექტორის კიდევ ერთი გასაჩივრებული გადაწყვეტილება დატოვა ძალაში. ვნახოთ, რა მოხდება დღეს...

ივნისი 2015

ვიდეო მაშო სამადაშვილი - სამოქალაქო აქტივისტი

ქეთა, მე და მისი მეგობარი ნინო გამგეობიდან საღამოს გამოვდივართ და ჯერ ის არ გვაქვს გააზრებული, რომ რიგის ქუჩაზე (სავარაუდოდ) ვეფხვი დაინახეს, როცა ვიგებთ, რომ ზოოპარკის დირექტორი ზურა გურიელიძე დაკითხვაზე მიჰყავთ. გაოგნებულები ვუყურებთ და უამრავ კითხვას ვაყრით ერთმანეთს.

აუდიო ზურაბ გურიელიძე - ზოოლოგი

მოულოდნელად გავრცელდა ინფორმაცია ჩემი გარდაცვალების შესახებ... რა თქმა უნდა, ჩემს ახლობლებს, რომლებსაც ჩემთან კონტაქტი არ ჰქონდათ, რადგან ტელეფონი ერთი წუთით არ დუმდებოდა და დაკავშირება რთული საქმე იყო, ძალიან დავწყვიტე გული.

ვიდეო სანდრა დავთიანი - მოსწავლე

ამ ასაკისთვის სიტყვა „გარდატეხა“ მშვენივრად არის შერჩეული. ხშირად ვცდილობ იმის გარკვევას, ბავშვი ვარ, თუ ზრდასრული, ჩამოყალიბებული ადამიანი. ზოგჯერ „ბავშვს“ მიწოდებენ და ცოტა მწყინს, მაგრამ, ამავდროულად, მეშინია ზრდასრული ადამიანის პასუხისმგებლობის, სირთულეების, პრობლემების...

ვიდეო იოსებ ბარათაშვილი - ადვოკატი

ვუსმენ მიხეილ სააკაშვილის გამონათქვამს იმის შესახებ, რომ ქართველმა მოსამართლეებმა არ გაამართლეს, ამიტომ თურმე მათი დათხოვნა და უცხოელი მოსამართლეების მოწვევაა საჭირო, რათა მართლმსაჯულება სწორად განხორციელდეს. მწარედ მეღიმება. სააკაშვილი არ იყო, ვინც ყველანაირად ჩაახშო მოსამართლეთა დამოუკიდებლობა?

მაისი 2015

ვიდეო სალომე ბენიძე - პოეტი

დღეს ჩემთვის ორმაგად დიდი დღესასწაულია. წუხელ თბილისში ჩემი საყვარელი სერბი მწერლის, მილორად პავიჩის ქვრივი, იასმინა მიხაილოვიჩი ჩამოვიდა. ის თბილისის წიგნის საერთაშორისო ფესტივალის განსაკუთრებული სტუმარია.

ვიდეო პაატა შამუგია - პოეტი

დილიდან არც ისე ლიტერატურულ გარემოში ვარ − პროფილაქტიკაში. ჩემი ჯაბახანა „ლოლიტა“ ურევს. თავიდანვე ასე შევარქვი. სერია აქვს „LOL“, არის ზუსტად იმდენის, რამდენისაც ლოლიტაა ნაბოკოვის რომანში, მე კი ჰუმბერტ ჰუმბერტი ვარ.

ვიდეო ნინო ზამბახიძე - ფერმერი

საქართველო აგრარული ქვეყანა არ არის, თუმცა საამისო ამბიცია და სურვილი ნამდვილად გვაქვს. ჰოდა, თუ სურვილია, შესაძლებლობაც გაჩნდება, რომ რეგიონებში მცხოვრებ ადამიანებს უფრო მეტი დოვლათის შექმნაში შევუწყოთ ხელი.

ვიდეო რატი იონათამიშვილი - საჯარო მოხელე

12-ზე ვიყავი სპორტის სასახლეში, რომლის ადაპტირებასაც ვიწყებთ. ძალიან მომწონს პროექტი და ერთი სული მაქვს, როდის დასრულდება სამშენებლო სამუშაოები, რომელიც დღეს დაიწყო. დანგრეული კიბეების დანახვა ცხოვრებაში არ გამხარებია ასე.

ვიდეო ნატა გაგუა - ექიმი-ნუტრიციოლოგი

„ხუთი თვეა, თქვენთან მოსვლას ველოდები“ − მეუბნება პაციენტი და, ცოტა არ იყოს, მაბნევს ეს წინადადება, მაშინებს კიდეც. პასუხისმგებლობის ხარისხია დიდი. როგორ უნდა გენდობოდეს ადამიანი, როგორ უნდა სჯეროდეს შენი, ხუთი თვე რომ გელოდოს.

აპრილი 2015

ვიდეო ლაურა კუტუბიძე - მედიის ექსპერტი

დედაჩემმა ნატვრის ხეს ჰკიდა თვალი და რომ გაიგო, რა დანიშნულება ჰქონდა ფერად-ფერადი ნაჭრებით დახუნძლულ ამ საოცრებას, სასწრაფოდ გააჩერებინა მანქანა, ოთხად გახია საგანგებოდ გახამებულ-გაუთოებული საგარეო ცხვირსახოცი და ნატვრის ხეს შეაბა.

ვიდეო გიგა კობალაძე - იურისტი

დღეს აღდგომაა! არ მიყვარს დღესასწაულები. მიზეზი ვიცი. რიტუალი − ზოგადი, უშინაარსო მოქმედება, რომელსაც მოწესრიგებული ფორმა აქვს და თავისუფლებას გიზღუდავს. და კიდევ, მგონია, რომ ამ დროს ყველაფერი ერთმანეთს ჰგავს და გაჩერებულია.

ვიდეო დათო გაბუნია - დრამატურგი

წიგნების ციებ-ცხელება დამეწყო. სააღდგომოდ ფოთში მივდივარ, ჩემს ოჯახთან, სადაც ორი გოგო მელოდება − ჩემი ძმის და დის შვილები, ანი და ნატა. დიდი ხანია მიეჩვივნენ, რომ ჩემგან საჩუქრად, ძირითადად, წიგნებს იღებენ, უკიდურეს შემთხვევაში − საკანცელარიო ნივთებს.

ვიდეო თამარ ისაკაძე - ფსიქოლოგი

სამსახურში ფეხით მივდივარ. როცა სამსახურის საქმეები და შენი ინტერესები ერთმანეთს ემთხვევა, ეს სულიერი ჰარმონიაა და სტრესი ნაკლებად გემუქრება. ინკლუზიური განათლება რა არის ჩემთვის? ეს მარტო სამსახური არ არის, უფრო სწორად, ეს ჩემთვის საერთოდ არ არის სამსახური.

მარტი 2015

ვიდეო ზვიად დევდარიანი - სამოქალაქო აქტივისტი

რომ ვაკვირდები საქართველოში პოლიტიკოსების გამოსვლებს, ვუყურებ ურთიერთობებს ოჯახებში, მეგობრებს, შეყვარებულებს, მეზობლებს, თანამშრომლებს, უცნობებს, ნაცნობებს, ყველაზე მეტად თვალში მხვდება არა სიმაღლე, თვალის ფერი, კბილების სითეთრე, კილო ან ინტონაცია, არამედ შეცდომის აღიარების უნარის უქონლობა.

აუდიო თამარ ლალიაშვილი - სამართალმცოდნე

თავისუფლებასთან ასოცირდება კვირა, მაგრამ თუ ვართ ნეტავ თავისუფალნი? ყველაფერს ჩვენი დრო უნდა, რამდენი რამ ნთქავს ჩვენ წუთებს, წამებს.

ვიდეო ციური ანთაძე - შრომის ბაზრის ექსპერტი

ამბობენ, უმადურობა ადამიანის დამახასიათებელი თვისებააო, მაგრამ იმასაც ხომ ამბობენ, მადლიერება შინაგანი კულტურის გამოხატულებააო? ალბათ ყველას გვინდა ვიყოთ კულტურულები, კარგ შთაბეჭდილებას ვტოვებდეთ. ამიტომ, ნუ დავიზარებთ „მადლობის“ თქმას. ეს ხომ ასე ბუნებრივია!

აუდიო ელენე რუსეცკი - სამოქალაქო აქტივისტი

ერთი ძალიან კარგი ამბავია დღეს: პოლიციელ ქალთა კონფერენციაა, სადაც თეა წულუკიანი სიტყვით გამოვიდა და ქალთა პოლიტიკურ აქტიურობაზე და კვოტებზე ისაუბრა. ქალური სოლიდარობა შესაძლებელია. მთავარია, მოინდომო.

გიორგი კლდიაშვილი - სამოქალაქო აქტივისტი

დღე ისე გადის, ვერც ვხვდები. ნინი საყვედურს მეუბნება, რადგან ორივე ბავშვს სიცხე აქვს, მე კი გვიან მივდივარ სახლში. ჩემთვის ყველაზე სასიამოვნო ოჯახთან ერთად ყოფნაა, მაგრამ, სამწუხაროდ, ამის საშუალება არ მეძლევა დღის განმავლობაში. სახლში მოსულს, ბავშვები დაძინებული მხვდება.

თებერვალი 2015

ვიდეო ნუცა ჯანელიძე - მუსიკოსი

დილიდან მივხედე საოჯახო საქმეებს. სადილიც კი გავაკეთე, ლობიო ამოვლესე. ბავშვობაში არ მიყვარდა ოთხშაბათი და პარასკევი. ბებიაჩემი დილიდან გასცემდა ხოლმე ბრძანებას: აბა, ლობიო, ან წიწიბურა, ან რაიმე წვნიანი, ზეთით გაკეთებულიო! თურმე ეს დღეები მარხვის ყოფილა და ამიტომ. რომ გავიზარდე, მერე ამიხსნეს.

ვიდეო ცოტნე გამსახურდია - პოლიტოლოგი

ვერ ვიტან ფანატიზმს და იდეაფიქსებს. სამწუხაროდ, ხშირად მიწევს არანორმატიული ლექსიკის გამოყენებაც: ძირითადად ფანატიკოსების გამოხდომებზე. საინტერესო რამეა დანინგ-კრიუგერის ეფექტი: როცა ყველა ბრიყვს საკუთარი თავი უცდომელ გენიოსად წარმოუდგენია იმიტომ, რომ მისი თვალსაწიერი ალტერნატივას ვერ სწვდება.

ვიდეო ნათია გვიანიშვილი - ქალთა მოძრაობის აქტივისტი

რამდენიმე საათში საბის დედა გვსტუმრობს. ჩვენ მას იურიდიულ დახმარებას ვუწევთ. ერთად ვსხდებით და ვსაუბრობთ მიმდინარე მოვლენებზე და სამომავლო ნაბიჯებზე. ცოტაც საბის ვიხსენებთ. წასვლის წინ გვეუბნება, იცოდეთ, 8-ში გელოდებითო. ჩამოვალთ-მეთქი, ვპირდები ისევ. 8 თებერვალს საბი ბერიანს 24 წელი შეუსრულდებოდა.

აუდიო რაფიელ მესენგისერი - ინჟინერ-მეტალურგი

იყო სამი ქართველი ერთ-ერთ ბანაკში, სადაც ებრაელებს წვავდნენ. ერთ-ერთმა ქართველმა რიგიდან გამოაგდო ებრაელი და თვითონ ჩადგა მის ნაცვლად. თქვა, მე ვარ ებრაელი, ეგ ქართველიაო, და ასე გადაარჩინა. ეს რამხელა ამბავია, ამას ვინ გააკეთებს?! არც ერთ ხალხში არ ყოფილა ეს! არავის არ გაუკეთებია ეს! გააკეთა ქართველმა!..

იანვარი 2015

ვიდეო ზურაბ გაიპარაშვილი - ფილოლოგი

გასული საუკუნის 80-იან წლებში უხარისხოდ აშენებულ შენობაში უამრავი ტექნიკური პრობლემაა მოსაგვარებელი, არც საბიბლიოთეკო სფეროში არსებობს სახელმწიფო პოლიტიკა, ის კი არა, ხელისუფლებაში არ არსებობს რგოლი, ვისაც ბიბლიოთეკის შესახებ დაელაპარაკები. უნივერსიტეტი თვითონ უნდა გაუმკლავდეს ყველა პრობლემას.

ვიდეო დინა ოგანოვა - ფოტოგრაფი

არასდროს ვყოფილვარ რომელიმე აქციაზე, როგორც მონაწილე, სულ ვიღებდი. მაგრამ აქ... ხალხი უნდა გამოვიდეს, აუცილებლად, დაუშვებელია ამის გაკეთება. არ მესმის, რატომ ანადგურებენ თბილისს ამ საშინელი ახალი მშენებლობებით, მთავარი არქიტექტორი გვყავს კი საერთოდ? რატომ უნდა დაამტკიცო ეს პროექტები?

ვიდეო დიანა ანფიმიადი - მწერალი

ახალი წლის დილაა, ჩემთვის კი − ახალი ცხოვრების, სულ სხვა რეალობის ოთხი წლისთავი: ჩემი ბიჭი იუბილარია. 2011 წლის 1 იანვარს გაჩნდა 1 საათზე და, ალბათ, ამ უცნაურმა ნუმეროლოგიამაც განაპირობა ციფრებისადმი მისი დიდი სიყვარული.

2015

სხვა მასალები

რადიოჟურნალი - 1098-ე გამოშვება

„მეათე სტუდიაში“ გამოვეხმაურებით ჰელსინკის დეკლარაციაზე ხელმოწერის მე-40 წლისთავს. ამ მოვლენას მაშინდელ კომუნისტურ ბლოკში დისიდენტური მოძრაობის გააქტიურება მოჰყვა, რაც კარგად ახსოვს საქართველოს პარლამენტის წევრს.
გაგრძელება

აუდიო ბოცო კორიშელი, „ლეგენდარული ადამიანი“

​ამ კვირაში აშშ-ში 93 წლის ასაკში გარდაიცვალა მუსიკოსი, მხატვარი და მოქანდაკე ვახტანგ კორიშელი - ადამიანი, რომელმაც ბევრს დაამახსოვრა თავი კალიფორნიის პატარა ქალაქ მორო ბეიში დაარამარტო იქ.
გაგრძელება

აუდიო ლევან ბერძენიშვილი: ჰელსინკი უზარმაზარი მოვლენა იყო!

40 წლის წინ, 1975 წლის 1 აგვისტოს, ფინეთის დედაქალქში ხელი მოაწერეს დეკლარაციას, რომელიც ერთ-ერთი უმნიშვნელოვანესი საფუძველი გახდა ყოფილ კომუნისტურ ბლოკში.
გაგრძელება

აუდიო პრორუსულად განწყობილი „ევროპული დესანტი“ ყირიმში

ცოტა ხნის წინ, 25 ივლისს, რუსეთის მიერ ოკუპირებულ ყირიმში იმოგზაურეს და კრემლის პოლიტიკისადმი მხარდაჭერა გამოხატეს საფრანგეთის პარლამენტის დეპუტატებმა.
გაგრძელება

თქვენი პუბლიკაციები

ძვირფასო მეგობრებო,

რადიო თავისუფლების რუბრიკაში „თავისუფალი სივრცე“ შეგიძლიათ საკუთარი ბლოგებისა და პუბლიცისტური სტატიების გამოქვეყნება.

ტექსტი არ უნდა აღემატებოდეს 700 სიტყვას.

რედაქცია იტოვებს უფლებას, საკუთარი შეხედულებისამებრ შეარჩიოს ტექსტები გამოსაქვეყნებლად. ავტორებს ვთხოვთ, გაითვალისწინონ რადიო თავისუფლების სარედაქციო პოლიტიკა, რომელსაც შეგიძლიათ გაეცნოთ განყოფილებაში „ფორუმის წესები“.

ტექსტები ქვეყნდება უცვლელად, რედაქტირების გარეშე.

მასალები მოგვაწოდეთ მისამართზე: tavisupleba@rferl.org
(subject-ში ჩაწერეთ „თავისუფალი სივრცე“)

ყველაზე პოპულარული